agriculture news in marathi, farmers parliament continues on second day | Agrowon

टीका, आरोपांचा समाचार; दुसऱ्या दिवशीही ‘शेतकरी संसदे’त उत्साह कायम

वृत्तसेवा
शनिवार, 24 जुलै 2021

नवी दिल्ली : संयुक्त किसान मोर्चाने आयोजित शेतकरी संसदेत दुसऱ्या दिवशी शेतकरी नेत्यांसह शेतकऱ्यांनी हजेरी लावली.

नवी दिल्ली : संयुक्त किसान मोर्चाने आयोजित शेतकरी संसदेत दुसऱ्या दिवशी शेतकरी नेत्यांसह शेतकऱ्यांनी हजेरी लावली. या वेळी कृषी कायद्यांसह आंदोलक शेतकऱ्यांवर करण्यात येणाऱ्या खोट्या आरोपांचा समाचार घेण्यात आला. तसेच केंद्रीय कृषिमंत्र्यांच्या राजीनाम्याची मागणी या वेळी करण्यात आली. 

संसद मार्गावरील जंतरमंतर येथे शेतकरी संसद गुरुवार (ता. २२)पासून सुरू आहे. केंद्रीय कृषी कायद्यांविरोधात आंदोलनकर्त्या संयुक्त किसान मोर्चाने संसदेचे लक्ष वेधण्यासाठी या प्रतिसंसदेचे आयोजन केले आहे. दुसऱ्या दिवशी हरदेवसिंग हरसी, जगतारसिंग बाजवा, व्ही. व्यंकटरमैया, जंगवीरसिंग चौहान, मुकेश चंद्र, हरपालसिंग बिलारी यांच्या २०० जणांनी यात सहभाग नोंदविला. या वेळी केंद्रीय मंत्री मीनाक्षी लेखी यांनी ‘आंदोलक शेतकरी नसून मवाली’ अशा केलेल्या वक्तव्याचा खरपूस समाचार शेतकऱ्यांनी घेतला. या वक्तव्यावर आक्षेप नोंदवीत शेतकऱ्यांचा हा अपमान असल्याचे या संसदेने म्हटले आहे. तसेच शेतकऱ्यांवर खोटे आरोप करणारे भाजपचे प्रवक्ते गौरव भाटिया यांनी माफी मागावी अशी मागणी या वेळी करण्यात आली. मोर्चाने दिलेल्या प्रसिद्धी पत्रकात ही माहिती देण्यात आली. 

शेतकरी संसदेचे कामकाज अत्यंत शिस्तबद्ध आणि शांततापूर्ण वातावरणात झाले. या वेळी प्रश्‍नोत्तराचा तास घेण्यात आला. तसेच  बाजार समिती कायदा याविषयावर चर्चा करण्यात आली. संयुक्त किसान मोर्चाबरोबर यापूर्वीच्या चर्चेदरम्यान केंद्र सरकारच्या संभाव्य ‘वीज सुधारणा विधेयक २०२१’वरून दिलेल्या आश्‍वासन पाळण्याचे तसेच बदल न करण्याचा इशारा देण्यात आला. 

...या ठरावास मान्यता
बाजार समित्या वगळणारा कायद्या (बाजार समिती बायपास कायदा) वरील दोन दिवसांच्या चर्चेनंतर यासंदर्भातील ठरावास एकमताने मान्यता देण्यात आली. सर्वोच्च न्यायालयाने या कायद्याची अंमलबजावणी स्थगित करण्यापूर्वी जून २०२० ते जानेवारी २०२१ दरम्यानच्या कारभाराचा प्रतिकूल अनुभव हा ठराव विचारात घेतो. यात कोट्यवधी रुपयांच्या शेतकऱ्यांची पिळवणूक आणि फसवणुकीचा समावेश आहे. ठरावात ‘शेतकऱ्यांना मोठ्या प्रमाणात बाजार समित्यांची आवश्‍यकता असून कमी संख्या नको’ असे म्हटले आहे. या ठरावात केंद्रीय कायदा रद्द करण्यात यावा अशी मागणी करण्यात आली. तसेच शेतकऱ्यांचे हित जोपासण्यासाठी बाजार समित्यांचे बळकटीकरण करण्यासाठी राज्य सरकारांनी पावले उचलावी, असा आग्रह ठरावात करण्यात आला.


इतर अॅग्रो विशेष
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
राज्यात पावसाचा जोर वाढणारपुणे : काहीशा विश्रांतीनंतर राज्यात पावसाला...
द्राक्ष बागायतदार संघाचे आजपासून ६१ वे...नाशिक : महाराष्ट्र राज्य द्राक्ष बागायतदार संघाचे...
मूग, सोयाबीन पिकाला कोंब फुटण्याची...पुणे : राज्यात काही दिवसांच्या विश्रांतीनंतर...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
सामाजिक, मानसिक स्वास्थ्यासाठी...पुणे ः ‘‘बदलत्या परिस्थितीत सामाजिक आणि मानसिक...
द्राक्ष पिकातील कलम वर्षभर यशस्वी...महाराष्ट्रात द्राक्ष, आंबा व अन्य फळपिकांचे कलम...
दोन आठवडे अगोदरच खरीप कांदा बाजारातनाशिक : जिल्ह्यातील चांदवड,देवळा, मालेगाव, येवला...
‘व्हीएसआय’च्या जालना केंद्रासाठी ३० कोटीपुणे ः विदर्भ, मराठवाड्याला मार्गदर्शक ठरणाऱ्या...
पेरणी ते काढणी- जपला यांत्रिकीकरणाचा वसागरज ही शोधाचा जननी असते. त्यातूनच निंभोरा बोडखा (...
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
उच्चशिक्षित दांपत्याची पोल्‍ट्रीत...वाशीम जिल्हयात मुठ्ठा या छोट्या गावात नीलेश व...
भरीताच्या वांग्यासह केळी अन कांद्याची...नशिराबाद (ता.. जि.. जळगाव) येथील लालचंद व यशवंत...
मध केंद्र योजनेंतर्गत साहित्य  स्वरूपात...नाशिक : महाराष्ट्र राज्य खादी व ग्रामोद्योग...
ठिबक अनुदान वाटपाच्या  प्रक्रियेवर...पुणे : प्रधानमंत्री कृषी सिंचन योजनेतून अनुदान...