agriculture news in Marathi farmers chopped crops for cattle fodder Maharashtra | Agrowon

उभी पिके कापून जनावरांच्या पुढ्यात 

टीम अॅग्रोवन
बुधवार, 6 मे 2020

मार्केटमध्ये जनावरांच्या खाद्याची आवश्यक प्रमाणात उपलब्धता होत नाही. त्यामुळे जनावरांचे हाल होवु नये म्हणुन ऊभा ऊस कापुन खायला घालण्यास सुरुवात केली आहे. सरकारने लक्ष देवुन हा पुरवठा सुरळीत करावा. 
-धनाजी यादव, शेतकरी 

कऱ्हाड ः सातारा जिल्ह्यात जनावरांच्या खाद्याचा प्रश्न निर्माण झाला आहे. खाद्य तयार करण्याचे कारखानेच मध्यंतरी बंद राहिले. त्यामुळे आवश्यक प्रमाणात ते उपलब्ध होत नसल्याचे सांगण्यात येत आहे. त्यामुळे मुक्या जनावरांचे खाद्याविना हाल सुरु आहेत. ते हाल बघवत नसल्याने आता अनेक शेतकऱ्यांनी उभा ऊस, मका व अन्य पिके कापून जनावरांना घालण्यास सुरुवात केली आहे. 

सातारा जिल्ह्यातील शेतकरी मोठ्या प्रमाणात ऊसाची शेती करतात. त्याच्या जोडीने आता त्यांनी पालेभाज्या, फळभाज्यांच्या पिकांसह फळांची शेतीही करण्यास सुरुवात केली आहे. त्याचबरोबर शेतकऱ्यांनी शेतीपुरक व्यवसाय म्हणून आता जनावरांचाही दूध व्यवसायासाठी सांभाळ केला आहे. त्याअंतर्गत जिल्ह्यात ७ लाख ३० हजार १०६ गाय व म्हैसवर्गीय जनावरे, ३ लाख ९ हजार ११ शेळ्या, २ लाख ६४ हजार २२१ मेंढ्यांची संख्या असल्याचे पशुसंवर्धन विभागाकडे नोंद आहे. त्यांच्यासाठी खाद्याची मोठ्या प्रमाणात गरज असते. त्याअंतर्गत जिल्ह्यात लाखो रुपयांची उलाढाल होत असते. 

२२ मार्चपासून राज्यात कोरोनाचा प्रादुर्भाव वाढू लागल्याने लॉकडाऊन जाहीर करण्यात आला. त्यामुळे एकमेकांच्या जवळ येणे बंद झाले. त्यामुळे अनेक उद्योग, व्यवसाय बंद करावे लागले. परिणामी मजुरांवर बसून राहण्याची वेळ आली आहे. कारखाने बंद राहिल्याने खाद्याचे कारखानेही बंद राहिले. त्यामुळे खाद्याची निर्मीतीही बंद झाली आहे. परिणामी खाद्य आवश्यक त्या प्रमाणात उपलब्ध झाले नाही. आहे ते खाद्य विक्रेत्यांनी विकले. 

नवीन खाद्याचा माल न आल्याने व्यापाऱ्यांपुढेही विक्रीचा प्रश्न निर्माण झाला आहे. परिणामी जिल्ह्यातील बहुतांश जनावरांच्या खाद्याचा प्रश्न निर्माण झाला आहे. त्यामुळे मुक्या जनावरांचे खादयाविना हाल सुरु आहेत. ते हाल बघवत नसल्याने आता अनेक शेतकऱ्यांनी उभा ऊस, मका व अन्य पिके कापुन जनावरांना घालण्यास सुरुवात केली आहे. खाद्य उपलब्ध नसल्याने आर्थिक फटका सोसुन जिल्ह्यातील शेतकऱ्यांनी मुकी जनावरे जगवण्यासाठी पाऊल उचलले आहे. 

कोंबडी खाद्यासाठीही होतेय परवड 
शेतकऱ्यांना कुकुटपालनातुन चार पैसे मिळावे म्हणून कोंबड्यापालनही केले आहे. सध्या एका गावठी कोंबडीचा दर ३०० ते ५०० च्या घरात आहे. त्यामुळे त्यातुन शेतकऱ्यांना चार पैसे चांगले मिळत आहेत. त्याअंतर्गत जिल्ह्यात १२ लाख १४ हजार १३४ गावठी कोंबड्या असल्याचे पशुसंवर्धन विभागाकडे नोंद आहे. त्याचबरोबर मांससाठी वापरण्यात येणाऱ्या पोल्ट्रीतील कोंबड्यांची संख्या २७ लाख ६५ हजार ४७७ आहे. त्या कोंबड्यांना खाद्याची मोठी गरज असते. मात्र महिन्यापासुन त्यांच्या खाद्याचीही परवडच सुरु आहे. 
 


इतर अॅग्रो विशेष
मराठवाड्यात मुसळधारेचा अंदाजपुणे ः विदर्भ आणि तेलंगणा दरम्यान चक्राकार...
बचत गटांच्या उत्पादनांची माहिती एका...मुंबई: महिलांच्या आर्थिक सक्षमीकरणासाठी कार्यरत...
पंजाब, हरियानात कृषी विधेयके...नवी दिल्लीः लोकसभेत मंजूर झालेल्या कृषी...
यांत्रिकीकरण अभियानाच्या अर्ज...पुणे:  राज्यात चालू वर्षीही कृषी...
मराठवाड्यात पावसाचा जोर कायमऔरंगाबाद : मराठवाड्यात शनिवारी (ता. १९)...
राज्यात ठिकठिकाणी जोरदार सरीपुणे ः राज्यात तुरळक ठिकाणी होत असलेल्या पावसाचा...
शेतीसंबंधी विधेयकाविरोधात देशव्यापी...नगर ः केंद्र सरकारने काढलेल्या व आता कायद्यात...
कृषी खात्यात आजपर्यंत कोरोनाची १८१...अकोला ः राज्यात वाढत चाललेल्या कोरोनाचा फटका कृषी...
साखर निर्यात योजनेस डिसेंबर अखेरपर्यंत...कोल्हापूर: गेल्या वर्षभरात साखर निर्यातीचे नवे...
मराठवाड्यात पूर, पावसाचे थैमाननांदेड-औरंगाबाद : परभणी व हिंगोली जिल्ह्यांत...
बंदर, सीमेवरील कांदा निर्यातीचा मार्ग...नाशिक: निर्यातबंदीमुळे मुंबईतील जेएनपीटी बंदरावर...
नाचणी, भाजीपाला लागवडीतून महिला गट झाला...गावातील ७५ टक्के जमीन कातळाची, उरलेला भाग डोंगराळ...
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...