agriculture news in marathi, farmers Kharif season planning of Dhule district | Agrowon

धुळे जिल्ह्यात तृणधान्यासह कापूस लागवडीकडे कल
टीम अॅग्रोवन
शुक्रवार, 25 मे 2018

धुळे : जिल्ह्यात सुमारे चार लाख ४० हजार हेक्‍टरवर खरीप हंगाम उभा राहणार आहे. यंदा शेतकरी पुरेसा चारा, धान्य घरात असावे यासाठी ज्वारी व बाजरी पेरणीचे नियोजन करीत आहेत. यासोबतच नगदी पीक म्हणून कापूस लागवडही कमी अधिक क्षेत्रात केली जाईल, अशी स्थिती आहे.

धुळे : जिल्ह्यात सुमारे चार लाख ४० हजार हेक्‍टरवर खरीप हंगाम उभा राहणार आहे. यंदा शेतकरी पुरेसा चारा, धान्य घरात असावे यासाठी ज्वारी व बाजरी पेरणीचे नियोजन करीत आहेत. यासोबतच नगदी पीक म्हणून कापूस लागवडही कमी अधिक क्षेत्रात केली जाईल, अशी स्थिती आहे.

धुळे जिल्हा अर्धाअधिक कोरडवाहू शेतीचा आहे. धुळे तालुक्‍यातील नेर, कुसुंबे परिसर, साक्रीमधील पिंपळनेर भागात सिंचनाच्या सुविधा आहेत. धुळ्यातील कापडणे, न्याहळोद, जापी भागांतील शेतकरी कांदा लागवड करतात. कमी पाण्यात चांगले उत्पादन घेणारे शेतकरी या भागात आहेत. शिंदखेडामधील तापीकाठावर स्थिती बरी आहे. परंतु शिंदखेड्याचा पश्‍चिम, दक्षिण भागही सिंचनाच्या सुविधांविनाच आहे. 

शिरपुरात सातपुडा व तापीकाठालगतच्या काही गावांमध्ये मुबलक जलसाठा आहे. या तालुक्‍यात कापसाचे क्षेत्र अधिक राहील. मागील वर्षी जिल्ह्यातील सर्व ८७ महसूल मंडळांना कमी पावसाचा फटका बसला. पिके हातची गेल्यानंतर परतीचा पाऊस आला. रब्बी हंगामातही जेमतेम स्थिती होती. 
कापसाचे गुलाबी बोंड अळीमुळे ८० टक्के नुकसान झाले. तर ज्वारी व बाजरीचेही कमी पावसामुळे नुकसान झाले. पिकात तूट आली. तुरीचे क्षेत्र जिल्ह्यात कमी होते. सर्वाधिक दोन लाख हेक्‍टरवर कापसाची लागवड जिल्ह्यात झाली होती. 

मागील हंगामात फटका बसल्याने शेतकरी सावध आहेत. नियोजन करताना कापसाची लागवड कमी करायची आणि इतर सर्व पिकांना प्राधान्य द्यायचा विचार शेतकरी करीत आहेत. यामुळे कापसाची लागवड घटू शकते. सोयाबीनची पेरणी मात्र कमी होईल, अशी स्थिती आहे. कारण, जिल्ह्यात काळीकसदार जमीन फक्‍त तापीकाठ व पांझरानदीनजीक आहे. साक्री, शिंदखेड्या पश्‍चिम पट्ट्यात हलकी जमीन आहे. या भागात तृणधान्यासह कडधान्याची पेरणी होईल. नंतर परतीचा पाऊस आला तर दादरची पेरणी शेतकरी करतात. कापसाने दगा दिल्याने शेतकऱ्यांचे नुकसान झाले होते. त्यात यंदा नुकसान कमी व्हावे, यादृष्टीने शेतकऱ्यांनी पेरणीची वर्गवारी केली आहे. 

पावसानंतर बियाणे खरेदी
बियाणे खरेदीला अजूनतरी धुळे, शिरपुरात हवा तसा प्रतिसाद नाही. कारण पाऊस कसा येतो, यावरच पेरणीबाबतचा शेवटचा निर्णय होईल. पाऊस जसजसा लांबतो, तशी कापसाची लागवड कमी होते. मग तूर, बाजरीची पेरणी केली जाते. मागील वर्षाचा कटू अनुभव व पावसाची गरज या बाबी लक्षात घेता बियाणे खरेदी पहिला पाऊस झाल्यानंतर करायचा निर्धार शेतकऱ्यांनी केल्याचे चित्र आहे. 

