Agriculture news in marathi, Farmers in Sangli are waiting for help | Agrowon

सांगलीतील शेतकरी मदतीच्या प्रतीक्षेत

टीम अॅग्रोवन
शनिवार, 9 नोव्हेंबर 2019

सांगली : ऑगस्ट महिन्यात पहिल्या आठवड्यात कृष्णा आणि वारणा काठावरील गावांना महापुराचा तडाचा बसला होता. जिल्ह्यातील शेतीचे सुमारे साडेबाराशे कोटी रुपयांचे नुकसान झाले. पिकांच्या पंचनाम्यानुसार अंतिम टप्प्यात आकडेवारी करण्याचे काम सुरू आहे. शेती नुकसानीची आकडेवारी निश्चित झाल्यानंतर शेतकऱ्यांना कर्जमाफी अथवा कर्ज नसलेल्या शेतकऱ्यांना तिप्पट भरपाई देण्यात येणार आहे. मात्र, ही प्रक्रिया अद्यापही पूर्ण झालेली नाही. त्यामुळे जिल्ह्यातील पूरग्रस्त शेतकरी मदतीपासून वंचित आहेत. त्यामुळे शेतकरी मदतीच्या प्रतीक्षेतच आहेत.

सांगली : ऑगस्ट महिन्यात पहिल्या आठवड्यात कृष्णा आणि वारणा काठावरील गावांना महापुराचा तडाचा बसला होता. जिल्ह्यातील शेतीचे सुमारे साडेबाराशे कोटी रुपयांचे नुकसान झाले. पिकांच्या पंचनाम्यानुसार अंतिम टप्प्यात आकडेवारी करण्याचे काम सुरू आहे. शेती नुकसानीची आकडेवारी निश्चित झाल्यानंतर शेतकऱ्यांना कर्जमाफी अथवा कर्ज नसलेल्या शेतकऱ्यांना तिप्पट भरपाई देण्यात येणार आहे. मात्र, ही प्रक्रिया अद्यापही पूर्ण झालेली नाही. त्यामुळे जिल्ह्यातील पूरग्रस्त शेतकरी मदतीपासून वंचित आहेत. त्यामुळे शेतकरी मदतीच्या प्रतीक्षेतच आहेत.

जिल्ह्यात महापुराने कृष्णा आणि वारणा नदीकाठावरील शेती पुराच्या पाण्याखाली गेली होती. अतिवृष्टीनंतर सर्वच नद्या पात्र सोडून वाहू लागल्या आहेत. कोयना आणि वारणा धरणांच्या क्षेत्रात मोठा पाऊस झाला आहे. परिणामी, धरणांमधून मोठा विसर्ग सुरू करण्यात आला होता. नद्यांच्या पाणलोट क्षेत्रातही पावसाची संततधार सुरू राहिली. धरणातून सोडण्यात येणारे पाणी आणि अतिवृष्टीमुळे कृष्णा आणि वारणा नद्यांना महापूर आला होता. महापुरामुळे घरांसह शेतीचे मोठ्या प्रमाणात नुकसान झाले.

जिल्ह्यातील नजर अंदाजाने १ लाख ३९ हजार ७२४ शेतकऱ्यांचे ६६ हजार ९८.०५ हेक्टरवरील पिकांचे नुकसान झाले. त्यामध्ये उसाचे सर्वाधिक ३५ हजार हेक्टरचा समावेश आहे. याशिवाय सोयाबीन, मका, भात, केळी आणि द्राक्षांचाही समावेश आहे. चार तालुक्यांतील ९७ हजार ७०१ शेतकऱ्यांचे ५४ हजार हेक्टरवरील पंचनामे पूर्ण झाले आहेत.

वाळवा, पलूस, शिराळा आणि मिरज तालुक्यांतील शेतकऱ्यांच्या पिकांना फटका बसला. जिल्ह्यात ८५ हजार हेक्टर क्षेत्रावर ऊस शेती होती. कृष्णा आणि वारणा काठावर उसाचे आगार असून तेथील सर्वाधिक ३५ हजार हेक्टरवरील नुकसान झाले. सध्या काही ठिकाणी अद्यापही उसामध्ये पाणी साचून राहिले आहे. ऊस पाण्याखाली गेला आहे. 

