agriculture news in Marathi, Farmers will get sufficient and on time BT seed, Maharashtra | Agrowon

शेतकऱ्यांना यंदा वेळेत, पुरेसे बीटी बियाणे

टीम अॅग्रोवन
रविवार, 11 मार्च 2018

पुणे : राज्यातील शेतकऱ्यांना यंदा बियाणे कंपन्यांकडून बीटी बियाणे पुरेसे व वेळेवर उपलब्ध होईल. गेल्या हंगामापेक्षा बीटी बियाण्यांची किमान पाच लाख पाकिटे जादा पुरविली जातील, असा दावा कृषी विभागाने केला आहे. 

पुणे : राज्यातील शेतकऱ्यांना यंदा बियाणे कंपन्यांकडून बीटी बियाणे पुरेसे व वेळेवर उपलब्ध होईल. गेल्या हंगामापेक्षा बीटी बियाण्यांची किमान पाच लाख पाकिटे जादा पुरविली जातील, असा दावा कृषी विभागाने केला आहे. 

गेल्या हंगामात राज्यात एक कोटी ६० लाखांच्या आसपास बियाण्यांचा पुरवठा झाला होता. शेतकऱ्यांच्या मागणीच्या तुलनेत यंदादेखील पुरवठा चांगला राहील. पाच लाख पाकिटांची जादा उपलब्धता असल्यामुळे बियाण्यांचा काळाबाजार होणार नाही, असे सूत्रांचे म्हणणे आहे. बीटी बियाण्यांची किंमत गेल्या हंगामात प्रतिपाकिट ८०० रुपये होती. राज्यातील कापूस बियाण्यांपैकी ९८ टक्के वाटा बीटीच्या बीजी-२ वाणांचा आहे. गेल्या हंगामात गुलाबी बोंड अळीचा प्रादुर्भाव या वाणावर झाल्यामुळे सर्व कंपन्यांना नुकसान भरपाईच्या कायदेशीर प्रक्रियेला सामोरे जावे लागले आहे.

 ‘‘कृषी विभाग काहीही दावा करीत असले तरी बीटी बियाण्यांचा वेळेत पुरवठा होतो की नाही याविषयी आम्हाला शंका आहे. खानदेशातील शेतकऱ्यांना मे महिन्यापासूनच बीटी बियाण्यांची गरज असते. तथापि, कृषी विभागाने अजून कायदेशीर बाबींमध्येच कंपन्यांना बांधून ठेवले आहे. बीटी बियाण्यांची किंमत, पाकिटाचा नमुना, या संदर्भातील कायदेशीर प्रमाणपत्र वितरण या सर्व आघाडयांवर कृषी विभागाने दिरंगाई केलेली आहे,’’ असे कंपन्यांच्या सूत्रांचे म्हणणे आहे. 

यंदा राज्यात जनुकीय तंत्रज्ञान मान्यता समितीने अर्थात जीईसीने मान्यता दिलेल्या बीटी बियाण्यांच्या मुळ नावासमोर ‘ब्रॅंडनेम’ न टाकण्यास कंपन्या तयार झालेल्या आहेत. मात्र, कायद्यानुसार नवे परवाने देण्याची प्रक्रिया कृषी आयुक्तालयाने अजूनही सुरू केलेली नाही.

जीईसीनेने बीटी कपाशी बियाण्याच्या मान्यताप्राप्त मूळ नावात राज्यातील कंपन्या बदल करून आकर्षक  ‘ब्रॅंडनेम’ने बीटी बियाणे विकत होत्या. कृषी आयुक्तालयाने या पद्धतीला चाप लावून शेतकऱ्यांना दिलासा दिला आहे. ‘ब्रॅंडनेम’ला मान्यता देणारे करार मार्केटिंग कंपनी व मूळ बियाणे उत्पादक कंपन्यांसमवेत केले होते. या करारांना कृषी आयुक्तालय आधी मान्यता देत होते. यंदा तशी मान्यता देण्याची पध्दत बंद करण्यात आलेली आहे.  

