agriculture news in marathi farmers demands to ban vehicle toll on their products in lockdown period | Agrowon

शेतकरी आधीच नुकसानीत, त्यात टोल वसुली !

सूर्यकांत नेटके
शनिवार, 25 एप्रिल 2020

कोरोना लॉकडाऊन काळात शेतकऱ्यांना शहरांत भाजीपाला, फळे, शेतमाल पुरवठ्याची धडपड सुरू आहे. अशातच शेतकऱ्यांचा शेतमाल नेणाऱ्या वाहनांकडून टोल वसुली सुरू असल्याने आधीच नुकसानीत असलेले शेतकरी आणखी त्रस्त झाले आहेत.

नगर : कोरोना लॉकडाऊन काळात शेतकऱ्यांना शहरांत भाजीपाला, फळे, शेतमाल पुरवठ्याची धडपड सुरू आहे. अशातच शेतकऱ्यांचा शेतमाल नेणाऱ्या वाहनांकडून टोल वसुली सुरू असल्याने आधीच नुकसानीत असलेले शेतकरी आणखी त्रस्त झाले आहेत. लॉकडाऊन काळात शेतकऱ्यांच्या शेतमालास टोलमधून वगळावे अशी मागणी होत आहे.

कोरोना संसर्गाच्या पाश्वर्भूमीवर गेल्या महिनाभरापासून लॉकडाऊन आहे. त्यामुळे आठवडेबाजार, बाजार समित्यांसह बाजार बंद आहेत. त्यामुळे फळे, भाजीपाला विकण्याची अडचण निर्माण झाली आहे. काहींचे शेतात नुकसान होत आहे, तर काहीजण मिळेल त्या दरात भाजीपाला, फळे विक्री करत आहेत. त्यात मोठा आर्थिक फटका सोसावा लागत आहे. अशातच भाजीपाला, फळे घेऊन शहरात जाताना लॉकडाऊनचे निर्बंध सुरू केल्यानंतर नुकत्याच सुरू झालेल्या टोल नाक्यांवर फळे, भाजीपाल्याची वाहतूक करणाऱ्या वाहनांकडून सर्रासपणे टोल वसुली केली जात आहे. ट्रॅक्टर वगळता टेम्पो, रिक्षा व अन्य वाहनातून भाजीपाला, फळे नेत असल्याचे सांगूनही टोल नाक्यावर टोल घेतला जातो. शेवटी ही रक्कम शेतकऱ्यांनाच भरावी लागते. आधीच अडचणीत असलेले शेतकरी टोल वसुलीमुळे आणखी त्रस्त झाले आहेत.

प्रतिक्रिया...
कोरोना संसर्गामुळे शेतकरी मोठा आर्थिक तोटा सहन करत आहेत. बंदच्या काळातही शेतकरी भाजीपाला, फळे विकण्यासाठी धडपड करत आहेत. अशा काळात शेतकऱ्यांना आधार देण्याऐवजी टोल वसुली करून हेळसांडच केली जात आहे. लॉकडाऊन काळात शेतकऱ्यांच्या शेतमाल वाहतुकीस टोलमधून सवलत देण्यात यावी.
- सचिन कोल्हे, शेतकरी, येसगाव ता. कोपरगाव जि. नगर

भाजीपाला, फळांचीच वाहने नाही तर दूध, शेतमाल व अन्य कोणत्याही शेतकऱ्यांच्या बाबी सुरू राहाव्यात, असे शासन सांगत असताना अशा वाहनांकडून टोल वसुली केली जात आहे ही बाबत विरोधाभास निर्माण करणारी आहे. शासनाने तातडीने आदेश देऊन शेतकऱ्यांच्या वाहनांकडून टोल वसुली थांबवली पाहिजे.
- बाळासाहेब पटारे, विभागीय अध्यक्ष, शेतकरी संघटना

‘‘टोल नाके सुरू करून टोल वसुलीचे सरकारचे आदेश आहेत आणि त्यानुसार टोल वसुली केली जात आहे. भाजीपाला, फळांच्या शासनाकडून टोल घेऊ नये अशा कोणत्याही सूचना नाहीत. नियमीतपणे सरसकट वाहनाकडून टोल वसुली सुरू आहे.’’
- संदीप निचित, निवासी उपजिल्हाधिकारी, नगर

‘‘शेतमाल, भाजीपाला याची आजची अवस्था पाहता शेतकरी शेतातील माल पुण्या-मुंबईसह मोठ्या शहरात नेण्याचा प्रयत्न करतोय. पुणे व मुंबईकडे जाताना दरवेळी टोल भरावा लागतो. मुळात आज शेतकरी अडचणीत असताना व धडपड करत असताना टोल वसुली करणे म्हणजे शेतकऱ्याचा छळ आहे. शेतकऱ्यांच्या वाहनाकडून टोल वसुली बंद करण्याबाबत शासनाने तातडीने विचार करावा.’’
- संतोष भापकर, संपूर्ण शेतकरी गट, गुंडेगाव ता. नगर जि. नगर
 

शेतकऱ्याचे कोसळलेले गणित...(प्रति रोप-कोबी)

उत्पादन खर्च २.५४ रुपये
काढणी आणि प्रवास खर्च २.८९ रुपये
एकूण उत्पादन खर्च ५.४३ रुपये
मिळालेला बाजार भाव ४.०० रुपये
नुकसान १.४३ रुपये 

 


इतर अॅग्रो विशेष
मराठवाड्यात मुसळधारेचा अंदाजपुणे ः विदर्भ आणि तेलंगणा दरम्यान चक्राकार...
बचत गटांच्या उत्पादनांची माहिती एका...मुंबई: महिलांच्या आर्थिक सक्षमीकरणासाठी कार्यरत...
पंजाब, हरियानात कृषी विधेयके...नवी दिल्लीः लोकसभेत मंजूर झालेल्या कृषी...
यांत्रिकीकरण अभियानाच्या अर्ज...पुणे:  राज्यात चालू वर्षीही कृषी...
मराठवाड्यात पावसाचा जोर कायमऔरंगाबाद : मराठवाड्यात शनिवारी (ता. १९)...
राज्यात ठिकठिकाणी जोरदार सरीपुणे ः राज्यात तुरळक ठिकाणी होत असलेल्या पावसाचा...
शेतीसंबंधी विधेयकाविरोधात देशव्यापी...नगर ः केंद्र सरकारने काढलेल्या व आता कायद्यात...
कृषी खात्यात आजपर्यंत कोरोनाची १८१...अकोला ः राज्यात वाढत चाललेल्या कोरोनाचा फटका कृषी...
साखर निर्यात योजनेस डिसेंबर अखेरपर्यंत...कोल्हापूर: गेल्या वर्षभरात साखर निर्यातीचे नवे...
मराठवाड्यात पूर, पावसाचे थैमाननांदेड-औरंगाबाद : परभणी व हिंगोली जिल्ह्यांत...
बंदर, सीमेवरील कांदा निर्यातीचा मार्ग...नाशिक: निर्यातबंदीमुळे मुंबईतील जेएनपीटी बंदरावर...
नाचणी, भाजीपाला लागवडीतून महिला गट झाला...गावातील ७५ टक्के जमीन कातळाची, उरलेला भाग डोंगराळ...
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...