Agriculture news in marathi, Farmers deprived of compensation due to lack of information in Mangalvedha taluka | Agrowon

मंगळवेढा तालुक्‍यात माहितीअभावी शेतकरी भरपाईपासून वंचित

टीम अॅग्रोवन
शुक्रवार, 8 नोव्हेंबर 2019

बाजरी, तूर, सूर्यफुलाचा विमा भरला. बाजरी व सूर्यफुलाची भरपाई मिळाली. तुरीची मिळाली नाही. ड्रायव्हर असल्यामुळे जादा क्षेत्रातून वगळण्यात आल्याची माहिती मिळाली नाही. त्यामुळे तक्रार दाखल करता आली नाही. त्यामुळे तूर पिकाच्या भरपाईपासून वंचित राहावे लागले. वास्तविक एकूण क्षेत्र आणि विमा संरक्षित क्षेत्राचा विचार करता हे क्षेत्र जादा होत नाही. तरीही विमा कंपनीने मला वगळले. 
- तुकाराम व्हरगर, शेतकरी 

दाखल एक हजार ५२१ प्रस्ताव छाननी करून वरिष्ठ कार्यालयाला सादर केले आहेत. वरिष्ठांची मंजुरी येताच या लाभार्थींना रक्कम त्यांच्या बॅंक खात्यांवर जमा करण्यात येईल. 
- बसवराज करपे, मंडल प्रबंधक, ओरिएंटल इन्शुरन्स कंपनी, सोलापूर
 

मंगळवेढा, जि. सोलापूर : दुष्काळ आणि पावसाने तालुक्‍यातील शेतकऱ्यांना आर्थिक अडचणीत आणले. तोच खरीप हंगाम २०१८ मधील दोन हजार ४९१ शेतकऱ्यांवर माहितीअभावी नुकसानभरपाईपासून वंचित राहण्याची वेळ आली आहे. तक्रार अर्ज दाखल केलेल्या शेतकऱ्यांनादेखील दोन महिने झाले, अद्याप भरपाई मिळाली नाही. त्यामुळे शेतकऱ्यांतून संताप व्यक्त होत आहे. 

पीकविम्यात होत असलेला गैरप्रकार लक्षात घेऊन केंद्र शासनाने पंतप्रधान पीकविमा योजना या संकेतस्थळावर खरीप व रब्बी हंगामातील पीकविमा ऑनलाइन भरण्याची सुविधा उपलब्ध करून दिली. २०१८ च्या खरीप हंगामात ओरिएंटल इन्शुरन्स कंपनीकडे तालुक्‍यातील विमाधारक शेतकऱ्यांना बाजरी व सूर्यफुलाचा विमा लोकसभा निवडणुकीच्या पूर्वसंध्येला आठ महिन्यांत मिळाला. परंतु, याच हंगामातील तालुक्‍यातील १६ हजारांपेक्षा अधिक तूर उत्पादक शेतकरी वंचित आहेत. 

दरम्यान, विधानसभा निवडणुकीच्या पूर्वसंध्येला शिवसेनेने मुंबईत केलेले आंदोलन व आमदार भारत भालके यांची लक्षवेधी, शिवाय स्वाभिमानी शेतकरी संघटनेच्या वतीने तहसील कार्यालयासमोर केलेल्या आंदोलनानंतर विमा कंपनीने तूर उत्पादक शेतकऱ्यांना प्रतिहेक्‍टरी २३ हजार ९१० रुपये इतकी भरपाई त्यांच्या बॅंक खात्यांवर जमा केली. परंतु, यामधील जादा क्षेत्राच्या नावाखाली चार हजार १२ तूर उत्पादक शेतकरी वगळण्यात आले. त्याच हंगामात बाजरी व सूर्यफुलाची भरपाई देऊन तुरीची भरपाई देताना जाणून-बुजून वगळण्यात आले.

