Agriculture News in Marathi Farmers' Association; Connected power of 35 Rohitras | Agrowon

शेतकरी संघटनेचा ठिय्या;  ३५ रोहित्रांची जोडली वीज 

टीम अॅग्रोवन
गुरुवार, 9 डिसेंबर 2021

पातूर तालुक्यातील सस्ती परिसरातील शेतकऱ्यांकडून थकीत वीजबिल वसुलीसाठी महावितरणने कुठलीही पूर्वसूचना न देता थेट ३५ रोहित्रांवरील वीजपुरवठा खंडीत केल्याने एकच खळबळ उडाली होती.

अकोला ः पातूर तालुक्यातील सस्ती परिसरातील शेतकऱ्यांकडून थकीत वीजबिल वसुलीसाठी महावितरणने कुठलीही पूर्वसूचना न देता थेट ३५ रोहित्रांवरील वीजपुरवठा खंडीत केल्याने एकच खळबळ उडाली होती. रब्बी व इतर पिकांचे सिंचन कसे करावे, हा प्रश्‍न निर्माण झाला होता. या बाबत शेतकरी संघटनेने अनेक तासांपर्यंत ठिय्या आंदोलन केल्याने महावितरणच्या अधिकाऱ्यांनी तोडगा काढत रोहित्रांची वीज जोडून दिली. 

पातूर तालुक्यातील सस्ती परिसरात महावितरणने शेतकऱ्यांना कुठली पूर्वसूचना न देता गावातील ३५ रोहित्रांची वीज तोडली होती. या वेळी कांदा बियाणे, हरभरा, गहू या पिकांची उगवण सुरू असतानाच वीजपुरवठा खंडित केल्यामुळे शेतकरी हताश झाले होते. सस्ती गावातील शेतकरी संघटनेचे ज्येष्ठ नेते राजाभाऊ देशमुख यांनी शेतकरी संघटनेचे जिल्हा अध्यक्ष लक्ष्मीकांत कौठकर यांच्याशी संपर्क साधून रविवारी (ता. ५) गावात शेतकरी संघटनेच्या सभेचे आयोजन केले होते.
या सभेत सोमवारी (ता. ६) वीज वितरण कार्यालयावर धरणे आंदोलन देण्याचे ठरले. या मुद्यावर त्या दिवशी शेतकरी संघटनेचे कार्यकर्ते व महावितरण कर्मचाऱ्यांमधील चर्चा फिसकटली. 

बाळापूरचे उपविभागीय अधिकारी रामेश्‍वर गिरी यांनी सुद्धा मध्यस्ती करण्याचा प्रयत्न केला. पण महावितरणने त्यांना दाद दिली नाही. शेतकरी संघटनेचे कार्यकर्तेसुद्धा एक रुपयाचेही बील भरणार नसल्याची भूमिका घेतली. आधी आमचे बिल दुरुस्त करून द्या. नंतर कसे भरायचे ते बघू ही भूमिका संघटनेचे अध्यक्ष ललित बाहाळे यांनी घेतली. त्यामुळे ठिय्या आंदोलन चिघळत केले. कुठलाही तोडगा न निघाल्याने शेतकरी संघटनेचे कार्यकर्ते, शेतकरी दीड दिवस ठिय्या आंदोलन करीत तेथेच बसले. या वेळी शेतकऱ्यांनी महावितरणच्या परिसरातच स्वयंपाक करून भंडारा केला.

रात्रीचा मुक्काम ठोकला. मंगळवारी (ता. ७) दुपारी शेतकरी संघटनेचे अध्यक्ष ललित बाहाळे, सतीश देशमुख, राजाभाऊ देशमुख, भालचंद्र फोकमारे यांच्याशी महावितरणचे अधीक्षक अभियंता कचोट, उपकार्यकारी अभियंता संतोष खुमकर, पोलिस निरीक्षक राहुल वाघ, आमदार नितीन देशमुख यांच्यासोबत झालेल्या चर्चेच्या दरम्यान आधी दहा हजार नंतर पाच हजार व नंतर दोन हजार, अशी वीजबिलाची मागणी महावितरणतर्फे करण्यात आली. परंतु वीजबिल दुरुस्त झाल्याशिवाय कुठलेही बिल भरणार नाही, अशी भूमिका शेतकरी संघटनेने शेवटपर्यंत घेतली.