ब्रॅंड मार्केटिंगचे परवाने गेले 
पण नव्या पद्धतीला उशीर

ब्रॅंडनेममुळे शेतकऱ्यांमध्ये होत असलेला गोंधळ मिटवण्यासाठी ७४ कंपन्यांचे ‘ब्रॅंड मार्केटिंग परवाने’ रद्द केले आहेत. मात्र, नव्या पद्धतीचे नियोजन करण्यास उशीर होत असल्यामुळे त्याचा फटका शेतकऱ्यांना बसणार नाही याची काळजी कृषी विभागाने घेण्याची आवश्यकता आहे, असे मत एका बियाणे कंपनीतील अधिकाऱ्याने व्यक्त केले. 


इतर अॅग्रो विशेष
सोयाबीन दर विक्रमी पातळी गाठण्याचे संकेतनवी दिल्ली : देशातील महत्त्वाच्या सोयाबीन...
`उज्ज्वला` योजनेत मोठा भ्रष्टाचारनवी दिल्ली (वृत्तसंस्था) : पंतप्रधान नरेंद्र मोदी...
गारठा पुन्हा वाढणारपुणे  ः राज्यात अंशतः ढगाळ हवामान असून...
पूरबाधित ऊस तोडीस कारखान्यांकडून टाळाटाळपुणे  ः राज्यातील गाळप हंगाम सुरू होऊन...
नाशिक जिल्ह्यात द्राक्षमणी पोखरणाऱ्या...नाशिक  : जिल्ह्यात द्राक्ष पीक फुलोरा व मणी...
मराठवाड्यातील ५५ प्रकल्प कोरडेचऔरंगाबाद : ऑक्‍टोबरमधील पावसाने दुष्काळाने...
पंजाबचे पशुपालक वापरतात सुधारित तंत्रलुधियाना (पंजाब) येथे प्रोग्रेसिव्ह डेअरी...
शेती, दुग्धव्यवसायाने बनविले...कोल्हापूर जिल्ह्यातील शेळेवाडी (ता. राधानगरी)...
म्हणे शेतात, पीक असल्याने वीज जोडणीस...अमरावती  ः शेतात पीक असल्यामुळे शेतकरी वीज...
देशी गोसंगोपन, गांडूळखतासह दूध...सातारा जिल्ह्यातील कोपर्डे हवेली (ता. कऱ्हाड)...
दर्गनहळ्ळी येथे वाढलाय पक्ष्यांचा...सोलापूर : पूर्वी सूर्यकिरणांसोबतच पक्ष्यांचा...
अवकाळी पावसामुळे बाधितांसाठी साडेचार...मुंबई : ऑक्टोबर, नोव्हेंबर महिन्यांतील अवकाळी...
डाळिंब बियाच्या तेलापासून ‘सॉफ्टजेल...सोलापूर ः येथील राष्ट्रीय डाळिंब संशोधन केंद्राने...
मध्य महाराष्ट्र, मराठवाडा, विदर्भात...पुणे  ः मध्य महाराष्ट्र, मराठवाडा व...
आव्हाने खूप सारी, तरीही मधमाशीपालनात...नाशिक येथे पूर्वा केमटेक या कंपनीतर्फे नुकताच...
आकस्मिकता निधीच्या मर्यादेत तात्पुरत्या...मुंबई : महाराष्ट्र आकस्मिकता निधीच्या...
खासगी प्रवासी बसमधून शेतमाल वाहतुकीला...सोलापूर : राज्याच्या ग्रामीण भागातून मुंबई,...
राज्यात बोरं ८०० ते ४००० रुपये...सोलापूर : सोलापूर कृषी उत्पन्न बाजार समितीच्या...
विदर्भात वादळी पावसाची शक्यता पुणे ः विदर्भाच्या काही भागांत हवामान ढगाळ आहे....
मूळ समस्यांशी थेट भिडावे लागेल ऑगस्टपर्यंत पावसाची वाट पाहणारा शेतकरीवर्ग...