कर्ज वितरण ठप्पच
जिल्ह्यातही सोसायट्यांकडून होणारे कर्ज वितरण ठप्प आहे. कर्जमाफीच्या शेतकऱ्यांनाही नव्याने कर्ज मिळालेले नाही. कारण, कर्जमाफीची रक्कम बॅंकेत जमा झालेली नाही. जिल्ह्यात यंदा सुमारे ९०० कोटी रुपये कर्ज वितरणाचा लक्ष्यांक देण्यात आलेला आहे. परंतु, यातून २० टक्केही कर्ज वितरण झालेले नाही. 

संकरित कापूस बियाण्यांची टंचाई
जिल्ह्यात २० मेपासून कापूस बियाणे दाखल व्हायला सुरवात झाली. आतापर्यंत तीन लाख बीटी कापूस बियाण्याची पाकिटे प्राप्त झाली आहेत. एक लाख दोन हजार मेट्रिक टन खते मिळणार आहेत. खते मागील हंगामाची शिल्लक आहेत. सुमारे आठ हजार मेट्रिक टन खते शिल्लक आहेत. बियाणे व खते मुबलक असल्याचा दावा कृषी विभागाने केला आहे. परंतु देशी सुधारित व देशी संकरित कापूस बियाण्याची टंचाई आहे. त्याची हवी तेवढी उपलब्धता नसल्याने त्यांचा काळाबाजार शिरपूर व धुळे भागात सुरू असल्याच्या तक्रारी आहेत. 

यंदा कापसाची लागवड कमी करून कडधान्ये व तृणधान्यांची पेरणी वाढविणार आहे. अजून पूर्वहंगामी कापूस लागवड आमच्या भागात सुरू झालेली नाही. परंतु पुढील आठवड्यात लागवड सुरू होईल. 
- प्रकाश पाटील, शेतकरी, पढावद (ता. शिंदखेडा)

खरिपात तृणधान्ये व कडधान्यांची पेरणी यंदा वाढवू. कापूस लागवड 
करायची आहे. पण पावसावरच सर्व अवलंबून आहे. अजून बियाणे खरेदी 
केलेले नाही.
- प्रवीण देसले, शेतकरी, देवभाने (ता. जि. धुळे)

इतर अॅग्रो विशेष
देशात सोयाबीन लागवडीत ११ टक्के घटनवी दिल्ली : देशातील महत्त्वाच्या सोयाबीन...
भारताची चंद्राला पुन्हा गवसणी;...श्रीहरिकोटा : चंद्राच्या अप्रकाशित भागावर प्रकाश...
महात्मा फुले कृषी विद्यापीठाला देशात...नगर ः नवी दिल्ली येथील भारतीय कृषी संशोधन...
व्यापाऱ्याकडून द्राक्ष उत्पादकांची तीन...नाशिक: ओझर येथील आदित्य अ‍ॅग्रो एक्स्पोर्ट या...
‘कन्या वनसमृद्धी योजने’अंतर्गत शेतकरी...मुंबई : शेतकरी कुटुंबात मुलगी जन्माला आली तर...
ड्रोन तंत्रज्ञानाच्या वापराबाबत `...अकोला ः कृषी क्षेत्रात ड्रोन तंत्रज्ञानाचा...
जमीन सुपीकता जपत दर्जेदार संत्रा...दर्जेदार संत्रा फळांच्या उत्पादनात सातत्य राखत...
केळीत दोन हंगामात कारले पिकाचा प्रयोगजळगाव जिल्ह्यातील करंज येथील रामदास परभत पाटील...
कृषी विभागाकडून परीक्षा शुल्क परतीसाठी...अमरावती ः परीक्षा शुल्क परतीसाठी पोस्टेज खर्च सात...
सूतगिरण्या तीन दिवस बंद करण्याची वेळजळगाव ः चीन, युरोपातील सूत निर्यात जवळपास ठप्प...
राज्यात अवघा २५ टक्के पाणीसाठापुणे : जुलै महिना संपत आला, तरीही पावसाने...
गुरुवारपासून पावसाचा जोर वाढण्याची...पुणे: राज्याच्या बहुतांशी भागांत पावसाने उघडीप...
लावलेली वनवृक्षे जगवावी लागतीलनिसर्गाचा समतोल सातत्याने ढासळत असून, जगभरातच...
खजुराची शेती खुणावतेय विदर्भ आणि मराठवाड्यात सिंचनाच्या फारशा सोयी...
शेळीपालन ते दुग्ध प्रक्रिया ः महिलांनी...नाशिक जिल्ह्यातील सिन्नर हा अवर्षणप्रवणग्रस्त...
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...