agriculture news in marathi, farmers become in trouble due to american fall army warm on crops, nagar, maharashtra | Agrowon

लष्करी अळीच्या प्रादुर्भावाने नगर जिल्ह्यातील शेतकरी हवालदिल
टीम अॅग्रोवन
सोमवार, 22 जुलै 2019

पावसाचे प्रमाण कमी असल्याने मक्यासह अन्य काही पिकांवर लष्करी अळीचा प्रादुर्भाव दिसून येत आहे. त्याबाबत उपाययोजना करण्यासाठी कृषी विभागाकडून शेतीशाळा घेतल्या जात आहेत. साडेबारा लाख रुपयांची कीटकनाशके उपलब्ध करून दिली आहेत. कृषी विभागातातील अधिकारी, कर्मचारी ठिकठिकाणी पाहणी करत असून, गरजेनुसार कीटकनाशके उपलब्ध करून देत आहेत. याशिवाय कामगंध सापळेही लावले जात आहेत. अळीचा प्रादुर्भाव रोखण्यासाठी कृषी विभागाकडून उपाययोजना केल्या जात आहेत.  
-विलास नलगे, प्रभारी जिल्हा अधीक्षक कृषी अधिकारी, नगर.

नगर   ः गेल्या वर्षभरात दुष्काळाशी सामना केलेल्या शेतकऱ्यांचा सावरण्याचा प्रयत्न असला तरी, शेतीतील संकटे पाठ सोडायला तयार नाहीत. जिल्ह्यातील अनेक भागांत मका पिकावर अमेरिकन लष्करी अळीचा प्रादुर्भाव झाला असल्याने शेतकरी त्रस्त आहेत. आतापर्यंत जिल्हाभरात सुमारे दहा ते बारा हजार हेक्टर क्षेत्रावर अमेरिकन लष्करी अळीचा प्रादुर्भाव झाला असल्याचा अंदाज असून, कृषी विभागाकडून सर्वेक्षण सुरू असल्याची माहिती देण्यात आली.

जिल्ह्यात गेल्या वर्षी पुरेसा पाऊस न झाल्याने शेतीचे उत्पादन मिळाले नाही. त्यातच उसावर हुमणी अळी आणि कापसावर गुलाबी बोंड अळीचा प्रादुर्भाव झाल्याने मोठे नुकसान झाले. यंदा गतवर्षीच्या दुष्काळातून सावरण्याचा प्रयत्न केला जात असताना, अजूनही पुरेसा पाऊस झाला नसल्याने त्याचे परिणाम दिसून लागले आहेत. यंदा मक्यावर लष्करी अळीचा मोठ्या प्रमाणात प्रादुर्भाव दिसून येत आहे.

जिल्ह्यात मकाचे सरासरी क्षेत्र ५३ हजार १४१ हेक्टर असून, त्यापैकी २९ हजार ४३८ हेक्टर म्हणजे ५५.४० टक्के क्षेत्रावर यंदा आतापर्यंत पेरणी झालेली आहे. त्यात जवळपास १० ते १२ हजार हेक्टर क्षेत्रावरील मक्यावर लष्करी अळीचा प्रादुर्भाव झाल्याचा अंदाज आहे. कृषी विभागाकडून लष्करी अळीचा प्रादुर्भाव रोखण्यासाठी उपाययोजना आणि बाधित क्षेत्राचे सर्वेक्षण केले जात असल्याचे सांगण्यात आले. 

