agriculture news in marathi, farmers become in trouble due to strawberry crop damage, satara, maharashtra | Page 2 ||| Agrowon

मेटगुताड परिसरात रानगव्यांकडून स्ट्रॉबेरी पीक उद्ध्वस्त

टीम अॅग्रोवन
मंगळवार, 19 नोव्हेंबर 2019

लांबलेल्या पावसामुळे स्ट्रॉबेरी लागवड उशिरा झाली. त्यात लगेच उघडिपीनंतर ढगाळ हवामानामुळे स्ट्रॉबेरीवर करप्याचा प्रादुर्भाव झाला आहे. यामुळे फवारणी करून पीक वाचवण्यासाठी धडपड चालू असताना रानगव्यांच्या अस्मानी संकटाने मोठे आर्थिक नुकसान झाले. नुकसानीची दखल घेऊन भरपाई मिळावी. 
- सुरेश बावळेकर, शेतकरी. 

भिलार, जि. सातारा  : लांबलेल्या पावसाने स्ट्रॉबेरी उत्पादक अडचणीत आले असतानाच आता वन्यप्राण्यांनी मेटगुताड परिसरातील स्ट्रॉबेरीचे मोठे नुकसान केले आहे. या संकटाने शेतकरी अधिकच हवालदिल झाले आहेत.

मेटगुताड (ता.महाबळेश्वर) परिसर स्ट्रॉबेरीचे माहेरघर समजले जाते. या परिसरातील स्ट्रॉबेरी उत्पादक पावसाने हैराण झाले असून, स्ट्रॉबेरी पिकावरील रोगनियंत्रणासाठी फवारणीकरिता वारेमाप खर्च करीत आहेत. तो खर्च निघेल की नाही, याची काळजी न करता केवळ पीक वाचवण्यासाठी शेतकऱ्यांची धडपड सुरू आहे. असे असताना या परिसरात वन्य प्राण्यांचे कळपच्या कळप पिकाचे नुकसान करीत आहेत. रविवारी रात्री मेटगुताड, लिंगमळा या परिसरातील सुरेश रामचंद्र बावळेकर, संजय श्रीपती कोंढाळकर, संतोष बावळेकर, मारुती धोंडिबा बावळेकर यांच्या सुमारे दोन एकर क्षेत्रावरील स्ट्रॉबेरी शेतात रानगव्यांनी अक्षरशः धुमाकूळ घातला.

या ठिकाणी या शेतकऱ्यांनी जवळपास ५० हजार रोपांची लागवड केली आहे. मल्चिंगसाठी लाखो रुपये खर्च केले आहेत. या शेतीत रानगव्यांनी धुमाकूळ घातल्याने लागवड केलेली लाखो रुपये किमतीची सर्व रोपे वाया गेली असून, मल्चिंगसाठी केलेला खर्चही पाण्यात गेला आहे. 
स्ट्रॉबेरीबरोबरच या ठिकाणी या शेतकऱ्यांनी लावलेली फराशी, झुकेनिया या पिकांचेही नुकसान केले आहे. दरवर्षी या रानगव्यांमुळे शेतकऱ्यांना आर्थिक फटका सोसावा लागतो. परंतु, वन विभाग मात्र याकडे लक्ष देत नसल्याने महाबळेश्वर तालुक्‍यातील शेतकरी वन विभागावर नाराज आहे. वन विभागाने या वन्यप्राण्यांचा बंदोबस्त करावा आणि शासकीय पातळीवरून या नुकसानीची दखल घेऊन शेतकऱ्यांना भरीव नुकसान भरपाई मिळावी, अशी मागणी मेटगुताड येथील शेतकऱ्यांनी केली आहे. 
 


इतर ताज्या घडामोडी
औरंगाबादमध्ये मूग, उडदाची आवक नगण्यऔरंगाबाद: येथील कृषी उत्पन्न बाजार समितीत मूग व...
नाशिकमध्ये हिरवी मिरची २००० ते ५०००...नाशिक : नाशिक कृषी उत्पन्न बाजार समितीमध्ये गत...
सोलापुरात कांदा, कोथिंबीर, मेथीला उठाव...सोलापूर ः सोलापूर कृषी उत्पन्न बाजार समितीच्या...
कोल्हापुरात कांदा १२० ते ४०० रुपये दहा...कोल्हापूर: येथील कृषी उत्पन्न बाजार समितीत गत...
नगरमध्ये टोमॅटो, शेवग्याचे दर स्थिरनगर ः नगर येथील दादा पाटील शेळके कृषी उत्पन्न...
पावसाच्या तडाख्याने साताऱ्यात हातची...कऱ्हाड, जि. सातारा ः चांगल्या पावसामुळे यंदाचा...
परभणी जिल्ह्यात पुरामुळे पिके पाण्याखालीपरभणी  : जायकवाडी आणि माजलगाव धरणातील...
सोयाबीन आले सोंगणीला, मात्र उत्पादन...शिरपूरजैन, जि. वाशीम  ः यावर्षी सातत्याने...
वऱ्हाडातील मोठे प्रकल्प तुडुंबअकोला  ः आत्तापर्यंत झालेल्या पावसाने काही...
खानदेशात पंचनाम्यांच्या प्रतीक्षेत पिके...जळगाव  ः खानदेशात उडीद, मुगाचे अपूर्ण...
पुणे विभागात आडसाली ऊस लागवड क्षेत्र...पुणे  ः चालू वर्षी वेळेवर दाखल झालेल्या...
सांगली जिल्ह्यात अतिवृष्टीने नुकसान...सांगली  ः जिल्ह्यातील मिरज, खानापूर, पलूस,...
केळी पिकातील कंद कुजव्या रोगाचे...कंदकुजव्या रोगाचा प्राथमिक प्रसार रोगट कंदापासून...
वाढवा जमिनीतील सेंद्रिय कर्ब...जमिनीतील सेंद्रिय कर्बाचे प्रमाण वाढविण्यासाठी...
कृषी विधेयकांस विरोधासाठी इंडिया...नवी दिल्ली : बहुचर्चित कृषी विधेयकांवर राष्ट्रपती...
निकोप स्पर्धेसाठी मोदी सरकारचा प्रयत्नशेती उत्पादन व्यापार व वाणिज्य (प्रोत्साहन आणि...
नगरमधील ३५ हजार शेतकरी विमा भरपाईपासून...नगर  ः जिल्ह्यात गेल्यावर्षी परतीच्या...
पुण्यात भाजीपाल्याची आवक घटली; दरात वाढपुणे  ः गुलटेकडी येथील पुणे कृषी उत्पन्न...
रत्नागिरी जिल्ह्यात हळव्या भात कापणीत...रत्नागिरी  : हळवे भात पीक कापणी योग्य झाले...
औरंगाबादमध्ये थेट शेतीमाल विक्रीची ...औरंगाबाद  : औरंगाबाद शहरासह ग्रामीण भागात...