Agriculture news in marathi farmers restart the onions auction in Solapur | Page 2 ||| Agrowon

सोलापूर : कांदा लिलाव बंद पाडण्याचा डाव मोडला

टीम अॅग्रोवन
शुक्रवार, 6 डिसेंबर 2019

सोलापूर : सोलापूर बाजार समितीमध्ये गेल्या काही दिवसांत कांद्याच्या दराने उच्चांक गाठल्याचे चित्र आहे. अशात बाजार समितीच्या आवारातून कांद्याच्या चोऱ्या वाढल्याचे कारण देऊन कांद्याचे वजन आधी करण्याऐवजी लिलावाच्या नंतर करावे, या मागणीसाठी खरेदीदार व्यापाऱ्यांनी गुरुवारी (ता. ५) अचनाकपणे लिलाव बंद पाडले. पण शेतकऱ्यांनी व्यापाऱ्यांच्या या भूमिकेचा निषेध करून थेट बाजार समिती आवारातच ठिय्या मारला. शेवटी शेतकऱ्यांनी व्यापाऱ्यांची ही भूमिका हाणून पाडली. त्यानंतर लिलावाला सुरुवात झाली. 

सोलापूर : सोलापूर बाजार समितीमध्ये गेल्या काही दिवसांत कांद्याच्या दराने उच्चांक गाठल्याचे चित्र आहे. अशात बाजार समितीच्या आवारातून कांद्याच्या चोऱ्या वाढल्याचे कारण देऊन कांद्याचे वजन आधी करण्याऐवजी लिलावाच्या नंतर करावे, या मागणीसाठी खरेदीदार व्यापाऱ्यांनी गुरुवारी (ता. ५) अचनाकपणे लिलाव बंद पाडले. पण शेतकऱ्यांनी व्यापाऱ्यांच्या या भूमिकेचा निषेध करून थेट बाजार समिती आवारातच ठिय्या मारला. शेवटी शेतकऱ्यांनी व्यापाऱ्यांची ही भूमिका हाणून पाडली. त्यानंतर लिलावाला सुरुवात झाली. 

लिलाव बंद पाडल्यानंतर व्यापारी, शेतकरी आणि बाजार समिती प्रशासन यांच्यात चांगलीच शाब्दिक चकमक झडली. सुमारे दोन तास हा गोंधळ सुरू होता. या गोंधळाची माहिती मिळताच बाजार समितीचे सभापती विजयकुमार देशमुख यांनीही तातडीने बाजार समितीत धाव घेत व्यापारी-शेतकऱ्यांशी चर्चा केली. पण तोडगा निघत नव्हता. शेवटी शेतकऱ्यांच्या ठोस भूमिकेमुळे व्यापाऱ्यांची ही भूमिका हाणून पाडली. प्रशासनानेही चोऱ्या रोखण्याबाबत दक्षता घेऊच, पण लिलावाच्या आधीच कांद्याचे वजन होईल, असे ठणकावून सांगितल्याने तूर्त यावर पदडा पडला. 

महाराष्ट्रासह तीन राज्यांच्या सीमेवर असलेली सोलापूर बाजार समिती कांद्यासाठी प्रसिद्ध आहे. गेल्या पंधरवड्यापासून बाजार समितीत कांद्याच्या दराने चांगलीच उसळी घेतली आहे. सध्या रोज २०० हून अधिक कांदा गाड्यांची आवक बाजार समितीत होते आहे. प्रतिक्विंटलचा पंधरा हजारांचा टप्पा ओलांडत, आता सर्वाधिक वीस हजारांच्या घरात कांदा पोचला आहे. त्यामुळे कांदा आणि सोलापूर बाजार समिती चर्चेत आली आहे. कांद्याचे लिलाव आणि व्यवहार सुरळीत सुरू असताना गुरुवारी सकाळी दहाच्या सुमारास लिलावाच्या बोली सुरू झाल्या. मात्र अचानकच खरेदीदार व्यापाऱ्यांनी कांद्याचे वजन लिलावाआधी करण्याऐवजी लिलावानंतर करा, अशी मागणी करून लिलाव बंद पाडले होते. 

सचिव मोहन निंबाळकर यांनी व्यापाऱ्यांना बोलावत शेतकरी आणि व्यापारी अशी दोघांशी चर्चा सुरू केली. पण व्यापारी आडमुठी भूमिका घेत होते. कांद्याची चोरी वाढल्याने लिलावानंतरच वजन घेणे कसे योग्य आहे, असे सांगितले जात होते. पण लिलावाआधीच वजन होणे कसे योग्य आहे, हे शेतकऱ्यांनी ठणकावून सांगितले. अनेकदा वजन पाहून दूरवरचे शेतकरी निघून जातात, पण लिलाव होईपर्यंत थांबणे,शेतकऱ्यांना शक्‍य नाही, याकडेही या वेळी लक्ष वेधण्यात आले. 

