Agriculture news in Marathi Farmers were overwhelmed to see the treasure of agricultural knowledge in the exhibition | Agrowon

प्रदर्शनातील कृषी ज्ञानाचा खजाना पाहून शेतकरी भारावले

कल्याण पाचांगणे
गुरुवार, 21 जानेवारी 2021

कृषिक २०२१- कृषी तंत्रज्ञान सप्ताहाच्या निमित्ताने शारदानगर (ता. बारामती) येथील कृषी प्रदर्शन पाहण्यासाठी गडचिरोली ते रत्नागिरीपर्यंतच्या शेतकऱ्यांनी आज तिसऱ्यादिवशी सकाळपासूनच हजेरी लावल्याचे दिसून आले.

माळेगाव, जि. पुणे ः कृषिक २०२१- कृषी तंत्रज्ञान सप्ताहाच्या निमित्ताने शारदानगर (ता. बारामती) येथील कृषी प्रदर्शन पाहण्यासाठी गडचिरोली ते रत्नागिरीपर्यंतच्या शेतकऱ्यांनी आज तिसऱ्यादिवशी सकाळपासूनच हजेरी लावल्याचे दिसून आले. नांदेड , हिंगोली, परभणीपासून अगदी सातारा, कोल्हापूर, चंदगड, बेळगाव, रत्नागिरी पर्यंतचे शेतकरी शेतीची विविध प्रात्याक्षिके पाहून प्रभावित झाल्याचे दिसून आले. त्यामध्ये महिला शेतकऱ्यांची संख्या लक्षणीय दिसून आली, हे विशेष होय.

आपल्याला जे शाश्वत शेतीसाठी उपयोगी पडते, त्याची माहिती घेत अनेक शेतकऱ्यांनी आजचा दिवस शेती ज्ञानासाठी वापल्याचे दिसून आले. स्वयंस्फूर्तीने आलेल्या या शेतकऱ्यांनी शेतीची विविध प्रात्याक्षिके व यांत्रिक अवजारे व यांत्रिकी अवजारे पाहण्यास पसंती दिली. बहुतांशी शेतकरी हे आपल्या कुटुंबासमवेत आले होते. शेतीत नवे काहीतरी करू पाहणारे युवा उद्योजकांची प्रयोग दाखविणाऱ्या शास्त्रज्ञांकडे गर्दी करताना दिसून आले.

शुगरबिटच्या नव्या जाती, फुलझाडांच्या नव्या जाती, भाजी पाल्याची रोपे इथपासून सीताफळ, पेरू, कलिंगड बाजारात येऊ पाहत असलेल्या नवनव्या जातींविषयी संबंधित शेतकऱ्यांना असलेले आकर्षण आज या कृषी सप्ताहामध्ये दिसून आले. दरम्यान, शेतकऱ्यांना शेतीशी निगडित माहिती, शिक्षण व संवाद हवा आहे, जो बारामतीच्या कृषी विज्ञान केंद्रासारख्या संस्थेत अत्यंत संवेदनशिलतेने पुरविला जातो, अशी प्रतिक्रिया रत्नागिरीचे शेतकरी सोमनाथ दहिकोडे यांनी दिली.

शेतीतील समस्या सातत्याने येत राहतात, अर्थात या समस्यांवर मात करण्याचा मार्ग खरेतर प्रदर्शनात येऊन सापडला, असे मत बेळगावमधील प्रयोगशील शेतकरी हेमंत पांड्या यांनी व्यक्त केले.  दूरदृष्टीने शेती करण्यासाठी व नव्या कृषी संस्कृतीची,  कृषी क्रांतीची दिशा शोधण्यासाठी यंदाचा कृषी तंत्रज्ञान सप्ताह आमच्यासाठी फायद्याचा ठरलेला आहे, अशी भावना माजी कृषी अधिकारी (जालना) सीताराम गाडेकर यांनी व्यक्त केली.

