Agriculture news in marathi, `farming stock directly sales increase village income' | Agrowon

'थेट शेतीमाल विक्रीमुळे गावाचे उत्पन्न वाढते'
टीम अॅग्रोवन
शुक्रवार, 13 सप्टेंबर 2019

शेतकऱ्यांकडून थेट माल खरेदीला प्राधान्य राहील. तसे खडकेश्वरा समूहाचे धोरण आहे. त्यासाठीचे सर्व सहकार्य पुरवले जाईल.
- संजय नळगीरकर, संचालक

मराठवाड्यातील शेतकरी कंपन्यांना एकत्र आणून संपूर्ण महाराष्ट्रात थेट मका पुरवठ्याचे उदिष्ट आहे. त्यासाठी शेतकरी कंपन्यांनी संपर्क करावा."
- भारत सपकाळ, संचालक, करमाड फार्मर्स प्रोड्यूसर कंपनी, जि. औरंगाबाद

करमाड, जि. औरंगाबाद : थेट शेतीमाल खरेदीमुळे गावातच पायाभूत सुविधा तयार होतात. शेतकऱ्यांचे व पर्यायाने गावाचे उत्पन्न वाढते. शेतकरी व एंड युजर्स या दोन्ही घटकांसाठी थेट खरेदी-विक्री लाभदायी ठरते, असा सूर ''थेट मका व बाजरी पोच'' कार्यशाळेत निघाला. 

शेतकरी उत्पादक कंपन्यांच्या माध्यमातून पोल्ट्री व फीड्स कंपन्यांना थेट मका व बाजरी पुरवठा या विषयावर करमाड येथे मंगळवारी (ता. १०) करमाड फार्मर्स प्रोड्यूसर कंपनीच्या प्रांगणात कार्यशाळा पार पडली. 

औरंगाबादस्थित खडकेश्वर पोल्ट्री समूहातील अधिकऱ्यांनी शेतकरी कंपन्यांच्या प्रतिनिधींना व्यापारविषयक संधीबाबत प्रशिक्षित केले. शेतातून मका व बाजरीचा पुरवठा हा पोल्ट्री व फीड्स एंड युजर्सच्या गेटपर्यंतची सर्व प्रक्रिया अधिकाऱ्यांनी समजावून सांगितली. गुणवत्ता, वाहतूक, पेमेंट, सातत्यपूर्ण व्यापार आदींबाबत शेतकरी कंपनीच्या प्रतिनिधींना माहिती देण्यात आली.

खडकेश्वर समूहाचे संचालक संजय नळगीरकर यांच्या मार्गदर्शनाखाली खडकेश्वर फीड्सचे न्यूट्रिशनिष्ट डॉ. सुनील चव्हाण, खरेदी विभागाचे सहायक सरव्यवस्थापक संतोष कंधारकर यांच्यासह दिलीप इंगळे, बाबासाहेब काळे, भास्कर गाडेकर यांनी शेतकऱ्यांच्या प्रश्नांना उत्तरे दिली. करमाड फार्मर्स प्रोड्यूस कंपनीचे संचालक भारत सपकाळ यांच्या संयोजनातून १५ शेतकरी कंपन्यांच्या सदस्यांनी सहभाग घेतला.

या कार्यशाळेसाठी 'इंडियन सोसायटी ऑफ अॅग्री बिझनेस प्रोफेशनल्स'ने (आयसॅप) नेटवर्किंग इनिशिएटर' म्हणून काम पाहिले. 'करमाड एफपीसी'चे संचालक विष्णू घोडके, गोविंद डिके, कार्यकारी अधिकारी जयदीप देशमुख यांनी कार्यशाळा यशस्वीतेसाठी परिश्रम घेतले.

इतर ताज्या घडामोडी
नाशिकमध्ये उद्या द्राक्ष ऑक्टोबर छाटणी...नाशिक : महाराष्ट्र राज्य द्राक्ष बागायतदार संघ,...
सीताफळ कोरडवाहू क्षेत्रासाठी लाभदायी ः...अमरावती ः सीताफळ हे कोरडवाहू क्षेत्राला तारून...
वर्धा ः पांदण रस्ते विकासाकरिता दहा...वर्धा ः निविष्ठा व शेतमालाच्या वाहतुकीत पांदण...
अतिवृष्टीबाधितांना प्रशासनाकडून आर्थिक...गडचिरोली ः अतिवृष्टी व पुरामुळे बाधित झालेल्या...
नुकसानग्रस्त मका उत्पादकांना एकरी २५...परभणी : लष्करी अळीच्या प्रादुर्भावाने मका पिकाचे...
शिक्षक, ग्रामसेवकांना नोकरीच्या ठिकाणी...पुणे  : जिल्हा परिषदेकडून नियुक्त करण्यात...
हिंगोली जिल्ह्यात हळदीच्या क्षेत्रात...हिंगोली  ः यंदा (२०१९-२०) हिंगोली जिल्ह्यात...
नगर जिल्ह्यातील सहा तालुक्यांत अजूनही...नगर ः जिल्ह्यातील सहा तालुक्यांत अजूनही कमीच...
कर्जमुक्तीच्या मागणीसाठी चार गावांमध्ये...परभणी  ः शासनाने केलेली कर्जमाफी फसवी आहे....
सरकारने शेतकऱ्यांना  ५० हजार कोटींची...सातारा   : गेल्या पाच वर्षांत राज्य...
पितृपंधरवाड्यामुळे पुण्यात भाज्यांना...पुणे ः गुलटेकडी येथील कृषी उत्पन्न बाजार...
दुष्काळमुक्त महाराष्ट्रासाठी...सिंधुदुर्ग  ः कर्जमुक्त आणि दुष्काळमुक्त असा...
मागण्या मंजूर झाल्याने ग्रामसेवकांचे...अकोला  ः विविध मागण्यांसाठी राज्यात २२...
उदयनराजे भोसले यांचा अखेर भाजपमध्ये...नवी दिल्ली  : राष्ट्रवादी काँग्रेसचे...
औषधी गुणधर्म लक्षात घेता, पेरू, शेवगा...सोलापूर ः ‘‘पेरू आणि शेवगा ही तशी दुर्लक्षित पिके...
वंचित, कष्टकरी संघटना विधानसभा लढविणार...पुणे  : राज्य आणि केंद्र सरकारच्या विरोधात...
भंडारा जिल्‍ह्यात पावसामुळे शेकडो हेक्‍...भंडारा ः मध्य प्रदेशातील संततधारेमुळे जिल्ह्यात...
सांगली येथे गूळ ३२०० ते ३८७५ रुपये...सांगली  : येथील बाजार समितीत शनिवारी (ता. १४...
`कांदा आयातीचे धोरण शेतकऱ्यांना...पुणे  : कांदा आयात करण्याचे केंद्र सरकारचे...
स्मार्ट ग्रामअंतर्गत सायखेडा, गिरोली,...वाशीम ः जिल्हा परिषद पंचायत विभागातर्फे...