बाजार समिती आवारात कांदा आणल्यानंतर कांद्याच्या सुरक्षेची जबाबदारी ही संबंधित व्यापारी आणि बाजार समितीची आहे, त्यात शेतकऱ्यांचा दोष काय? उलट रात्ररात्रभर अनेक शेतकरी स्वतःच स्वतःच्या कांद्याची राखण करत बसतो, हेही सर्वांच्या निदर्शनास आणून दिले. सभापती देशमुख यांनीही यावेळी व्यापारी-शेतकऱ्यांशी चर्चा केली. चोरी रोखण्याबाबत आवश्‍यक ती सुरक्षा पुरवू, सीसीटीव्ही कॅमेरे वाढवू, पण लिलावाच्या आधीच वजन होणे योग्य आहे, अशी स्पष्ट भूमिका घेतली. लिलाव सुरू करण्याची सूचना केली आणि लिलाव सुरू झाले. आता बाजार समितीकडूनही नव्याने परिपत्रक काढून लिलावाच्या आधीच वजन करण्याची लेखी सूचना व्यापाऱ्यांना दिली जाणार असल्याचे सांगण्यात आले.

चोरी नेमकी होते कशी?

बाजार समितीच्या संपूर्ण आवाराला भिंतीचे कुंपण आहे. या आवारात जवळपास ७० हून अधिक सीसीटीव्ही कॅमेरे आहेत. तसेच मुख्य रस्त्यासह कांदा सेलहॉलमध्येही पुरेसे सुरक्षा रक्षक आहेत. सध्या काही कॅमेरे बंद असल्याचे सांगण्यात येते. पण कांद्याची चोरी नेमकी होते कशी? हा प्रश्‍न आहे. यामध्ये अधिक माहिती घेता, काही व्यापारी हमालांना हमालीच देत नाहीत, त्याऐवजी कांदा देतात, अशी माहिती समोर आली. त्यात बिगरनोंदणीकृत हमालांची संख्या अधिक आहे. त्यामुळे चोरी नेमकी कशी होते आणि कोण करते, हे तपासण्याची वेळ आली आहे.


इतर ताज्या घडामोडी
महिला शेतकऱ्यांच्या सक्षमीकरणासाठी...नाशिक : ‘‘शेती व शेतीच्या व्यवस्थापनात महिलांचे...
बर्ड फ्लूच्या सूचनांचे पालन करावे ः पंकेअंबाजोगाई, जि. बीड : ‘‘प्रशासनाकडून वेळोवेळी...
वायनरी, पैठणी व्यवसाय अभ्यासक्रम सुरू...नाशिक : ‘‘पुणे विद्यापीठाच्या नाशिक...
बार्शीत तुरीची आवक वाढलीबार्शी, जि. सोलापूर : बार्शी कृषी उत्पन्न बाजार...
शारदानगरमध्ये आयआयटी तंत्रापासून...पुणे : ‘कृषिक २०२१’ निमित्ताने बारामतीच्या...
वातावरणपूरक संत्रा जातींचे संवर्धन करा...अकोला : संत्रा उत्पादक शेतकऱ्यांना विशेषतः...
कारखान्यांनी सीएनजी गॅसही तयार करावा :...शिराळा, जि. सांगली : राज्याला समृद्धीच्या...
कायदे मागे घेण्यास भाग पाडू : किसान सभानाशिक: केंद्र सरकारला कृषी कायदे मागे घेण्यास भाग...
अण्णांनी उपोषण करू नये : फडणवीसराळेगणसिद्धी, जि. नगर : ज्येष्ठ समाजसेवक अण्णा...
‘शिवजयंती सोहळा साधेपणाने साजरा करा’पुणे ः ‘‘राज्यावरील कोरोनाचे संकट अद्याप पूर्णपणे...
भूजल, पीक व्यवस्थापनाशिवाय पर्याय नाही...नगर : भविष्यकाळात देशासमोर पाणीटंचाईचे सर्वांत...
खानदेशात कडब्याची आवक वाढणारजळगाव ः खानदेशात यंदा रब्बी हंगामाची पेरणी...
‘शिंदे शुगर्स’ चेअरमनविरोधात गुन्हा...सोलापूर : शेतकऱ्याच्या नावे बनावट कागदपत्रे तयार...
खानदेशात पपईचा हंगाम अंतिम टप्प्यातजळगाव ः खानदेशात प्रसिद्ध असलेल्या पपई पिकाचा...
भूजल स्रोत बळकटीकरणासाठी प्रस्ताव सादर...पुणे ः पाणीपुरवठा योजनांच्या स्रोतांचे बळकटीकरण...
हमाल नसतानाही मनमानी वसुली; शेतकऱ्याचा...नाशिक : देवळा तालुक्यातील उमराणे कृषी उत्पन्न...
बनावट नोटा देऊन फसवणूकीचा प्रकार पुन्हा...सोलापूर ः अवघ्या पाच दिवसांपूर्वीच मोहोळमध्ये एका...
शेतकरी नियोजन (पीक : हरभरा)सध्या पिकाच्या गरजेनुसार पाणी व्यवस्थापन ठेवले...
उन्हाळी भुईमुगातील एकात्मिक कीड...भुईमूग पीक तीनही हंगामांत घेतले जाणारे पीक...
तापमानात वाढ होण्याची शक्यताकमाल तापमान विदर्भात ३.१ अंश सेल्सिअसने, तर कोकण...