‘‘अॅग्रीकल्चरल डेव्हलपमेंट ट्रस्ट व केव्हीके हे ज्याप्रमाणे महाराष्ट्राची शेतीतील प्रतिमा उंचविण्याचे काम करून देशातील शेतकऱ्यांना तंत्रज्ञानातील नवे ज्ञान पुरवत आहे. त्याचप्रमाणे या कृषी प्रदर्शनातून ज्ञान घेतलेल्या शेतकऱ्यांनी इतरांना द्यावे,’’ असे आवाहन संस्थेचे सीईओ नीलेश नलवडे यांनी केले.

आम्ही घरच्या महिलांना आणले आहे, जेणे करून नवे तंत्र महिला शेतकरी खूप लवकर आत्मसात करतात. सहाजिकच त्याचा ज्ञानाचा उपयोग प्रयोगशील शेती करण्यासाठी फायद्याचे ठरते.
- चंद्रकांत पाटील, शेतकरी, सातारा


इतर ताज्या घडामोडी
बीड जिल्हा बँकेच्या निवडणुकीचा पेच बीड : जिल्हा बँकेच्या १९ संचालक मंडळाच्या होऊ...
 खानदेशात केळीच्या दरात सुधारणा जळगाव : खानदेशात केळीच्या किमान दरात सुधारणा झाली...
‘सोलापूर, पुण्यात वन्यप्राणी हल्ला...सोलापूर ः ‘‘पुणे आणि सोलापूर वनविभागांतर्गत...
अनवलीतील नीरा भाटघरच्या कॅनॉलची...सोलापूर ः ‘‘पंढरपूर तालुक्यातील अनवली येथील नीरा...
‘पोकरा’तंर्गत योजनेत भाग घ्या ः देशमुखनांदेड : ‘‘नानाजी देशमुख कृषी संजीवनी योजनेतंर्गत...
न्याहळोद येथे कोथिंबिरीचे भाव पडले न्याहळोद, जि. धुळे : कोथिंबिरीचे भाव पडल्याने...
रखडलेल्या सूक्ष्म सिंचन फायलींचा मार्ग...अकोला ः गेल्या तीन वर्षांमध्ये प्रलंबित असलेले...
जवसाचे आरोग्यदायी महत्त्व जाणावे ः डॉ....अकोला ः शेतकऱ्यांनी जवसाचे उत्पन्न घेताना तेलाचा...
नांदेडमध्ये हरभऱ्याला सर्वसाधारण ४५००...नांदेड : नांदेड कृषी उत्पन्न बाजार समितीतंर्गत...
बुलडाणा : दूध उत्पादक, विक्रेत्यांना...बुलडाणा : कोरोनाचा वाढता संसर्ग रोखण्यासाठी...
शेतकऱ्यांच्या सन्मानासाठी नवरदेवाची...नाशिक खामखेडा ता. देवळा : देवळा तालुक्यातील...
आमदारांच्या कुटुंबीयांसाठीच जिल्हा...नगर : जिल्हा बँकेच्या नुकत्याच झालेल्या निवडणुकीत...
नविन विहीर योजनेतून सोडतीद्वारे...औरंगाबाद: राष्ट्रीय कृषी विकास योजनेतंर्गत अनु....
पंढरपुरात माघवारीनिमित्त श्री विठ्ठल-...पंढरपूर, जि. सोलापूर : माघवारी जया शुद्ध...
सीताफळ निर्यात वाढण्यासाठी तज्ज्ञांचे...बीड : केंद्र सरकारने डिसेंबर २०१८ कृषी निर्यात...
पुसदमध्ये ‘पणन’ची कापूस खरेदी बंदआरेगाव, जि. यवतमाळ : पुसद तालुक्यात सोमवार (ता....
पंतप्रधान शेतकरी सन्मान निधी योजनेत...पुणे : पंतप्रधान शेतकरी सन्मान योजनेच्या प्रभावी...
काँग्रेस-राष्ट्रवादीचा सांगलीत ‘...सांगली : सांगली, मिरज आणि कुपवाड शहर महापालिकेचे...
नियमित कांदा निर्यात सुरू राहण्यासाठी...नाशिक : जिल्ह्यात कांदा महत्त्वाचे पीक आहे. मात्र...
गारपीटग्रस्तांचे पंचनामे करा ः...नागपूर : कुही तालुक्यात पाऊस व गारपिटीमुळे मिरची...