Agriculture news in marathi Farmers suffer from online method of crop insurance | Agrowon

कोल्हापूर : पीकविम्याच्या ऑनलाइन पद्धतीने शेतकरी त्रस्त

टीम अॅग्रोवन
बुधवार, 28 जुलै 2021

विमा योजनेत सहभागाबाबतीत राज्यात पिछाडीवर असणाऱ्या कोल्हापूर जिल्ह्यातील शेतकऱ्यांना ऑनलाइन मधील त्रुटीने पुरते त्रस्त करून सोडले आहे.

कोल्हापूर : विमा योजनेत सहभागाबाबतीत राज्यात पिछाडीवर असणाऱ्या कोल्हापूर जिल्ह्यातील शेतकऱ्यांना ऑनलाइन मधील त्रुटीने पुरते त्रस्त करून सोडले आहे. ऑनलाइन प्रणालीद्वारे कंपनीशी संपर्क होत नसल्याने शेतकऱ्यांतून मोठी नाराजी आहे. सहन होण्याच्या पलीकडे झालेल्या नुकसानीच्या धक्क्यात असणाऱ्या शेतकऱ्यांना ऑनलाइन पद्धत मानसिक त्रासात भर घालणारी आहे.

रिलायन्स इन्शूरन्स कंपनीला पीकविम्याच्या नुकसान भरपाई बाबतची जबाबदारी दिली आहे. कंपनीचे कार्यालय कोल्हापुरात असले तरी याची कोणतीच माहिती शेतकऱ्यांना नाही, त्यामुळे गोंधळाची स्थिती निर्माण होत आहे. अनेक शेतकऱ्यांना या व्यतिरिक्त माहिती कशी द्यावी, याची कल्पना नसल्याने संभ्रमावस्था आहे. ७२ तासांत नोंदणी करण्याच्या अटीमुळे शेतकऱ्यांची अस्वस्थता वाढली आहे.

पंतप्रधान पीकविमा योजनेसाठी २३ जुलैअखेर कोल्हापूर जिल्ह्यात ४५६९ शेतकरऱ्यांनी नोंदणी केली आहे. १४८४ हेक्टर क्षेत्र नोंदणीकृत आहे. त्याची उंबरठा उत्पादन जास्त असल्याने या विम्याचा फायदा शेतकऱ्यांना फारसा होत नाही हा पूर्वानुभव आहे. यामुळे यंदाही शेतकऱ्यांनी मोठ्या प्रमाणात सहभाग नोंदवण्याकडे दुर्लक्ष केले आहे.

यंदाही साधारत:  अशीच परिस्थिती होती परंतु अतिवृष्टी व महापुराचा धोका असल्याने यंदा अंतिम टप्यात विमा योजनेत सहभागी घेणाऱ्या शेतकऱ्यांची संख्या काहीशी वाढली. पण अनेक शेतकऱ्यांना योजनेच्या भरपाईसाठी कशी माहिती द्यायची हीच कल्पना नाही. सध्या मोठ्या प्रमाणात पिकांचे नुकसान होत असल्याने आता या शेतकऱ्यांना संपर्क करून नुकसान नोंदवण्याचे आवाहन करण्यात येत आहे. पण ऑनलाइन प्रक्रियेत अडथळा येत असल्याने कंपनीकडून ऑफलाइन पद्धतीचा अवलंब करण्यात येत आहे.

 या आहेत अडचणी
नुकसानीची नोंदणी टोल फ्री क्रंमांकावर अन्यथा ऑनलाइन करणे हे दोन पर्याय शेतकऱ्यांकडे आहेत. शेतकऱ्यांकडून नुकसानाची नोंदणी टोल फ्री क्रमांकावर तसेच ऑनलाइन करताना ती होतच नाही. सकाळी आठ ते रात्री आठपर्यंत हा नंबर लागतच नाही. लागलाच तर आपोआप बंद होणे, मध्येच कट होणे किंवा पुढील कार्यवाहीच होत नाही. त्यामुळे नोंदणी करणे अशक्य होत आहे. नुकसानीची नोंदणी ऑनलाइन करताना पहिला मोबाइल नंबर रजिष्टर करावा लागतो. त्यानंतर ओटीपी येतो. तर अनेक वेळा नंबर रजिष्टर करूनही ओटीपी येत नाही. आलाच तर दिलेल्या वेळेत अपलोड होत नाही.

सांगलीत विमा कंपनीचे कार्यालयच नाही
सांगली : सांगली जिल्ह्यामध्ये रिलायन्स जनरल इन्शुरन्स, या कंपनीची पीकविम्यासाठी निवड करण्यात आली आहे. कंपनीचे जिल्ह्याच्या ठिकाणी आणि जिल्ह्यात कुठेही कार्यालय नाही. कंपनीचे प्रतिनिधी कृषी विभागाच्या कार्यालयात बसूनच काम करतात. हेल्पलाइन नंबर कंपनीने दिला असला तरी, तो कायम बिझी लागतो, अशी अवस्था आहे. शिवाय आमच्या पिकांचे नुकसान झाले तरीही कंपनीची प्रतिनिधी पंचनामा करण्यासाठी येत नाही, अशी माहिती जिल्ह्यातील शेतकऱ्यांनी दिली आहे.

कंपनीने सांगलीसाठी जिल्हा समन्वयक, जिल्हा व्यवस्थापक आणि प्रत्येक तालुक्यामध्ये एक प्रतिनिधी अर्थात दहा तालुक्यांत दहा प्रतिनिधी, अशी कर्मचाऱ्यांची नेमणूक केली आहे. पीकविमा घ्यावा, असे आवाहन जिल्हा कृषी विभाग प्रसिद्धी माध्यमांद्वारे करीत असतो. मात्र, कंपनीकडून फारशी प्रसिद्धी होताना दिसत नाही. हेल्पलाइन नंबर तरी तो कधी लागतो, तर कधी लागत नाही अशी परिस्थिती आहे.

पिकाचे नुकसान झाल्यानंतर शेतकऱ्यांनीच पीकविमा कंपन्यांना फोन करून त्याचे फोटो स्वतः काढून कंपन्यांच्या प्रतिनिधींकडे द्यावे लागतात, ही मोठी समस्या असल्याचे शेतकरी म्हणतात. फोन केल्यानंतर किमान पंचनामा करण्यासाठी येणे अपेक्षित असते, परंतु दोन-तीन दिवस पंचनामे करण्यासाठी विमा कंपनीची प्रतिनिधी येतच नाही. कृषी विभागाने केलेले पंचनामेच गृहीत धरले जातात.
 


इतर ताज्या घडामोडी
मुंबै बँकेची चौकशी केवळ सुडाने आणि...मुंबई ः मुंबै बँकेच्या विरोधात चौकशी करण्याचा...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...
नागपुरात पीक नुकसानीचे  पंचनामे सुरू...नागपूर : गेल्या काही दिवसांत नागपूर जिल्ह्यात...
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...