वऱ्हाडातील शेतकऱ्यांचा सोयाबीनकडे अधिक कल

अकोला ः खरिपातील पेरण्या अंतिम टप्प्यात पोचल्या आहेत. बुलडाणा, वाशीम जिल्ह्यात लागवड ९० टक्क्यांवर गेली असून अकोला जिल्ह्यात ७५ टक्क्यांवर लागवड झाली आहे. या हंगामातही पुन्हा एकदा शेतकऱ्यांनी सोयाबीन पिकावर विश्‍वास ठेवला असून या पिकाचे वऱ्हाडात यंदा सुमारे साडेसात लाख हेक्टरपेक्षा अधिक लागवड क्षेत्र होत आहे.
Farmers in Varada are more inclined towards soybean
Farmers in Varada are more inclined towards soybean

अकोला ः खरिपातील पेरण्या अंतिम टप्प्यात पोचल्या आहेत. बुलडाणा, वाशीम जिल्ह्यात लागवड ९० टक्क्यांवर गेली असून अकोला जिल्ह्यात ७५ टक्क्यांवर लागवड झाली आहे. या हंगामातही पुन्हा एकदा शेतकऱ्यांनी सोयाबीन पिकावर विश्‍वास ठेवला असून या पिकाचे वऱ्हाडात यंदा सुमारे साडेसात लाख हेक्टरपेक्षा अधिक लागवड क्षेत्र होत आहे.

अकोला, बुलडाणा, वाशीम हे जिल्हे मिळून सुमारे १७ लाख हेक्टर खरिपाचे क्षेत्र आहे. जूनमध्ये असमतोल पाऊस झाल्याने जुलैचा दुसरा आठवडा सुरू होऊनही पेरण्या पूर्ण झालेल्या नाहीत. यंदाच्या हंगामात सोयाबीन बियाणे उगवले नसल्याच्या तक्रारी तीनही जिल्ह्यात मोठ्या संख्येत आलेल्या आहेत.

गेल्या हंगामात सोयाबीन पिकाचे अतोनात नुकसानही शेतकऱ्यांनी झेलले होते, तरीही या हंगामात शेतकऱ्यांनी सोयाबीन पिकावरच पूर्ण विश्‍वास टाकलेला आहे. यानंतर अकोला, बुलडाण्यात कपाशी तर वाशीम जिल्ह्यात तुरीच्या पिकाचा क्रमांक आहे.

कमी खर्चाचे पीक कापसाच्या तुलनेत सोयाबीनचा उत्पादन खर्च व पिकाचा कालावधीसुद्धा कमी लागतो. शिवाय सोयाबीन कापणीसाठी यंत्राचा उपयोग करता येतो. प्रामुख्याने सोयाबीन काढून रब्बीत दुसरे पीक घेता येते. यामुळे शेतकरी सोयाबीनची पसंती कायम ठेवून आहेत. यंदाच्या हंगामात शेतकऱ्यांचा सोयाबीनवरील कल कायम असून अद्यापही काही भागात पेरणी सुरू आहे, तर जूनमध्ये मृग नक्षत्रात लागवड झालेल्या सोयाबीनचे पीक एक महिन्याचे होत आले आहे. या पिकात डवरणीचे फेरसुद्धा झाले आहेत.

यंदा मी सहा एकरांत सोयाबीनची लागवड केली आहे. सुरुवातीपासून योग्य नियोजन केल्याने पीक चांगले उगवले व सध्या स्थितीही चांगली आहे. आमच्या तालुक्यात सुरुवातीपासून जोरदार पाऊस झालेला असल्याने पीक स्थिती जुळून आली आहे. - विष्णू खडसे, शेलू खडसे, ता. रिसोड, जि. वाशीम

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com