शेतकऱ्यांनी पीक मोडले 
जिल्ह्यातील उत्तर भागात मक्याचे क्षेत्र अधिक असते. कोपरगाव तालुक्यातील रांजणगाव देशमुख येथील काही शेतकऱ्यांनी अळीचा प्रादुर्भाव झालेल्या क्षेत्रावरील मका पीक मोडून टाकले आहे. अनेक भागांत मक्याचा कुक्कुटपालनासाठी खाद्य म्हणून उपयोग केला जातो. त्यामुळे कुक्कुटपालनही अडचणीत येण्याची शक्यता निर्माण झाली आहे. मक्याच्या नुकसानीची भरपाई देण्याची मागणी रांजणगाव देशमुख परिसरातील शरद देशमुख, नितीन शिंदे, गणेश गोरडे, भारत वरपे, दादाभाऊ वरपे, नवनाथ धाकतोडे, वीरेंद्र वरपे, बाबासाहेब खालकर, सुरेश खालकर, विजय खालकर आदींसह शेतकऱ्यांनी केली आहे. 
 

इतर ताज्या घडामोडी
मराठवाड्यात पाणीसाठ्याची स्थिती विदारकऔरंगाबाद : अर्धा पावसाळा लोटला तरीही मराठवाड्यात...
बुलडाणा जिल्ह्यात निर्माण झाली १३२५...बुलडाणाः जिल्हा प्रशासन व भारतीय जैन संघटना...
कोकणात नुकसानभरपाईचे वेगळे निकष लावा :...रत्नागिरी : ‘‘सांगली, कोल्हापूरप्रमाणेच कोकणातील...
सिंधुदुर्गात अतिवृष्टीने महावितरणचे चार...सिंधुदुर्ग : जिल्ह्यात झालेल्या अतिवृष्टी आणि...
शेतीमध्ये रासायनिक खतांचा वापर...जालना : सेंद्रिय शेतीमध्ये रासायनिक खतांचा...
परभणी जिल्ह्यात पाण्याअभावी फळबाग...परभणी : जिल्ह्यात गतवर्षीची दुष्काळी स्थिती आणि...
औरंगाबादेत कांदे १००० ते १६०० रुपये...औरंगाबाद : येथील कृषी उत्पन्न बाजार समितीमध्ये...
जळगावच्या पश्‍चिम भागातील प्रकल्प कोरडेचजळगाव ः खानदेशात अनेक भागांत पाऊसमान चांगले असले...
प्रौढांपेक्षा अळ्यांच्या वेगळ्या...गेल्या काही वर्षांमध्ये हानीकारक ठरणाऱ्या किडी...
वर्धा जिल्ह्यात नुकसानग्रस्त भागाची...वर्धा ः जिल्ह्यात पावसामुळे झालेल्या नुकसानीची...
खानदेशात पावसाची टक्केवारी वाढतीचजळगाव ः खानदेशात मागील वर्षाच्या तुलनेत पाऊसमान...
निकृष्ट बांधकामामुळे साकोऱ्यातील बंधारा...नाशिक : नांदगाव तालुक्यातील साकोरा येथे पांझण...
जळगावात मिश्रखतांच्या विक्रीवर परिणामजळगाव ः जिल्ह्यात रासायनिक खतांचा पुरवठा सुरळीत...
सातबारा डिजिटल करण्यात अकोला राज्यात...अकोला ः सातबारा डिजिटल करण्याच्या प्रकल्पात अकोला...
बुलडाण्यात दुष्काळ निधीचे १९५ कोटी...बुलडाणा ः मागील वर्षामध्ये जिल्ह्यावर ओढावलेल्या...
विंचूर एमआयडीसीत १० हजार मेट्रिक टन...नाशिक  : निफाड तालुक्यातील विंचूर येथे सुरू...
औरंगाबाद जिल्ह्याची सर्वांगीण प्रगतीकडे...औरंगाबाद : ‘‘शासन योजनांच्या प्रभावी...
रेशीम उत्पादकांचा सरकारदरबारी...औरंगाबाद : मंत्रिबदलामुळे रेशीम उत्पादकांना...
सिंधुदुर्गात शेकडो एकर भातशेती कुजलीसिंधुदुर्ग : विजयदुर्ग, खारेपाटण आणि राजपूर खाडी...
नाशिक जिल्ह्यातील भात लागवड अंतिम...नाशिक : नाशिक जिल्ह्यात पावसाने गेल्या पंधरा...