agriculture news in marathi, Farmer's subsidy amount is short for water dam | Agrowon

शेततळ्याच्या अनुदानाची रक्कम तोकडी

टीम अॅग्रोवन
रविवार, 12 ऑगस्ट 2018

``मागेल त्याला शेततळ्याचे ५० हजार रुपये हे अनुदान फारच कमी आहे. आमच्या भागात मुरमाड जमीन असल्याने या अनुदानात शेततळे पूर्ण होत नाही. त्यामुळे शेततळ्याचे अनुदानात वाढ करायला हवी.``
- बसवराज कुंभार, उमदी, ता. जत.

सांगली : आमच्या भागात मुरमाड जमीन आहे. शेततळं घ्यायचं म्हटलं की लाखाच्या वर खर्च येतो अाहे. शासनाने मागेल त्याला शेततळ्यासाठी ५० हजार रुपयांचे अनुदान दिले आहे. ही रक्कम तोकडी आहे. वरचा पैसा कसा उपलब्ध करायचा असा प्रश्‍न आमच्या समोर उपस्थित राहू लागला आहे. शेततळ्याच्या अनुदानात वाढ करावी, अशी मागणी जत तालुक्‍यातील शेतकरी करू लागले आहेत.

शासनाने मागेल त्याला शेततळे ही योजना शेतकऱ्यांसाठी आखली आहे. यामुळे शेतीला शाश्‍वत पाण्याची सोय झाली. दुष्काळी पट्ट्यातील आटपाडी, जत, कवठेमहांकाळ सातत्याने पाणीटंचाईला सामोरे जावे लागते.

या तालुक्‍यात डाळिंब, द्राक्ष शेती मोठ्या प्रमाणात आहे. त्यामुळे तालुक्‍यात  ‘मागेल त्याला शेततळे’ या योजनेचा लाभ घेण्यासाठी उत्पादक शेतकरी शेततळी घेण्याकडे कल अधिक आहे. शेततळे घेतल्याने पाण्याचा प्रश्‍न मार्गी लागला आहे. परंतु, ‘मागेल त्याला शेततळे’ योजनेत शेततळ्यासाठी केवळ ५० हजार रुपयांचे अनुदान मिळते आहे. पण, ही योजना आखताना निधीच कमी केला आहे. मुळात पन्नास हजारांत ३० मीटर बाय ३० मीटर आणि ३ मीटर खोलीचं शेततळे कसं काढायचं असा प्रश्‍न आहे. जत तालुक्‍यात संपूर्ण तर कवठेमहांकाळ, आटपाडी तालुक्‍यांत ७० टक्‍क्‍यांहून अधिक माळरान आणि मुरमाड शेत जमीन आहे. त्यामुळे शेततळे काढण्यासाठी एक ते दीड लाख रुपयांच्या घरात खर्च आहे.

जत तालुक्‍यात गेल्या दोन वर्षांत १० हजार शेतकऱ्यांनी अर्ज केले असल्याची माहिती एका अधिकाऱ्यांनी दिली. त्यापैकी केवळ ६०० ते ७०० शेततळी झाली आहे. उर्वरित शेततळी मंजूर आहेत. मात्र, शेततळे काढण्याचा खर्च अधिक आहे. यामुळे शेततळे घेण्याकडे शेतकऱ्यांनी पाठ फिरवली असल्याचे चित्र आहे. शासनाने मागेल त्याला शेततळ्याचे अनुदान वाढवून द्यावे, अशी मागणी सातत्याने केली आहे. मात्र, या मागणीकडे शासनाने दुर्लक्ष केले आहे.


इतर ताज्या घडामोडी
मराठवाड्यात आतबट्ट्याचा दुग्ध व्यवसायऔरंगाबाद : दर दिवसाच्या दूध संकलनात फरक पडला नाही...
जळगाव जिल्ह्यातील दूध उत्पादक संकटातजळगाव  ः जिल्ह्यात रोज सुमारे साडेसहा लाख...
जळगावात पीक कर्जवाटपाची गती अतिशय संथजळगाव : केंद्र व राज्य सरकार, प्रशासनातील वरिष्ठ...
`औरंगाबाद जिल्ह्यात मका खरेदीची मुदत...औरंगाबाद : झालेली मका खरेदी व बाकी असलेली...
धुळे जिल्ह्यात मक्यावर लष्करी अळीचा...देऊर, जि. धुळे  : जिल्ह्यात मका पिकावर...
सांगलीत दुग्ध व्यवसाय बंद पडण्याच्या...सांगली  ः शेतीपूरक दूग्ध व्यवसाय पशुखाद्य...
सिंधुदुर्गात दुध संकलनाची शासकीय...सिंधुदुर्ग  ः जिल्ह्यात दुध संकलन करणाऱ्या...
कोल्हापुरात बिलांअभावी...कोल्हापूर : दुध संघांकडून वेळेत बिले मिळत...
‘पीकविमा प्रस्तावासाठी जनसुविधा केंद्र...नांदेड : ‘‘जिल्ह्यातील जनसुविधा केंद्र (सीएससी)...
परभणीत दर कपातीमुळे दूध उत्पादकांसमोर...परभणी : शासकीय दुग्धशाळेतील दूधाचे दर स्थिर आहेत...
सोलापुरात पावसाने जूनची सरासरी केली...सोलापूर  ः जिल्ह्यात यंदा पावसाने चांगली...
भाटघर, वीर, नीरा देवघर धरणांतील...सोलापूर  : सोलापूर, पुणे आणि सातारा...
पुणे जिल्ह्यात दूध दराअभावी शेतकऱ्यांचे...पुणे ः ‘कोरोना’मुळे दूध व्यवसाय अडचणीत आला आहे....
हिंगोलीत ‘कर्जमुक्ती’तून ७० हजार...हिंगोली : महात्मा जोतिराव फुले शेतकरी कर्जमुक्ती...
साताऱ्यात कमी दूध दरामुळे उत्पन्न,...सातारा ः दुष्काळग्रस्त तसेच बागायती भागातील...
कृषी केंद्रात दरफलक नसल्यास...नाशिक : कृषी निविष्ठा विक्री केंद्र चालविणाऱ्या...
सोलापुरात ‘स्वाभिमानी’ने केली वीज...सोलापूर : ‘कोरोना’च्या प्रादुर्भावामुळे राज्यात...
नगर जिल्ह्यातील दुग्धोत्पादक मेटाकुटीलानगर ः जिल्ह्यात ‘कोरोना’चा संसर्ग सुरू...
पदरमोड करून दूध व्यवसाय करण्याची...सोलापूर  ः चारा व पशुखाद्याच्या वाढत्या...
कोल्हापुरात वाढीव वीज बिलांची होळीकोल्हापूर : वाढीव वीज बिलांविरोधात येथील...