agriculture news in Marathi farmers got setback of market closed Maharashtra | Page 2 ||| Agrowon

बाजारबंद, वेळांच्या निर्बंधांचा भाजीपाला उत्पादकांना फटका 

टीम अॅग्रोवन
बुधवार, 3 मार्च 2021

कोरोनामुळे जिल्ह्यात सुरू असलेल्या प्रतिबंधात्मक उपाययोजनांचा फटका शेतकऱ्यांना बसला आहे. अनेक महत्त्वाचे आठवडी बाजार बंद झालेले असून, अकोल्यातील ठोक भाजीपाला मार्केटही यापासून वाचलेली नाही. 

अकोला ः कोरोनामुळे जिल्ह्यात सुरू असलेल्या प्रतिबंधात्मक उपाययोजनांचा फटका शेतकऱ्यांना बसला आहे. अनेक महत्त्वाचे आठवडी बाजार बंद झालेले असून, अकोल्यातील ठोक भाजीपाला मार्केटही यापासून वाचलेली नाही. बाजार बंदमुळे अनेकांचा रोजगार तर हिरावलाच शिवाय शेतीमालाचे दरही घसरल्याने या भागातील भाजीपाला उत्पादक कमालीचे अडचणीत सापडले आहेत. 

जिल्ह्यात गेल्या काही दिवसांपासून कोरोनाचे रुग्ण वाढल्याने प्रशासनाने तातडीने उपाययोजना करीत कडक अंमलबजावणी सुरू केली. ग्रामीण भागात भरणारे आठवडी बाजार बंद करण्यात आले. शहरातील बाजारपेठेत पहाटे तीन ते सकाळी सहा या तीन तासांत भाजीपाल्याची खरेदी विक्री केली जात आहे. अशा पद्धतीने व्यवहार होत असल्याचा फायदा व्यापारी उचलत आहेत. शेतकऱ्यांच्या शेतीमालाला अत्यंत कमी दराने खरेदी केली जात असल्याने शेतकऱ्यांना बाजारपेठेत माल ने-आण करण्याचा खर्चही आता महाग झाला आहे. 

गेल्या वर्षात कोरोनामुळे मार्चपासून शेतकऱ्यांची गोची झाली होती. अनलॉकनंतर शेतकऱ्यांनी सुटकेचा श्‍वास घेत उधार, उसनवारी करून टोमॅटो, वांगी व इतर भाजीपाला पिकांची पेरणी केली. या मालाच्या दोन-तीन तोडणीला बाजारपेठेत बऱ्यापैकी दरही मिळाले. परंतु गेल्या आठवड्यापासून आठवडी बाजार बंदचे आदेश धडकले आणि पुन्हा हे शेतकरी अडचणीत सापडला. 

प्रतिक्रिया 
आम्ही चांगल्या प्रतीच्या भाजीपाल्याचे उत्पादन करीत आहोत. परंतु कोरोनाच्या नावावर सध्या प्रशासनाने अनेक बाबींवर निर्बंध घातल्याने नुकसान होत आहे. भाजीपाला बाजाराच्या वेळेचे नियोजन चुकलेले आहे. १८ ते २० किलो वजनाची वांग्यांची प्लॅस्टिक बॅग अवघी ५० ते ६० रुपयांना व्यापारी खरेदी करीत आहेत. मेथीची भाजी मातीमोल दराने घेत आहेत. हाच भाजीपाला ग्राहकांना मात्र महाग विकल्या जात आहे. मेथीची चाळीस रुपये किलो, वांगे चाळीस ते साठ रुपये किलोने विकली जात आहेत. यामध्ये शेतकऱ्यालाच मार बसतो आहे. अशा प्रकारचे निर्बंध राहिले, तर यंदाही शेतकऱ्याचे अर्थकारण संपुष्टात येईल. 
- दादा टोहरे, भाजीपाला उत्पादक, बेलखेड, जि. अकोला 


इतर अॅग्रो विशेष
चैत्री यात्राही यंदा प्रतिकात्मक...सोलापूर ः कोरोनाच्या वाढत्या संसर्गाच्या पार्श्‍...
अवजारे उद्योगावर मंदीचे ढग पुणेः राज्यात पाच अब्ज रुपयांची उलाढाल करणाऱ्या...
फळे, भाजीपाला थेट पणन परवान्याला ६...पुणे ः कोरोना टाळेबंदीत शेतीमालाचे नुकसान होऊ नये...
देशाची साखर उत्पादनात उच्चांकी झेप कोल्हापूर ः साखर उत्पादनात देशाची घोडदौड ३०० लाख...
क्यूआर कोड रोखणार हापूसमधील भेसळ रत्नागिरी ः बाजारपेठेमध्ये ‘हापूस’ची कर्नाटक...
जालन्यात वर्षभरात ४२९ टन रेशीम कोष...जालना : येथे प्रायोगिक तत्त्वावर सुरू करण्यात...
राज्यात उन्हाचा चटका वाढणार पुणे : आठवडाभर पूर्वमोसमी पावसाने धुमाकूळ...
भाजीपाला विकण्याचे शेतकऱ्यांपुढे आव्हान...कोल्हापूर : ‘ब्रेक द चेन’च्या नवीन...
आठवडी बाजारांचे नेटवर्क उभारत यशस्वी...पुणे येथील नरेंद्र पवार व चार मित्रांनी एकत्र...
धान्य प्रक्रियेतून ‘संत तेजस्वी’ ची...शेतकरी गटापासून वाटचाल करीत देऊळगावमाळी (जि....
कोविडला नैसर्गिक आपत्ती घोषित करा ः...मुंबई ः राज्यातल्या ऑक्सिजन तुटवड्याच्या पार्श्‍...
उन्हाळी काकडीने उंचावले धामणखेलचे...बाजारपेठेची मागणी ओळखून धामणखेल (ता. जुन्नर. जि....
कडवंचीचे द्राक्ष आगार तोट्यात जालना : जिल्ह्यातील द्राक्षाचे आगार म्हणून ओळख...
मध्य महाराष्ट्र, मराठवाड्यात गारांनी...पुणे : गेल्या चार ते पाच दिवसांपासून मध्य...
सोयाबीन बियाणे वाहतुकीसाठी अट पुणे : सोयाबीन बियाणे उत्पादक कंपन्यांनी वाहतूक...
काळ्या गव्हाच्या लागवडीची...नाशिक : काळ्या गव्हामध्ये पौष्टिकता, औषधी गुणधर्म...
सांगलीत बेदाण्याचे सौदे पंधरा दिवस बंदच सांगली ः कोरोनाच्या वाढत्या प्रादुर्भावाने सांगली...
विदर्भात आज पावसाची शक्यता पुणे : मागील आठ दिवसांपासून वादळी पावसाने अनेक...
आवारात गर्दी नियंत्रणासाठी प्रभावी...पुणे : ‘ब्रेक द चेन’ मोहिमेअंतर्गत कोरोना...
पुणे बाजार समिती शनिवार-रविवार बंद; इतर...पुणे : पुणे बाजार समिती सोमवार ते शुक्रवार...