agriculture news in Marathi, farmers will get government new decision, Maharashtra | Agrowon

शासनाच्या नव्या निर्णयाचा महाबीज, राष्ट्रीय बीज निगमच्या बीजोत्पादकांना फायदा
टीम अॅग्रोवन
बुधवार, 22 ऑगस्ट 2018

अकोला ः महाबीज आणि राष्ट्रीय बीज निगम यांच्या बीजोत्पादक शेतकऱ्यांना शासनाने बाजारभाव व किमान अाधारभूत किंमत यातील फरकाची रक्कम देण्याची योजना घोषित केल्याने राज्यातील सुमारे ३८ हजार बीजोत्पादकांना फायदा होईल, अशी माहिती सूत्रांनी दिली. 

अकोला ः महाबीज आणि राष्ट्रीय बीज निगम यांच्या बीजोत्पादक शेतकऱ्यांना शासनाने बाजारभाव व किमान अाधारभूत किंमत यातील फरकाची रक्कम देण्याची योजना घोषित केल्याने राज्यातील सुमारे ३८ हजार बीजोत्पादकांना फायदा होईल, अशी माहिती सूत्रांनी दिली. 

राज्यातच नव्हे तर देशभरातील बाजारपेठांमध्ये अनेक धान्यांचे दर हे हमीभावापेक्षा कमी राहत असल्याची वस्तुस्थिती गेल्या काही महिन्यात समोर अाली अाहे. महाबीज किंवा राष्ट्रीय बीज निगम हे नेहमी कृषी उत्पन्न बाजार समित्यांमधील दरांचा विचार करून अापले दर ठरवित असतात. अशा परिस्थितीत बीजोत्पादक टिकवून ठेवण्यासाठी शासनाचा हा निर्णय महाबीज तसेच राष्ट्रीय बीज निगम साठी अत्यंत महत्त्वाचा ठरणार असल्याचे मानले जात अाहे.  

राज्यात सुमारे ३० ते ३२ हजार शेतकरी महाबीजसाठी तर पाच ते सहा हजार शेतकरी राष्ट्रीय बीज निगमसाठी बीजोत्पादन करीत असतात. या दोन्ही संस्थामिळून राज्यात सात ते अाठ लाख क्विंटल बीजोत्पादन होते. राज्यातील शेतकऱ्यांना रास्त दरात बियाणे मिळण्याचा हा एक सर्वात मोठा स्राेत असतो. 
गेल्या काही महिन्यांपासून बाजारपेठेतील दर व हमीभाव यात मोठी तफावत निर्माण झालेली अाहे.

शासनाने कृषी उत्पन्न बाजार समित्यांमध्ये हमीभावापेक्षा कमी दराने खरेदी न करण्याबाबत सूचना केलेल्या असल्या तरी प्रत्यक्षात वेगळी स्थिती असल्याचे सर्वश्रुत अाहे. अशा परिस्थितीत बीजोत्पादक शेतकऱ्यासाठी योग्य दर ठरविताना अडचणी येतात. अाता शासनाने बीजोत्पादक शेतकऱ्यांना कृषी उत्पन्न बाजार समिती आधारित दर व शासन घोषित किमान आधारभूत किंमत यामधील फरकाची रक्कम देण्यासाठी नवीन योजना अाखल्याने या प्रक्रियेत स्थिरता येऊ शकेल.

महाबीज किंवा राष्ट्रीय बीज निगम हे उत्पादीत बियाण्याचे दर शेतकऱ्याला देताना उच्चतम बाजारभावाचा विचार करीत असतात; परंतु कृषी उत्पन्न बाजार समित्यांमध्ये हमीभावापेक्षाही कमी दर मिळत असल्याने उच्चतम दर हा कमी निघण्याची शक्यता होती. अशा परिस्थितीत बीजोत्पादक शेतकरी दुसऱ्या पर्यायी पिकांकडे वळण्याची शक्यताही नाकारता येणार नव्हती.

