Agriculture News in Marathi Farmers angry over power issue On the road against MSEDCL | Agrowon

वीजप्रश्नी संतप्त शेतकरी  महावितरण विरोधात रस्त्यावर 

टीम अॅग्रोवन
रविवार, 28 नोव्हेंबर 2021

संतप्त शेतकऱ्यांनी शुक्रवारी (ता.२६) सटाणा येथे राष्ट्रीय महामार्गावर शहरातील छत्रपती शिवाजी महाराज पुतळ्याजवळ रस्ता रोको आंदोलन छेडले होते. या वेळी शेतकऱ्यांनी महावितरण विरोधात रस्त्यावर येऊन धोरणाचा निषेध केला.     

नाशिक : महावितरण कंपनीकडून सटाणा तालुक्यात थकीत वीजबिल वसुलीसाठी शेतीपंपांचा वीजपुरवठा खंडित करण्याचा सपाटा लावल्याने संतप्त शेतकऱ्यांनी शुक्रवारी (ता.२६) सटाणा येथे राष्ट्रीय महामार्गावर शहरातील छत्रपती शिवाजी महाराज पुतळ्याजवळ रस्ता रोको आंदोलन छेडले होते. या वेळी शेतकऱ्यांनी महावितरण विरोधात रस्त्यावर येऊन धोरणाचा निषेध केला.     

           महावितरणकडून जिल्हाभरात शेतकऱ्यांच्या शेती पंपाचे थकीत वीजबिल वसुली सुरू केली असून, त्यासाठी शेतकऱ्यांच्या बांधावर असलेले रोहित्रे बंद करण्याचे आदेश दिलेले आहेत. त्यानुसार अनेक गावांमधील विद्युत पुरवठा खंडित होत असल्याने शेतकऱ्यांकडून संताप व्यक्त केला जात होता. या पार्श्वभूमीवर आमदार दिलीप बोरसे यांनी शेतीपंपाच्या वीज जोडण्या खंडित करण्याचा प्रकार न थांबविल्यास तीव्र आंदोलन छेडण्याचा इशारा दिला होता. त्यानुसार शेकडो शेतकरी रस्त्यावर उतरले होते.

आमदार दिलीप बोरसे, भाजप किसान मोर्चा प्रदेश उपाध्यक्ष बिंदू शर्मा आदींसह शरद जोशी प्रणीत शेतकरी संघटना, स्वाभिमानी शेतकरी संघटना, महाराष्ट्र राज्य कांदा उत्पादक शेतकरी संघटना, रिपब्लिकन पार्टी ऑफ इंडिया आदी पक्ष संघटनांच्या पदाधिकाऱ्यांसमवेत पुकारलेल्या या रास्ता रोकोमुळे चौफुलीवरील चारही बाजूंची वाहतूक ठप्प झाली होती. 

  सध्या कांदा लागवडी सुरू आहे. पाच-सहा तासही सलग विद्युत पुरवठा होत नसल्याने अडचणी येत आहे. त्यातच ‘महावितरण’कडून सक्तीची वीजबिल वसुली सुरू करून शेतकऱ्यांच्या बांधावरील विद्युत पुरवठा खंडित करण्याची मोहीम हाती घेतली आहे. त्याचा निषेध करण्यासाठी तालुक्यातील सर्व शेतकरी संघटनांनी एकत्र येऊन शेतकऱ्यांसह रस्त्यावर उतरून ठिय्या दिला. 

पोलिस निरीक्षक सुभाष अनमूलवार व अधिकारी कर्मचाऱ्यांनी आंदोलनस्थळी दाखल होत बंदोबस्त तैनात ठेवला. या वेळी स्वाभिमानी शेतकरी संघटनेचे समन्वयक कुबेर जाधव, राज्य कांदा उत्पादक शेतकरी संघटनेचे उत्तर महाराष्ट्र प्रमुख अभिमन पगार, स्वाभिमानी शेतकरी संघटनेनेचे जिल्हा कार्याध्यक्ष सुभाष आहिरे, भाजपचे नेते डॉ. विलास बच्छाव, शेतकरी संघटनेचे तालुकाध्यक्ष माणिक देवरे आदींनी मनोगत व्यक्त करून सक्तीची वीजबिल वसुली व विद्युत पुरवठा खंडित करण्याच्या धोरणाचा जाहीर निषेध केला. 

