`लातूरला शेतकऱ्यांनी भरला २३ कोटीचा पीकविमा`

लातूर : ‘‘पंतप्रधान खरीप पीक विमा २०२१ योजनेअंतर्गत लातूर जिल्हा बँकेच्या १११ शाखेत तब्बल अडीच लाख शेतकऱ्यांनी २३ कोटी ४२ लाख रुपयांचा विम्याचा हप्ता भरणा केला आहे.
Farmers pay crop insurance of Rs 23 crore in Latur`
Farmers pay crop insurance of Rs 23 crore in Latur`

लातूर : ‘‘पंतप्रधान खरीप पीक विमा २०२१ योजनेअंतर्गत लातूर जिल्हा बँकेच्या १११ शाखेत तब्बल अडीच लाख शेतकऱ्यांनी २३ कोटी ४२ लाख रुपयांचा विम्याचा हप्ता भरणा केला आहे. पीक विमा भरून घेण्यात ही बँक राज्यात अव्वलस्थानी आहे’’, अशी माहिती बँकेचे अध्यक्ष ॲड. श्रीपती काकडे यांनी दिली.

अॅड. काकडे म्हणाले, ‘‘नैसर्गिक संकटाच्या काळात शेतकऱ्यांना पीक विम्याचा आधार मिळत आहे. जिल्हा बँकेच्या वतीने जिल्हाभरात शेतकऱ्यांना त्रास होऊ नये, या साठी स्थानिक पातळीवरील सोसायटी कार्यालयात पीकविमा भरून घेतला गेला. माजी मंत्री दिलीपराव देशमुख यांच्या मार्गदर्शनाखाली  जिल्हा बँकेतर्फे कोविड १९ काळात सलग दुसऱ्या वर्षी शेतकऱ्यांच्या गावातून पीकविमा भरून घेऊन राज्यात लातूर जिल्हा बँकेने नवा पॅटर्न निर्माण केला. जिल्ह्यात पीक विमा भरण्यासाठी कुठलीही तक्रार न करता सुट्टीच्या दिवशीही बँक कर्मचारी, अधिकाऱ्यांनी पीकविमा स्वीकारला.’’ 

‘‘शेतकऱ्यांच्या सेवेसाठी तत्पर जिल्हा बँकेने एक वेगळेपण जपले आहे. यासाठी बँकेने मुख्यालयातील अनेक अधिकारी, कर्मचारी ग्रामीण भागात नियुक्त केले होते. त्यामुळे शेतकऱ्यांना पीक विमा भरून घेण्यासाठी कुठलाही त्रास झाला नाही, अशी माहिती ॲड काकडे यांनी दिली.

उपाध्यक्ष पृथ्वीराज शिरसाट,  बँकेचे कार्यकारी संचालक हणमंत जाधव, सर्व संचालक मंडळाच्या यांच्या सूचनेनुसार अधिकारी, कर्मचाऱ्यांनी पुढाकार घेतला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com