agriculture news in Marathi farmers has problems in crop insurance Maharashtra | Page 3 ||| Agrowon

मराठवाड्यात पीकविम्याबाबत शेतकऱ्यांसमोर अडचणींचे चक्रव्यूह 

टीम अॅग्रोवन
बुधवार, 28 जुलै 2021

पीकविमा उतरविण्याची सोय त्यासाठी जागर. मात्र नुकसान झाल्यावर अनंत अडचणींच चक्रव्यूह. विमा परताव्यावेळी कायद्यावर बोट, नेमके ते काय? याची ना माहिती, ना विमा परतावा मिळवून देण्यासाठी कुणाची मदत. 

औरंगाबाद : पीकविमा उतरविण्याची सोय त्यासाठी जागर. मात्र नुकसान झाल्यावर अनंत अडचणींच चक्रव्यूह. विमा परताव्यावेळी कायद्यावर बोट, नेमके ते काय? याची ना माहिती, ना विमा परतावा मिळवून देण्यासाठी कुणाची मदत. त्यामुळे ज्यांना कळतं त्यांचंच कधी कधी चांगभलं. माहिती नसणाऱ्यांना सामुहिक नुकसान झालं तरचं विमा परताव्याची आशा असं चित्र मराठवाड्यात पीकविमा बाबतीत आहे. 

नैसर्गिक आपत्ती सांगून येत नसते. त्यामुळे पिकांना विमा सरक्षण मिळणं आवश्‍यकच. विमा हप्ता भरण्यासाठीच्या सोयी वेगवेगळ्या भागात गावपातळीवर उपलब्ध असतात. त्यासाठी जुजबी माहिती देऊन कृषी विभागाकडून जागर केला जातो. परिणामस्वरूप मोठ्या प्रमाणात शेतकरी आपल्या पिकाचा विमा उतरवितात. परंतु नंतर नैसर्गिक आपत्ती ओढावल्यास विमा परतावा मिळण्यासाठीची इत्थंभूत माहितीच शेतकऱ्यांना मिळत नाही. पीकविमा का आवश्‍यक हे सांगणारेही त्या वेळी मूग गिळून गप बसतात. 

समोर आलेल्या बाबी 

  • सर्वच शेतकऱ्यांकडे उपलब्ध नसतात नुकसान कळविण्याच्या सुविधा 
  • हेल्पाइन सुविधा असून नसल्यासारखी, अनेकांना येतो उद्धटपणाचा अनुभव 
  • शेतकऱ्यांना माहित नाहीत विमा कंपन्यांचे कार्यालय 
  • दाव्यांबाबत मिळत नाही अपेक्षित सेवा 

कंपन्यांच्या कार्यालयाची स्थिती 

  • लातूर ः जिल्ह्यासाठी नियुक्‍त विमा कंपनीचे स्वतंत्र कार्यालय नाही. तात्पुरत्या स्वरूपात कंपनीचे प्रतिनिधी जिल्हा अधीक्षक कृषी अधिकारी कार्यालयाच्या मध्यवर्ती प्रशासकीय इमारतीत बसतात. 
  • उस्मानाबाद ः बजाज अलिआंझ जनरल इन्शुरन्स, पहिला मजला, जालान कॉम्प्लेक्‍स, काकडे प्लॉट संभाजी चौक, डीआयसी रोड 
  • जालना ः रिलायन्स जनरल इन्शुरन्स कंपनी, जिल्हा अधीक्षक कृषी अधिकारी कार्यालय 
  • औरंगाबाद ः एचडीएफसी अर्गो, जिल्हा अधीक्षक कृषी अधिकारी कार्यालय शहानुरमीयॉ दर्गा चौक, 
  • बीड ः ॲग्रिकल्चर इन्शुरन्स कंपनी ऑफ इंडिया लिमिटेड, जिल्हा अधीक्षक कृषी अधिकारी कार्यालय 
  • लातूर ः भारतीय कृषी विमा कंपनी, जिल्हा अधीक्षक कृषी अधिकारी कार्यालय मध्यवर्ती प्रशासकीय इमारत 