पोलिसांच्या मध्यस्थीनंतर आंदोलन मागे 
‘महावितरण’चे कार्यकारी अभियंता सतीश बोंडे यांनी आंदोलनस्थळी येऊन निवेदन स्वीकारले. शेतकरी आंदोलकांच्या भावना वरिष्ठांना कळविण्याचे आश्वासन दिल्यानंतर आंदोलन स्थगित करण्यात आले. या वेळी पोलिस प्रशासनाच्या मध्यस्थीनंतर आंदोलन मागे घेण्यात आले. शेतकरी नेते भास्कर सोनवणे, प्रहार शेतकरी संघटनेचे किरण मोरे, ‘स्वाभिमानी’चे तालुकाध्यक्ष रमेश आहिरे, केदाबापू काकुळते, सुरेश मोरे, बापूराज खरे, राजू पवार, दीपक मोरे, सनी शर्मा, नीलेश धोडगे, किरण ठाकरे, हेमंत सोनवणे, अतुल पवार, दिलीप पुढारी, विनोद अहिरे, अरुण देवरे, दीपक देवरे, प्रकाश देवरे आदींसह तालुका भरातील शेतकरी मोठ्या संख्येने उपस्थित होते. 


इतर बातम्या
‘पोकरा’अंतर्गत ३२७ गावांसाठी १३०...औरंगाबाद : नानाजी देशमुख कृषी संजिवनी प्रकल्प (...
जादा दराने खतांची विक्री सात...नाशिक : रब्बी हंगामात शेतकऱ्यांची खतांना मागणी...
महिलांच्या विरोधाने दारू दुकान बंद सिंदी (रेल्वे) (जि. वर्धा) : दारूबंदी असलेल्या...
सोलापुरातील १३ साखर कारखाने ‘लाल यादी’तमाळीनगर, जि. सोलापूर ः यंदाच्या गाळप हंगामात...
जळगावात पावणेदोन लाख हेक्टरपर्यंत रब्बी...जळगाव ः जिल्ह्यात ऑगस्ट ते सप्टेंबर २०२१ दरम्यान...
उजनीतील बेकायदा प्रवासी बोंटिगवर कारवाई...पुणे : उजनी जलाशयातून करमाळा तालुक्यातील एक...
दोन नगर पंचायतीच्या निवडणुकीत बुलडाणा...बुलडाणा ः जिल्ह्यात दोन नगरपंचायतींचे निकाल लागले...
पुणे जिल्ह्यातील रिंग रोडच्या...पुणे : ‘‘महाराष्ट्र (एमएसआरडीसी) हाती घेण्यात...
नगर जिल्ह्यात नगर पंचायत निवडणूकीत...नगर ः नगर जिल्ह्यातील तीन नगरपंचायतींच्या...
भंडारा जिल्ह्यात २७ लाख क्‍विंटल धान...भंडारा ः जिल्ह्यात आधारभूत केंद्राच्या माध्यमातून...
वाळु प्रकरणात साडेसोळा लाखांचा दंड वरुड, अमरावती : उपविभागीय अधिकारी यांनी जप्त...
महाराष्ट्रात ३५ धान्य आधारित इथेनॉल...वृत्तसेवा - केंद्र सरकारने (Central Government)...
रशियासाठी निर्यातीच्या द्राक्ष दराचा...पुणे - महाराष्ट्र राज्य द्राक्ष बागायतदार संघाने...
युपी काँग्रेसची घोषणा : कर्जमाफी, गहू-...वृत्तसेवा - उत्तर प्रदेशमध्ये सत्तेत आल्यास...
मराठवाड्यातील पाणीसाठा ८५ टक्‍क्‍यांवर औरंगाबाद : मराठवाड्यातील सर्व प्रकल्पांमधील...
कोरोना संसर्गाच्या निदानासाठी चाचण्या...बुलडाणा : ‘‘कोरोनाची तिसरी लाट सध्या सुरू आहे. या...
ग्रामपंचायतीचे शंभर टक्के कर भरल्यास...पुणे : थकीत कर वसुलीसाठी मावळ तालुक्यातील घोणशेत...
अमरावती : पोलिस अधिकाऱ्याच्या...अमरावती ः भारतीय पोलिस सेवेत असलेल्या एका युवा...
पंढरपुरातील विकासकामे दर्जेदार व्हावीत...सोलापूर ः पंढरपुरात वारीनिमित्त लाखो भाविक येतात...
अमरावती विभागात १५ हजार हेक्‍टर पिकांचे...अमरावती ः खरिपानंतर रब्बी हंगामातील पिकांनादेखील...