agriculture news in marathi, farmers to get trade facility | Agrowon

शेतकऱ्यांना व्यापार संधी उपलब्ध होणार
टीम अॅग्रोवन
सोमवार, 25 मार्च 2019

पुणे : राज्यात फळे भाजीपाल्याचे वाढते उत्पादन आणि त्यातुलनेत न मिळणारे दर, यावर उपाययोजना करण्यासाठी राज्य पणन मंडळाने परराज्य शेतमाल विपणन संधीबाबत विविध ९ राज्यांचा अभ्यास अहवाल तयार केला आहे. या अहवालाच्या अंमलबजावणीसाठी पणन मंडळ आराखडा तयार करत असून, थेट शेतकऱ्यांना व्यापार संधी उपलब्ध होणार असल्याची माहिती मंडळाचे कार्यकारी संचालक सुनील पवार यांनी दिली. 

पुणे : राज्यात फळे भाजीपाल्याचे वाढते उत्पादन आणि त्यातुलनेत न मिळणारे दर, यावर उपाययोजना करण्यासाठी राज्य पणन मंडळाने परराज्य शेतमाल विपणन संधीबाबत विविध ९ राज्यांचा अभ्यास अहवाल तयार केला आहे. या अहवालाच्या अंमलबजावणीसाठी पणन मंडळ आराखडा तयार करत असून, थेट शेतकऱ्यांना व्यापार संधी उपलब्ध होणार असल्याची माहिती मंडळाचे कार्यकारी संचालक सुनील पवार यांनी दिली. 

श्री. पवार म्हणाले, की महाराष्ट्र देशामध्ये फळे, भाजीपाला उत्पादनामध्ये अग्रेसर आहे. महाराष्ट्रातून विविध राज्यांमध्ये शेतमाल पाठविला जातो. मात्र हा शेतमाल व्यापाऱ्यांद्वारा पाठविला जातो. यामध्ये शेतकऱ्यांना तुलनेत कमी दर मिळून व्यापारी अधिकचा नफा मिळवित असल्याचे वास्तव आहे. हे टाळण्यासाठी शेतकऱ्यांना परराज्यातील शेतमाल विपणनाच्या थेट संधी उपलब्ध व्हाव्यात, यासाठी पणन मंडळाने ९ राज्यांमध्ये व्यापार प्रतिनिधी पाठविले होते.

या प्रतिनिधींनी प्रत्येक राज्यात एक महिना अभ्यास करून, त्याचा अहवाल पणन मंडळाला सादर केला आहे. या अहवालानुसार विविध राज्यांची विविध फळे आणि भाजीपाल्याची सध्याची गरज, दर, हंगाम, संबंधित राज्यातील व्यापाराच्या संधी याबाबची माहिती संकलित करण्यात आली आहे. त्यानुसार फळे, भाजीपालानिहाय प्रत्येक राज्याचा शेतमाल विपणन संधी आराखडा तयार केला जात आहे. यामध्ये थेट शेतकऱ्यांना कशाप्रकारे सहभागी करून घेता येईल याबाबतचे प्रयत्न सुरू आहेत.

दरम्यान, परराज्यात शेतमाल व्यापार संधी उपलब्ध होण्यासाठी पणन मंडळाने आंतरराज्य शेतमाल रस्ते आणि हवाई वाहतूक अनुदान योजना सुरू केली आहे. या योजनेमध्ये शेतकरी गट, उत्पादक कंपन्याना वाहतूक खर्चाची ५० टक्के अनुदान दिले जात आहे. या योजनेच्या प्रभावी अंमलबजावणीबरोबरच शेतकरी गट, कंपन्यांना परराज्यातील शेतमालनिहाय व्यापार संधी नवीन अहवालानुसार उपलब्ध होणार आहे, असे पवार यांनी सांगितले. 