प्रतिक्रिया 
केवळ जुजबी माहिती मिळाल्यावरून विमा उतरविला जातो. त्याविषयी इत्थंभूत माहितीचा जागर कुणी करतंच नाही. शिवाय नुकसान झाल्यानंतर शेतकऱ्यांकडे सुविधा नसने, उपलब्ध झाली तर नेट नसने, साइट न चालने, हेल्पलाइन मदत न करणे, केलीच तर उद्धटपणाचा अनुभव येणे, त्यामुळे वेळेत नुकसान न कळविणे शक्य होत नाही. 
- संजय मोरे पाटील, नळविहिरा, ता. जाफराबाद, जि. जालना. 

विमा कंपनीचं कार्यालय कुठे तेच माहिती नाही. कृषी विभागाकडून गावपातळीवर त्याची माहिती मिळत नाही. दाव्याबाबत सेवा मिळत नाही. वैयक्‍तिक नुकसान झालं तर भरपाई मिळत नाही, सामूहिक झालं तरच मिळते. 
- तानाजी वाडीकर, नागलगाव, ता. उदगीर जि. लातूर. 
.... 
विमा उतरवितो, परंतु नुकसान झालं तर विमा परतावा कसा मिळवावा हेच माहिती नाही. कृषीची यंत्रणा काही सांगत नाही. कार्यालय कुठे ते पण माहिती नाही. आठवडाभरापूर्वी जास्त पाउस झाल्याने विमा कंपनीच्या हेल्पलाइनवर संपर्क करण्याचा प्रयत्न केला तर रिंग जाऊनही फोन उचलला नाही. 
- सदाशिव गिते, देवगाव, ता. पैठण, जि. औरंगाबाद 

मागच्या वर्षी विमा उतरविला, नुकसान होऊनही परतावा मिळाला नाही. यंदाही चाळीस एकरचा विमा उतरविलाय. हेल्पलाइन बिझी दाखविण्याचा माझा अनुभव आहे. परतावा मिळण्यासाठी काय कराव याची माहिती कुणीच देत नाही. शिवाय विमा कंपन्यांचे कार्यालय कुठे याची माहिती नाही. 
- पदमसिंग राजपूत, ब्राह्मणी गराडा, ता. कन्नड, जि. औरंगाबाद 


इतर बातम्या
नांदेड जिल्ह्यात नुकसानग्रस्त...नांदेड : जिल्ह्यात जुले, ऑगस्ट व सप्टेंबरमध्ये...
जळगावातील धरणांत ८० टक्के उपयुक्त...जळगाव ः जिल्ह्यात पावसाने आतापर्यंत लावलेल्या...
ऊसबिलाचे तुकडे पाडू  दिले जाणार नाहीत...सातारा : ऊसबिलाचे तुकडे पाडू दिले जाणार नाहीत,...
'लासलगाव'च्या कांद्याला टपाल पाकिटावर...नाशिक : कांदा पिकासाठी लासलगाव परिसराची राष्ट्रीय...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
मराठवाड्यात शेतीपिकांची पुन्हा दैनाऔरंगाबाद : मराठवाड्यात पुन्हा एकदा मंगळवारपासून (...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
कापूस खरेदी नोव्हेंबरच्या पहिल्या...मुंबई : राज्यातील हंगाम २०२१-२२मधील शासकीय कापूस...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
मराठवाड्यात पाऊस उठला पिकांच्या मुळावरऔरंगाबाद : आधी पावसाचा लहरीपणा आणि आता अतिपावसाने...
विदर्भात सोयाबीनला फुटले कोंब नागपूर : संततधार तसेच काही भागांत झालेल्या...
‘पीएम किसान’, ‘ई-पीक’चा तिढा सुटलापुणे ः महसूल व कृषी खात्यात तयार झालेल्या...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...