मोहोळ येथे शेतकऱ्यांनी बॅंक अधिकाऱ्यांना कोंडले

Farmers raid bank officials at Mohol
Farmers raid bank officials at Mohol

मोहोळ, जि. सोलापूर : अतिवृष्टीमुळे मोहोळ तालुक्‍यात नुकसान झालेल्या शेतकऱ्यांसाठी शासनाकडून अनुदान जाहीर झाले. त्याचे २१ कोटी ३७ लाख ६० हजार रुपये जमा होऊन एक महिन्याहून अधिक काळ उलटून गेला. तरीही अद्याप अनेक शेतकऱ्यांच्या खात्यांवर पैसे न जमा झाल्यामुळे शेतकऱ्यांत नाराजी आहे. त्यामुळे जनहित शेतकरी संघटनेच्या कार्यकर्त्यांनी बुधवारी (ता. २२) बॅंक अधिकाऱ्यांना कोंडले. 

गेल्या आठवड्यापासून याबाबत जनहित शेतकरी संघटना पाठपुरावा करत आहे. संघटनेचे अध्यक्ष प्रभाकर देशमुख यांच्या नेतृत्वाखाली मंगळवारपासून (ता. २१) तहसील कार्यालयासमोर यासाठी आंदोलन सुरू करण्यात आले. त्यानंतर तहसीलदारांनी आमच्याकडून पैसे बॅंकेत जमा झाले आहेत. जवळपास २१ कोटी ३७ लाख ६० हजार रुपयांचे अनुदान शासनाकडून आले आहेत. ते बॅंकेत जमा केल्याचे लेखी पत्रच तहसीलदारांनी दिले. त्या रकमा आयसीआयसीआय बॅंकेच्या मोहोळ शाखेत जमा केल्याचे लक्षात आले. 

आंदोलकांनी बॅंकेत जाऊन अधिकाऱ्यांकडे चौकशी केली.  सुरुवातीला त्यांनी उडवाउडवीची उत्तरे दिली. आंदोलकांनी बॅंकेच्या अधिकाऱ्यांना कोंडून ठिय्या आंदोलन सुरू केले. २१ कोटी ३७ लाख ६० हजारांपैकी बॅंकेकडे सुमारे १९ कोटी एवढी रकम जमा झाल्याचे बॅंकेचे अधिकारी नागेश नागोर यांनी सांगितले. 

याद्या येतील, तसा निधी जमा होणार

शासनाकडून प्राप्त १२ हजार ५८५ शेतकऱ्यांच्या खात्यांवर सुमारे ११ कोटी रुपये जमा केले आहेत. उर्वरित रक्कम शिल्लक आहे. तहसील कार्यालयाकडून जशा याद्या प्राप्त होतील, त्याप्रमाणे त्यांच्या खात्यावर रक्कम जमा करण्यात येणार आहे, असे बॅंकेचे अधिकारी नागेश नागोरे यांनी सांगितले. त्यानंतर आंदोलन मागे घेण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com