हमीभाव खरेदी केंद्राकडे शेतकऱ्यांची पाठ

हमीभाव खरेदी केंद्राकडे शेतकऱ्यांची पाठ
हमीभाव खरेदी केंद्राकडे शेतकऱ्यांची पाठ

सोलापूर  : मूग, उडीद, सोयाबीनची हमीभावाने खरेदी करण्यासाठी दुधनी (ता. अक्‍कलकोट) आणि मंगळवेढा या ठिकाणी हमीभाव खरेदी केंद्रे सुरू करण्यात आली. त्याठिकाणी १ सप्टेंबरपासून नोंदणी सुरू आहे. मूग व उडदासाठीची मुदत ३१ ऑक्‍टोबरपर्यंत, तर सोयाबीनची नोंदणी १५ नोव्हेंबरपर्यंत आहे. दरम्यान, मागील दोन महिन्यांत केवळ १८ शेतकऱ्यांनीच नोंदणी केली आहे. त्यामुळे या केंद्रांकडे शेतकऱ्यांनी पाठ फिरवल्याचे चित्र आहे.

मागील वर्षीचा दुष्काळ अन्‌ यंदा पावसाने लावलेल्या विलंबाचा परिणाम मूग, सोयाबीन, उडीदाच्या उत्पन्नावर झाला. त्यातच पुन्हा सोयाबीन, मूग, उडीद काढणीला आल्यानंतर पावसाने जोरदार हजेरी लावली. त्यामुळे हातातोंडाशी आलेले पीक वाया गेल्याचेही चित्र काही भागांत आहे. पावसामुळे पिके हातची गेली असून, त्यावर काळे डाग पडले आहेत. दुसरीकडे बाजारात मूग, सोयाबीन, उडदाला ज्यादा दर असल्यानेही शेतकऱ्यांनी पाठ फिरवल्याचे दिसते. 

यंदाच्या वर्षी पाऊस आणि आपत्तीमुळे होणारी उत्पादनातील संभाव्य घट अन्‌ शेतकऱ्यांची उदासिनता पाहून नोंदणीला १५ दिवसांची मुदतवाढ देण्यात आली. १ सप्टेंबरपासून नोंदणी सुरू झाली असून आतापर्यंत दुधनीतील १८ शेतकऱ्यांनी मुगासाठी नोंदणी केली आहे. उडीद, सोयाबीनची नोंदणी काहीच नसल्याची माहिती जिल्हा मार्केटिंग अधिकारी बी. बी. वाडीकर यांनी दिली.   हमीभाव खरेदी केंद्रावर मुगाला प्रतिक्‍विंटल सात हजार ५० रुपये, उडदाला पाच हजार ७००, तर सोयाबीनसाठी तीन हजार ७१० रुपयांचा दर आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com