मक्यावरील अळीमुळे शेतकरी चिंतातुर

Farmers worried about the corn crop
Farmers worried about the corn crop

अकोला ः जिल्ह्यात या रब्बीत लागवड झालेल्या मक्यावर अमेरिकन लष्करी अळी धिंगाणा घालत असून, शेतकऱ्यांना उपाययोजना करण्यासाठी मोठा खर्च करावा लागत आहे.

गेल्या वर्षी कोरडा दुष्काळामुळे चाऱ्याची समस्या निर्माण झाली होती. अनेक शेतकऱ्यांवर गुरे विकण्याची वेळ आली. यावर्षी समाधानकारक पाऊस पडल्यामुळे पाण्याची पातळी वाढली आहे. त्यामुळे सिंचनाची सोय असलेल्या शेतकऱ्यांनी मक्याच्या लागवडीला पसंती दिली. मक्यावर सुरुवातीपासूनच लष्करी अळीचा प्रादुर्भाव झालेला दिसून आला. या रब्बी हंगामासाठी शेतकऱ्यांनी पैशांची तजवीज करून पेरणी केली. त्यानंतर पेरणी झाली. मक्यासारखे पीक लष्करी अळीमुळे पोखरू लागले आहे.  

असंख्य शेतकऱ्यांनी दोन ते तीन फवारण्या केल्या आहेत. एवढ्यामुळेही अळी नियंत्रणात आलेली नाही. त्यामुळे काही शेतकरी पोंग्यांमध्ये थेट औषधी टाकण्याचे काम करीत आहेत. फवारणी, पोंग्यात औषध टाकण्यासाठी औषधी, मजुरीचा खर्च वाढत चालला आहे.

मी या वर्षी तीन एकरांत मक्याची लागवड केली आहे. मक्यावर मी आत्तापर्यंत दोन फवारण्या केल्या. लवकरच तिसरी पेरणी करावी लागणार आहे. पण, पाहिजे तेवढा फरक पडलेला दिसत नाही. यासाठी कृषी विभाग, कृषी विद्यापीठाच्या तज्ज्ञांनी तातडीने मार्गदर्शन करण्याची गरज आहे. या भागात बऱ्याच शेतकऱ्यांनी मका पिकाची लागवड केली आहे. चारा आणि उत्पन्न हेतूने शेतकरी मक्याकडे वळला. पण, आता अमेरिकन लष्करी अळीमुळे हतबल झाले आहोत.  - महादेव गावंडे, मका उत्पादक, बोर्डी, जि. अकोला

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com