अाता बाजारात हमीभावापेक्षा कमी दर असला तरीही शासन ही तफावत भरून काढण्याची जबाबदारी घेत असल्याने महाबीज व राष्ट्रीय बीज निगमच्या हजारो बीजोत्पादक शेतकऱ्यांना थेट फायदा होण्यास मदत होणार अाहे.

बँक खात्यातच जमा होईल रक्कम
शासनाने केलेल्या निर्णयात तफावत मिळण्याचा मार्ग मोकळा झाला; परंतु ही तफावतीची रक्कम शेतकऱ्याच्या अाधार लिंक असलेल्या बँक खात्यातच जमा केली जाणार अाहे. यासाठी शेतकऱ्यांना अाधार लिंक असलेले बँक खाते महाबीज, राष्ट्रीय बीज निगमकडे सादर करण्याची अावश्यकता अाहे.

इतर अॅग्रो विशेष
रत्नागिरी : गतवर्षीच्या तुलनेत भात...रत्नागिरी ः अतिवृष्टीमुळे कोकणातील शेतकरी चांगलाच...
दक्षिण आफ्रिकेतील 'मालावी हापूस'...पुणे  ः दक्षिण आफ्रिकेतील मालावी प्रांतात...
सांगली जिल्ह्यात द्राक्षबागांना आता...सांगली ः गेल्या पंधरा ते वीस दिवसांपूर्वी...
राज्यात रब्बीसाठी सव्वासहा हजार शेतीशाळापुणे : रब्बी हंगामात राज्यात सव्वासहा...
केंद्र सरकारकडून एक लाख टन कांदा...पुणे: मॉन्सूनचा वाढलेला मुक्काम, अतिवृष्टी,...
बाजार समित्या बरखास्त करणार : केंद्रीय...नवी दिल्ली : बाजार समित्यांची कार्यपद्धती आणि...
राज्य झाले टॅंकरमुक्त; केवळ बुलडाण्यात...पुणे: मॉन्सून आणि मॉन्सूनोत्तर काळात राज्यात...
केसर आंब्याचे उत्पादन ४५ टक्के घटणार;...औरंगाबाद : गंध आणि चवीसाठी केसर आंब्याची आपली...
किमान तापमानात चढ-उतारपुणे: मॉन्सूनोत्तर पावसाने उघडीप दिल्यानंतर...
अवर्षणग्रस्त माळरानावर फुलवली प्रगतशील...नगर जिल्ह्यात कायम अवर्षणग्रस्त कर्जत तालुक्यातील...
साठ देशी गायींच्या संवर्धनाचा आदर्शपुणे जिल्ह्यातील मंचर येथील सोनेचांदीचे पारंपरिक...
साखर निर्यातीला डिसेंबरपर्यंत मुदतवाढकोल्हापूर : पावसाळी स्थितीमुळे निर्यात न होऊ...
काजू उत्पादन ३० टक्क्यांनी घटणारसिंधुदुर्ग : जुलै, ऑगस्टमध्ये झालेली अतिवृष्टी,...
द्राक्ष बागांचे पंचनामे करताना दिशाभूलनाशिक  : द्राक्ष बागांचे पंचनामा केल्यास...
कृषी कौशल्य प्रशिक्षणांद्वारे उभी...केंद्र शासनाची प्रधानमंत्री कौशल्य विकास योजना २....
गारठा वाढला; नगर येथे नीचांकी तापमानपुणे  : उत्तरेकडून येणारे थंड वारे,...
पावसाने द्राक्ष शेतीचे ९ हजार कोटींवर...पुणे : सततच्या पावसामुळे सर्व अवस्थांमधील द्राक्ष...
दक्षिण महाराष्ट्रातील कारखान्यांना...कोल्हापूर: कर्नाटकने झोनबंदी केल्याने सीमाभागातून...
पीक नुकसानीचा अंतिम अहवाल लांबण्याची...पुणे : राज्यात अतिपावसामुळे झालेल्या पिकांच्या...
शासकीय खरेदीसाठी उडीद, सोयाबीनची...परभणी: किंमत समर्थन मूल्य योजनेअंतर्गत...