रेशीम उद्योगासाठी शेतकऱ्यांनी पुढे यावे : आमदार पवार

 Farmers should come forward for silk industry: MLA Pawar
Farmers should come forward for silk industry: MLA Pawar

औसा, जि. लातूर :  ‘‘रेशीम उद्योगाकडे व्यावसायिक पद्धतीने पाहिले, तर हे पीक महिन्याला लाख रुपयांचे उत्पन्न देऊ शकते. त्यामुळे औसा हे रेशीम उद्योगाचे हब म्हणून देशात ओळखले जावे. शेतकऱ्यांना चांगले पैसे मिळाले, तर ते आर्थिक विवंचनेतून बाहेर पडतील. म्हणून शेतकऱ्यांनी पुढे यावे’’, असे मत आमदार अभिमन्यू पवार यांनी व्यक्त केले.

तालुक्यातील शेतकऱ्यांना ठोस उत्पादन मिळावे म्हणून येथील विजय मंगल कार्यालयात क्रिएटिव्ह फाउंडेशनतर्फे आयोजित रेशीम परिषदेचे उद्‌घाटन शुक्रवारी (ता. २१) आमदार पवार यांच्या हस्ते करण्यात आले. उद्‌घाटनाला रेशीमचे उपसंचालक डी. के. हाके, रेशीम तज्ज्ञ डॉ. एल. जी. कलंत्री, डॉ. अधिकराव जाधव, चॉकी तज्ज्ञ विजय पाटील, हेमंत पाटील, मांजरा कृषी विज्ञान केंद्राचे देशमुख, तहसीलदार शोभा पुजारी, जिल्हा परिषद सदस्य महेश पाटील, भाजपचे तालुकाध्यक्ष सुभाष जाधव, संतोष मुक्ता आदी उपस्थित होते. 

या रेशीम परिषदेद्वारे रेशीम उद्योगातील अडचणी, संधी आणि विक्री यावर सखोल आणि तंत्रशुद्ध माहिती मिळावी. पारंपरिक शेतीत बदल घडावा, यातून शेतकरी आर्थिक सक्षम व्हावा हा हेतू आहे. 

पवार म्हणाले, ‘‘तालुक्यातील शेतकरी उसासारखी जास्त पाणी लागणारी आणि बेभरवशाची शेती करून आर्थिक संकटात सापडला आहे. उसासारख्या पिकाला रेशीम उद्योग हा चांगला पर्याय असल्याने त्या दृष्टीने प्रयत्न सुरू ठेवले. रेशीम शेतीचा सखोल अभ्यास केला. वेगवेगळ्या तज्ज्ञांशी चर्चा केली. त्यामधील अडचणी समजून घेतल्यावर यामध्ये मोठा फायदा दिसून आला.’’

‘‘गावोगावी रेशीम उद्योगासाठी शेतकऱ्यांमध्ये जनजागृती केली. त्याचा परिणाम म्हणून आधी ऊस उत्पादक त्यानंतर ते सोयाबीन उत्पादक बनलेला शेतकरी आता तुती लागवड करून रेशीम उद्योगाकडे वळत आहे. शासनाच्या सर्व योजना, अनुदान मिळण्यासाठी आपण शेतकऱ्यांच्या पाठीमागे उभे आहोत,’’ असेही पवार यांनी स्पष्ट केले.

अर्थात केवळ अनुदान भेटत आहे म्हणून या रेशीम शेतीकडे वळू नका, तर यातून आर्थिक उन्नतीसाठी शेती करा, असा सल्लाही त्यांनी दिला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com