Agriculture news in Marathi Farmers in Nanded lose grass due to heavy rains | Agrowon

नांदेडमधील शेतकऱ्यांचा अतिवृष्टीने हिरावला घास

टीम अॅग्रोवन
मंगळवार, 27 ऑक्टोबर 2020

जिल्ह्यात यंदा सप्टेंबर महिन्यात सरासरीच्या १७० टक्के पावसाची नोंद झाली. तर ऑक्टोबरमध्येही तब्बल १३४ टक्के पाऊस झाल्यामुळे खरिपातील पिकांसह बागायती व फळपिकांचे मोठ्या प्रमाणात नुकसान झाले. हातातोंडाशी आलेल्या घास हिरावल्यामुळे शेतकऱ्यांचे शासनाच्या भरपाई तसेच पीकविमा परताव्याच्या मंजूरीकडे लक्ष लागले आहे.

नांदेड : जिल्ह्यात यंदा सप्टेंबर महिन्यात सरासरीच्या १७० टक्के पावसाची नोंद झाली. तर ऑक्टोबरमध्येही तब्बल १३४ टक्के पाऊस झाल्यामुळे खरिपातील पिकांसह बागायती व फळपिकांचे मोठ्या प्रमाणात नुकसान झाले. हातातोंडाशी आलेल्या घास हिरावल्यामुळे शेतकऱ्यांचे शासनाच्या भरपाई तसेच पीकविमा परताव्याच्या मंजूरीकडे लक्ष लागले आहे.

मराठवाड्यात सर्वाधिक सात लाख ७७ हजार ६२८ हेक्टर क्षेत्र खरिपात पिकाखाली येते. तर रब्बीमध्येही तब्बल तीन लाख हेक्टर क्षेत्रावर पेरणी होते. सात लाख ९५ हजार आठशे खातेदार शेतकऱ्यांची संख्या असलेल्या नांदेड जिल्ह्यात सतत नैसर्गिक संकट येत असल्याने शेतकरी अडचणीत येत आहेत. यंदा जूनमध्ये चांगले पर्जन्यमान झाल्यामुळे शेतकऱ्यांनी पेरणी मृग नक्षत्रात पेरणीला सुरवात केली.

पेरणीनंतर पावसाने ओढ दिल्यामुळे पेरलेले सोयाबीन निघाले नाही. यामुळे शेतकऱ्यांना दुबार पेरणी करावी. यानंतर समाधानकारक पाऊस झाल्याने पिकांची परिस्थिती चांगली होती. अशातच सप्टेंबर महिन्यात जोरदार पावसाला सुरुवात झाली. या महिन्यात तब्बल २३ महसूल मंडळांत अतिवृष्टीची नोंद झाली. यात नांदेडमधील एक, बिलोली पाच, मुखेड सहा, कंधार दोन, हदगाव दोन, देगलूर चार, धर्माबाद एक व नायगाव दोन अशा मंडळाचा समावेश आहे.

भारतीय हवामान विभागाच्या अहवालानुसार सप्टेंबरमध्ये सरासरी १६७.४० मिलिमीटर पाऊस पडणे अपेक्षीत आहे. परंतु प्रत्यक्षात मात्र १७० टक्क्यानुसार २८४.८० मिलिमीटर पावसाची नोंद झाली. याकाळात सोयाबीन, ज्वारी, कपाशीचे मोठ्या प्रमाणात नुकसान झाले. यानंतर ऑक्टोबरमध्येही परतीच्या पावसाने जोरदार दणका दिला. या महिन्यात हदगाव तालुक्यातील एका मंडळात अतिवृष्टी झाली. ऑक्टोबरमध्ये सरासरी ५४.६० मिलिमीटर पाऊस अपेक्षित असते. परंतु या महिन्यातही १३४.८० टक्क्यानुसार ७३.६० मिलिमीटर पाऊस झाला.


इतर ताज्या घडामोडी
अमरावती विभागात कर्जवाटपात...यवतमाळ : पीककर्ज वाटपासाठी शासनाने बँकांना...
आदिवासींच्या जमिनींचा शोध घेण्यासाठी ‘...बुलडाणा : संग्रामपूर तालुक्यातील चिचारी येथील...
यवतमाळमध्ये ६५ लाखांचे बोगस बीटी...यवतमाळ : जिल्ह्यात खरिपाची लगबग सुरू आहे. याचा...
काळ्याफिती लावून किसानपुत्रांचे आंदोलनआंबेजोगाई, जि. बीड : किसानपुत्र आंदोलनाच्या...
हमीभावाने एक हजार क्विंटल मका खरेदीऔरंगाबाद : आधारभूत किमतीने शेतीमाल खरेदी...
नांदेडमध्ये खरीप पेरणी सुरूनांदेड : जिल्ह्यात जून महिन्याच्या प्रारंभापासून...
पुणे जिल्ह्यातील आठवडी बाजार बंदचपुणे : ग्रामीण भागातील अर्थ व्यवस्थेचा कणा असलेले...
औरंगाबाद, जालना, बीड जिल्ह्यांत तीन...औरंगाबाद : यंदाच्या खरीप हंगामात १५ जून...
जळगाव जिल्ह्यातील कृषी केंद्रांची तपासणीजळगाव ः जिल्ह्यात कृषी केंद्रांमधील बियाणे साठा,...
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...
राष्ट्रीयीकृत बँकांच्या मदतीने...नाशिक : नाशिक जिल्हा बॅंकेच्या माध्यमातून कर्ज...
‘किसानपुत्र आंदोलन’कडून काळ्या...औरंगाबाद : किसानपुत्र आंदोलनाच्या वतीने शुक्रवारी...
द्राक्ष सल्ला : प्रतिकूल ढगाळ हवामानात...यावर्षी मे महिन्याच्या शेवटच्या आठवड्यापासून ढगाळ...
थायलंडचे शेतमजूर अन् मध्यम मार्गावरील...शेती म्हटली की सर्वत्र कमी जास्त प्रमाणात त्याच...
विदर्भात अडीच कोटींचा ‘एचटीबीटी’ साठा...नागपूर : गेल्या हंगामात अनधिकृत कापूस बियाण्याचे...
वैयक्तिक वनदाव्यांचा जलदगतीने निपटारा...नाशिक : जिल्ह्यातील वैयक्तिक वनदाव्यांचा वनसमिती...
कोल्हापुरातील शिवारे जलमयकोल्हापूर : जिल्ह्याला बुधवारी (ता. १६)...