महाराष्ट्रातील शेतकऱ्यांकडून इस्रायली अाविष्काराची पाहणी

महाराष्ट्रातील शेतकऱ्यांकडून इस्रायली अाविष्काराची पाहणी
महाराष्ट्रातील शेतकऱ्यांकडून इस्रायली अाविष्काराची पाहणी

लोद, इस्राईल : इस्राईल येथे हाेत असलेल्या आंतरराष्ट्रीय कृषी प्रदर्शनानिमित्त अभ्यास दौऱ्यासाठी येथे आलेल्या महाराष्ट्रातील शेतकऱ्यांनी टोमॅटोच्या पॉलिहाउस आणि शेडनेटला भेट देऊन पाहणी केली. तेथील शेतकऱ्याने पाण्याच्या प्रत्येक थेंबाचे केलेले नियोजन समजून घेतले. तैल अवीवपासून सुमारे ३५ किलोमीटरवर असलेल्या लोद विमानतळापासून जवळ असलेल्या दाया आणि मोशाक गावांच्या जवळ ही सुमारे दोन हजार हेक्टर्स शेती आहे. जवळपास सर्वच शेती पॉलिहाउसमध्ये आहे. टोमॅटोच्या लागवडीपासून ते काढणीपर्यंतची प्रक्रिया शेतकऱ्यांना उझी या शेतकऱ्याने समजावून सांगितली. या पॉलिहाउसचे संपूर्ण नियंत्रण संगणकामार्फत केले जाते. पाणी, खते दिले जाणाऱ्या ऑटोमेशन, तापमान नियंत्रित करण्यासाठी फोगर्स यांची माहिती घेतली. या भागातील सर्वच पॉलिहाउसच्या छतावरील पावसाचे पाणी गोळा करून ते एका शेततळ्यात गोळा केले जाते आणि शेतीसाठी त्याचा वापर होतो.  सोमवारी (ता. ७) सायंकाळी जॉर्डन-इस्राईल सीमेजवळ खजुराची पॅकेजिंग पाहिली. जलतज्ज्ञ डॉ. सुधीर भोंगळे, कृषिभूषण प्रेमानंद महाजन, प्रशांत महाजन (तांदलवाडी), विशाल अग्रवाल, सुनील पाटील (रावेर), मनोज महाजन (ऐनपूर), मनोज जवंजाळ (काटोल-नागपूर), विजय ऐमिरे (चांदूर रेल्वे-अमरावती), सचिन डोंगरे (नागपूर), शैलेश झांबड (नांदुरा, बुलडाणा), महेंद्र शाह (सातारा) या महाराष्ट्रातील शेतकऱ्यांचा समावेश आहे. सध्या महाराष्ट्रातील सुमारे ९० शेतकरी ३ वेगवेगळ्या गटांतून विविध प्रकारच्या फळबागांना भेट देत आहेत.

नानदान-जैन कंपनीला भेट  जैन इरिगेशनने २०१२ मध्ये विकत घेतलेल्या आणि सध्या १५० पेक्षा जास्त देशांत कार्यरत नानदान-जैन या कंपनीच्या कार्यालयाला शेतकऱ्यांनी दुपारी भेट दिली. या वेळी इथे दाखविलेल्या माहितीपटात जळगाव जिल्ह्यातील रावेर तालुक्यातील केळी उत्पादक शेतकरी वसंत लोटू पाटील आणि त्यांचा मुलगा सुनील पाटील यांची केळी बाग दाखविण्यात आली. या ठिकाणी शेतकऱ्यांना ठिबक, तुषार सिंचन पद्धतीचे प्रात्यक्षिक दाखविण्यात आले. मूळ जळगाव जिल्ह्यातील या कंपनीने इस्राईलसारख्या पाण्याचे दुर्भिक्ष असलेल्या देशात सिंचनासाठी केलेले प्रयत्न पाहून सर्वच शेतकऱ्यांनी आनंद व्यक्त केला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com