अखेर शेतकरी संघटनेच्या आंदोलनामुळे महावितरणला शेतकऱ्यांची तोडलेली वीज जोडून देण्याचा निर्णय घ्यावा लागला. या वेळी श्याम देशमुख, नीलेश नेमाडे, दिनेश गिर्हे, आकाश देऊळकार, महिला आघाडी ज्योत्स्ना बाहाळे यांच्यासोबत सस्ती गावातील महिला, शेतकरी मोठ्या संख्येने उपस्थित होते. 

 

 


इतर बातम्या
Top 5 News: रशिया-युक्रेन संघर्षाचा...1. सध्या पंजाबपासून झारखंडपर्यंत हवेचा कमी दाबाचा...
मोहरीच्या वायदेवापसीची मागणी का होतेय?वायदेबंदीला विरोध वाढतो आहे. मोहरीचे वायदे पुन्हा...
देशाची मोहरी क्रांतीकडे वाटचालपुणेः खाद्यतेल आणि पेंडच्या दरातील तेजीमुळे...
उत्तर भारतात मोहरी,हरभऱ्याला अवकाळीचा...अवकाळी पाऊस आणि वादळी वाऱ्यामुळे उत्तर भारतातील...
रब्बी पेरणीत मक्याचे वर्चस्ववृत्तसेवा - चालू रब्बी हंगामात (Rabbi Season...
कृषी ड्रोन खरेदीसाठी केंद्र सरकारचे...  कृषी क्षेत्रातील ड्रोनच्या (drone )...
यंदाच्या हंगामात इथेनॉलचा पुरवठा...वृत्तसेवा - इंधनाच्या आयातीवरील (Fuel Import)...
मस्त्यव्यावसायिकांनी शास्त्रशुद्ध...मस्त्यव्यवसाय क्षेत्राने देशांतर्गत गरजा...
भारत ठरला काकडीचा सर्वात मोठा...पुणे - भारत जगात काकडीची (Cucumber) निर्यात (...
किमान तापमानात घट शक्य पुणे : अरबी समुद्रावरून वाहणाऱ्या बाष्पयुक्त...
जागतिक बाजारपेठेत कच्च्या  साखरेच्या...कोल्हापूर : जागतिक बाजारपेठेत कच्च्या साखरेच्या...
आखाती देशातून आले धुळीचे वादळ पुणे : आखाती देशातून वाहणारे धुळीचे वादळ...
इंडोनेशिया पामतेल  निर्यात कमी करणार पुणे ः जागतिक पातळीवर खाद्यतेलाची मागणी वाढल्याने...
कार्बन कमी करण्यासाठी  बांबू लागवड हाच...पुणे ः पृथ्वीवरील कार्बनचे वाढते प्रमाण ही गंभीर...
पतपुरवठा सोसायट्यांसाठी  शिखर बॅंकेचे...पुणे ः राज्याच्या कृषी पतपुरवठा व्यवस्थेत मोलाची...
सरकारच्या उपाययोजनांनंतरही  शेतकरी...नागपूर : राज्यात शेतकरी आत्महत्यांचे सत्र सुरूच...
आत्महत्या नियंत्रणासाठी धोरणात्मक...चंद्रपूर : शेतकऱ्यांना स्वावलंबी करुन पाठबळ...
सीड पार्कचा प्रकल्प आराखडा तयार नागपूर : दर्जेदार बियाणेनिर्मिती सोबतच बियाणे...
जैव उत्तेजक उत्पादने  नोंदणीचा घोळात...पुणे ः राज्यातील जैव उत्तेजकांच्या यादीतील...
कृषी योजनांसाठी अर्जांचा ओघ सुरुचनगर ः कृषी यांत्रिकीकरण उपअभियान, सिंचन साधने व...