क्षेत्र जादा होत नसल्याचे पुरावे म्हणून ओरिएंटल इन्शुरन्स कंपनीच्या सोलापूर येथील कार्यालयात विम्याचे प्रस्ताव, सातबारा, बॅंक पासबुक आणि शेतकऱ्यांचा अर्ज दाखल केला. त्यापैकी या सर्व एक हजार ५२१ शेतकऱ्यांना त्याचा लाभ मिळाला. परंतु, उर्वरित २४९१ शेतकऱ्यांना या संपूर्ण प्रकाराची माहितीच नसल्याने तुरीची भरपाई मिळणार नसल्याचे स्पष्ट करण्यात आले. त्यामुळे या शेतकऱ्यांतून संताप व्यक्त केला जात आहे. 


इतर बातम्या
कोल्हापूर : साखर उताऱ्यात खासगी कारखाने...कोल्हापूर : यंदाच्या गळीत हंगामात फेब्रुवारीच्या...
वाईत हळदीला दहा हजारांवर दर वाई, जि. सातारा : वाई शेती उत्पन्न बाजार...
वाशीम जिल्ह्यातील महिला बचतगट डिजिटल...वाशीम : राष्ट्रीय  कृषी व ग्रामीण विकास बँक...
जुने वाण राज्यातील शेतकऱ्यांपर्यंत...नगर : राहीबाई यांनी जुनी परंपरा पुनर्जीवित केली...
शेतमजुराच्या मुलीने पटकावला ‘शिवछत्रपती...अकोला ः प्रबळ इच्छाशक्तीच्या जोरावर एका खेड्यातील...
साडेआठ हजार कोटी खर्चूनही 'जलयुक्त' फेल...मुंबई : फडणवीस सरकारची महत्त्वाकांक्षी जलयुक्त...
पीक विमा योजना यापुढे ऐच्छिक; केंद्र...नवी दिल्ली : केंद्र सरकारने शेतकऱ्यांना दिलासा...
जातीय सलोख्याला ठेच लागते की काय अशी...जुन्नर, जि. पुणे : सर्वसामान्यांना भेडसावणाऱ्या...
राज्यातील आजारी यंत्रमाग उद्योग...कडेगाव, जि. सांगली ः राज्यातील आजारी यंत्रमाग...
राज्यात तापमानात चढ-उतार शक्यपुणे : राज्याच्या कमाल आणि किमान तापमानात वाढ...
राज्यासह देशात शिवजयंती उत्साहात साजरीपुणे : महाराष्ट्राचे आराध्य दैवत छत्रपती शिवाजी...
शेतकरीभिमुख संशोधनावर भर : कुलगुरू डॉ....अकोला  ः डॉ. पंजाबराव देशमुख कृषी विद्यापीठ...
नगर जिल्ह्यामध्ये कमी पाण्यावरील फळझाडे...नगर : पाच वर्षांपासून दुष्काळाशी सामना करताना...
लेखी आश्वासनानंतर बाजार समिती...नाशिक : शासनाने जाहीर केलेला महाभाई भत्ता मिळावा...
लातूर विभागात सूक्ष्म सिंचनातील ११...नांदेड : पंतप्रधान कृषी सिंचन योजनेंतर्गत यंदा...
खानदेशात पपईचा हंगाम अंतिम टप्प्यातजळगाव ः खानदेशात पपईचा हंगाम अंतिम टप्प्यात आहे....
सातारा : अधिकृत विक्रेत्यांकडून...सातारा : बाजार समितीच्या आवारातील...
ग्रामीण पर्यटन विकासाचा ‘शिवनेरी...पुणे ः गड किल्ल्यांच्या पर्यटनाच्या माध्यमातून...
हवामानबदलाशी लढण्यासाठी एक हजार कोटी...पुणे ः जागतिक हवामानबदलाची समस्या संपूर्ण जगासमोर...
‘एफएसएसएआय’च्या नव्या ‘सीईओ’विषयी...पुणे: भारतीय अन्न सुरक्षितता व मानके...