शेतकऱ्यांची फसवणूक टाळणे शक्य
परराज्यांत थेट शेतमालाची थेट व्यापार संधी उपलब्ध करून देत असताना, व्यापारी, खरेदीदारांकडून होणारी फसवणूक टाळली जाणार आहे. पणन मंडळाने विविध राज्यांतील बाजार समित्या, पणन मंडळाद्वारे पीकनिहाय खरेदीदारांची माहिती संकलित केली आहे. या खरेदीदार आणि शेतकऱ्यांचा समन्वय साधत थेट व्यापार संधी उपलब्ध होणार आहे. यासाठी संबंधित राज्याचे पणन मंडळ समन्वयक असणार असल्याने खरेदीदारांकडून शेतकऱ्याची होणाऱ्या फसवणुकीला आळा बसणार आहे. 

या राज्यांचा केला अभ्यास 
राजस्थान, पंजाब, हरियाना, चंदिगड, दिल्ली, पश्‍चिम बंगाल, आसाम, तमिळनाडू 

या शेतमालाला आहेत संधी 
कांदा, बटाटा, डाळिंब, द्राक्ष, पपई, संत्रा, आंबा, केळी

इतर अॅग्रो विशेष
जलव्यवस्थापनातील हुशारीतून फुलतेय ...दुष्काळाशी लढताना औरंगाबाद जिल्ह्यातील गाढेजळगाव...
दुष्काळातही कडवंची गावच्या अर्थकारणाची...भूगर्भीय सर्वेक्षण आधारित पाणलोटाची कामे, मृद...
मातीची सुपीकता टिकविणे आव्हानात्मक: डॉ...कोल्हापूर : कोल्हापूर विभागात मातीची सुपीकता...
साखर कारखान्यांना कर्ज न देणाऱ्या...मुंबई: आगामी हंगामासाठी साखर कारखान्यांना...
कृषी कौशल्य विकासासाठी सहकार्याचा करारअकोला ः  केंद्र शासनाची पंतप्रधान कौशल्य...
जीवनावश्‍यक वस्तू कायद्यावर प्रश्‍नचिन्हनवी दिल्ली: जीवनावश्‍यक वस्तू कायद्याची आवश्यकता...
जनतेचा पैसा जनतेच्याच भल्यासाठीतत्कालीन पंतप्रधान इंदिरा गांधी यांनी १९ जुलै...
कृत्रिम पाऊस : गप्पा अन् गांभीर्यमागील पावसाळ्यातील कमी पावसामुळे राज्यात भीषण...
पेरणीने ओलांडली पन्नाशीः डाॅ. अनिल बोंडेमुंबई: राज्यात खरिपाची ८०.६१ लाख हेक्टर...
दोषी आढळल्यास विमा कंपन्यांवर गुन्हेः...कोल्हापूर: विमा कंपन्या शेतकऱ्यांना लाभ देण्यास...
मध्य महाराष्ट्र, मराठवाडा, कोकणात...पुणे ः मध्य महाराष्ट्राचा दक्षिण भाग ते कर्नाटक...
दुष्काळी भागातील ‘श्रीमंत’ साकूर आसपास सर्वत्र दुष्काळी परिसर असताना सुशिक्षित व...
पांढऱ्या सोन्याचे काळे वास्तवकेंद्र सरकारने जुलैच्या पहिल्या आठवड्यात खरीप...
‘जीआय’ला प्रोत्साहन राज्यासाठी वरदानकेंद्र सरकारचा २०१९ चा अंतिम अर्थसंकल्प   ...
कृत्रिम पावसाचा मंगळवारी तीन ठिकाणी...मुंबई   ः पश्चिम महाराष्ट्रातील...
क्षारप्रतिकारक ऊस वाणावर होणार संशोधनपुणे  : भाभा अणुशक्ती केंद्र (बीआरसी) आणि...
कोकण, मध्य महाराष्ट्र, विदर्भात पावसाची...पुणे  : बंगालच्या उपसागरात शुक्रवारपर्यंत (...
पावसाअभावी पेरण्या रखडल्यानांदेड ः नांदेड, परभणी, हिंगोली जिल्ह्यांत यंदा...
बाजारातील ‘वाळवी’सुमारे अडीच वर्षांपूर्वी सांगली येथे एक कोल्ड...
वऱ्हाडात पावसाने वाढवली खरिपाची चिंताअकोला ः या हंगामात जून महिन्याच्या दुसऱ्या...