भरपाई देण्यासाठी लागतोय वेळ

शेतीच्या नुकसानीचे पंचनामे पूर्ण झाले आहेत. परंतु प्रत्येक शेतकरी खातेदाराचे प्रत्यक्षात किती नुकसान झाले आहे, याबाबतची आकडेवारी निश्चित करण्यात येत आहे. त्यानंतर पुन्हा शासनाकडे निधीची मागणी केली जाईल, त्यानंतर पात्र शेतकऱ्यांना कर्जमाफी किंवा ज्या शेतकऱ्यांचे कर्ज नाही, त्यांना तिप्पट रक्कम दिली जाणार आहे. परंतु, ही प्रक्रिया करण्यासाठी कालावधी लागणार आहे, त्यामुळे प्रक्रिया लवकरात लवकर पूर्ण करून तातडीने मदत द्यावी, अशी मागणी शेतकऱ्यांनी केली आहे.


इतर बातम्या
पर्यटनवाढीसाठी ३ हजार कोटींचे करार :...मुंबई : राज्यातील पर्यटनाला चालना देण्यासाठी...
आधुनिक काळातही मुलीचा वाणवसा बैलगाडीतून...सातारा : सजविलेले बैल, घुंगराची रंगीत गाडी आणि...
कोकण, मध्य महाराष्ट्रात थंडी; विदर्भात...पुणे ः कोकण आणि मध्य महाराष्ट्रात कोरडे वातावरण...
दोन दिवसांत पेट्रोल ५८, तर डिझेल ६४...मुंबई : कोरोना काळात उपनगरी रेल्वेसेवा...
दोडामार्गात हत्तीकडून केळी, सुपारीसह...सिंधुदुर्गनगरी ः तिलारी खोऱ्यातील बांबर्डेत (ता....
मराठवाड्यात तूर खरेदी १९ एप्रिलपर्यंतचऔरंगाबाद : नाफेडच्या माध्यमातून विविध...
नागपूर जिल्ह्यात सोयाबीनचे उत्पादन...नागपूर : अतिवृष्टी व खोडमाशीने यंदा सोयाबीन...
'कोंबडी आणि चिकनचे दर निश्‍चित करण्याचे...कोल्हापूर : बर्ड फ्लूची भीती दाखवून सध्या...
सूक्ष्म अन्न प्रक्रिया उद्योग योजनेतील...परभणी : पंतप्रधान सूक्ष्म अन्न प्रक्रिया उद्योग...
आंदोलन बदनाम करण्याचे षडयंत्र :...नवी दिल्ली : दिल्लीत संयुक्त किसान मोर्चाने...
‘विकेल ते पिकेल’अंतर्गत साताऱ्यात रयत...सातारा : ‘‘‘विकेल ते पिकेल’ हे अभियान राज्यात...
कर्नाटकव्याप्त प्रदेश पुन्हा...मुंबई : सीमावासीयांच्या पिढ्यान् पिढ्या कर्नाटक...
कृषिपंपाचा वीजपुरवठा दोन महिन्यांपासून...लोहारा, जि. उस्मानाबाद :  लोहारा तालुक्यातील...
कर्जमुक्ती योजनेतून बुलडाण्यात ११२१...बुलडाणा : राज्यातील शेतकऱ्यांना कर्जमुक्त नव्हे,...
आंदोलनाच्या समर्थनार्थ नगर,...नगर ः कृषी विधेयके रद्द करण्यासाठी दिल्लीत सुरू...
‘महाराष्ट्र शुगर्स’कडील रकमेसाठी ठिय्यापरभणी : जिल्ह्यातील सायखेडा (ता. वसमत) येथील...
विदर्भाचा मागासलेपणा गोसीखुर्दने धुऊन...नागपूर : गोसीखुर्द प्रकल्प विदर्भासाठी वरदान आहे...
सौरऊर्जा प्रकल्प योजना शेतकऱ्यांपर्यंत...सांगली ः महाराष्ट्र कृषी क्षेत्रात अग्रेसर राहिला...
नवीन कृषी कायद्यांची सुरुवात काँग्रेस,...अकोला ः आज देशभरातील शेतकरी नवीन तीन कृषी...
सोलापुरसाठी ९५ कोटींचा अतिरिक्त निधी...सोलापूर : जिल्हा वार्षिक योजनेच्या सन २०२१-२२...