agriculture news in marathi Farmers deprived of insurance cover for bananas in Jalgaon district | Agrowon

जळगाव जिल्ह्यात केळीच्या विमा भरपाईपासून शेतकरी वंचित

टीम अॅग्रोवन
बुधवार, 25 नोव्हेंबर 2020

जळगाव ः हवामानावर आधारित फळ पीकविमा योजनेत सहभागी झालेले अनेक पात्र केळी उत्पादक परताव्यांपासून कर्जखाते बंद करणे, चुकीचे कर्ज खाते पुरविणे या प्रकारामुळे वंचित आहेत.

जळगाव ः हवामानावर आधारित फळ पीकविमा योजनेतून २०१९-२० या वर्षासाठी जिल्ह्यात २८७ कोटी रुपये परताव्यांपोटी आल्याचा गाजावाजा प्रशासन, लोकप्रतिनिधींनी केला. श्रेय घेण्याची लाटालाट सुरू झाली. परंतु, अद्याप या योजनेत सहभागी झालेले अनेक पात्र केळी उत्पादक परताव्यांपासून कर्जखाते बंद करणे, चुकीचे कर्ज खाते पुरविणे या प्रकारामुळे वंचित आहेत.

यासंदर्भात चहार्डी (ता.चोपडा) येथील शेतकरी संदीप पाटील यांनी ‘ॲग्रोवन’कडे या घोळाचा कसा फटका आपल्याला बसला, याची माहिती दिली आहे.

संदीप म्हणाले, ‘‘चोपडा येथील एचडीएफसी बँकेतून केळी पिकासंबंधी पीक कर्ज घेतले होते. या पीक कर्जांतर्गत २०१९-२० च्या हवामानावर आधारित फळ पीक विमा योजनेत सहभागी झालो. त्यासंबंधी बँकेतर्फे चार हेक्टरसाठी विमा संरक्षण घेतले. त्याचा विमा हप्ता विमा कंपनीकडे बँकेच्या माध्यमातून भरण्यात आला. विमा योजनेत परताव्यांसाठी चहार्डी व परिसरातील केळी उत्पादक पात्र ठरले.’’ 

‘‘विमा योजनेतून परतावे जुलै महिना संपताच ४५ दिवसात मिळणे अपेक्षित होते. परंतु, परतावे देण्यास विमा कंपनीने उशीर केला. हे परतावे इतर केळी उत्पादकांना बँक खात्यात प्राप्त होण्यास सुरवात झाली. पण मला परतावे मिळाले नाहीत. मी एचडीएफसी बँकेत चौकशी केली. तेथे माझे पीक कर्जखाते कर्जाची परतफेड केल्यानंतर बंद करण्यात आले होते. मी कर्जाची परतफेड केली व पुन्हा या बँकेकडून पीक कर्ज घेतले नाही. या कारणामुळे मला एचडीएफसी बँकेत परतावे अजूनही प्राप्त झालेले नाहीत. मी बँकेला बचत खात्यात परताव्यांचा निधी जमा करा किंवा अन्य बँकेच्या खात्यात हा निधी ट्रांसफर करा, अशी विनंती केली. परंतु, कार्यवाही होत नाही.’’ 

इतर अनेक शेतकरी या कर्जखात्याच्या घोळामुळे परताव्यांपासून वंचित आहेत. अनेक शेतकऱ्यांचे चुकीचे कर्जखाते क्रमांक विमा कंपनीकडे देण्यात आले आहेत. बँका यासाठी जबाबदार आहेत. याप्रकारासंबंधी तोडगा काढावा, अशी अपेक्षा पाटील यांनी व्यक्त केली.


इतर ताज्या घडामोडी
नाशिक बाजारात कारल्याचे दर टिकूननाशिक : येथील कृषी उत्पन्न बाजार समितीमध्ये...
जळगावात हरभरा आला कापणीलाजळगाव ः जिल्ह्यात रब्बीची पेरणी २००...
प्रदर्शनातील कृषी ज्ञानाचा खजाना पाहून...माळेगाव, जि. पुणे ः कृषिक २०२१- कृषी तंत्रज्ञान...
पुणे विभागात उसाच्या ५५ टक्के लागवडीपुणे ः यंदा पावसाळ्यात झालेल्या दमदार पावसामुळे...
देवना साठवण तलावाचा प्रलंबित प्रश्न...नाशिक : येवला तालुक्यातील अवर्षणप्रवण उत्तरपूर्व...
‘बर्ड फ्लू’ रोखण्यासाठी ९० दिवस...परभणी ः जिल्ह्यात बर्ड फ्लूचा प्रसार आणि संसर्ग...
अतिवृष्टीचा मदत आठवड्यात मिळणारसोलापूर : गेल्यावर्षी ऑक्टोबर महिन्यात झालेल्या...
महावितरणच्या आदेशामुळे वीज ग्राहक...सोलापूर : कोरोनाच्या साथीमुळे घटलेले आर्थिक...
भंडारा जळीत प्रकरणाचा अहवाल शासनाकडे नागपूर : भंडारा जिल्हा सामान्य रुग्णालयातील शिशू...
उन्हाळी सोयाबीन लागवडीस गतीअकोला : यंदाच्या खरीप सोयाबीन काढणीच्या वेळेस...
वारणेत उभारणार पशुवैद्यकीय महाविद्यालय...वारणानगर, जि. कोल्हापूर : येथील वारणा सहकारी...
बेदाणा पॅकिंगसाठीच्या बॉक्सच्या दरात...सांगली ः बेदाणा, डाळिंबासह अन्य फळभाज्यांच्या...
यवतमाळ : पोल्ट्रीत चार हजार कोंबड्यांचा...यवतमाळ : कोरोनाच्या संकटातून सावरू पाहणाऱ्या...
रिसोडमध्ये कांदा बीजोत्पादनाकडे कल रिसोड, जि. वाशीम : तालुक्यात यंदा कांदा...
औरंगाबादेत सर्वच पक्षांकडून गुलालाची...औरंगाबाद : मतदानाची प्रक्रिया शांततेत पार...
पुणे जिल्ह्यात संमिश्र निकाल; दावे-...पुणे ः जिल्ह्यातील विविध तालुक्यांमध्ये...
साताऱ्यात स्थानिक आघाड्यांचा जल्लोषसातारा ः दोन दिवसांपूर्वी मतदान झाले. गेले दोन...
नांदेड जिल्ह्यात प्रस्थापितांनी सत्ता...नांदेड : नांदेड जिल्ह्यात ग्रामपंचायत निवडणुकीचे...
नाशिक जिल्ह्यात प्रस्थापितांना धक्कानाशिक : जिल्ह्यात एकूण ६२१ ग्रामपंचायतीच्या...
माजी मुख्यमंत्री वसंतराव नाईक यांच्या...यवतमाळ : माजी मुख्यमंत्री व जलक्रांतीचे प्रणेते...