अतिपावसाने नगरमधील शेतजमिनी चिबडल्या

अतिपावसाने नगरमधील शेतजमिनी चिबडल्या
अतिपावसाने नगरमधील शेतजमिनी चिबडल्या

नगर  : अतिपावसाने शेतीचे मोठे नुकसान झाले आहे. मात्र, पावसामुळे पाणीसाठ्यात वाढ झाली आहे. जिल्ह्यातील अनेक ठिकाणी जास्त पावसामुळे शेतजमिनी उपळल्या आहेत. त्यामुळे पावसाने विश्रांती देऊनही रब्बी ज्वारीसह अन्य पिकांची पेरणी करण्यासाठी वापसा नसल्याने अडचणी येत आहेत. त्यामुळे या जमिनींमध्ये रब्बी पिकांचे नियोजन करायचे कसे, असा प्रश्न शेतकऱ्यांपुढे उभा ठाकला आहे. वेळेत वाफसा झाला नाही, तर रब्बीतील कामे लांबण्याची शक्‍यता आहे. 

नगर जिल्ह्यामधील सर्वच तालुक्यांत मॉन्सूनोत्तर पावसाने खरीप व रब्बीतील पिकांचे नुकसान झाले आहे. या पावसाने ओढे, नाले वाहते तर विहिरी, तलाव तुडुंब भरले आहेत. उभ्या पिकांत पाणी साठल्याने पिकांचे मोठे नुकसान झाले आहे. चार दिवसांपासून पावसाने उघडीप दिली असली, तरी अतिपावसाने जमिनीत पाणीसाठा वाढल्याने हे पाणी बाहेर पडू लागले आहे. या उपळलेल्या शेतजमिनीवर असलेली पिके, चारा सडून गेली आहेत.  

कृषी विभागाने दिलेल्या माहितीनुसार, अकोले तालुक्‍यात मॉन्सूनोत्तर पावसाने हातातोंडाशी आलेल्या सोयाबीन, बाजरी, भुईमूग, मका, भाजीपाला, तसेच भात आदी ७० ते ८० टक्के पिकांचे नुकसान झाले आहे. त्यापैकी ६० टक्के पिकांचे पंचनामे पूर्ण झाले आहेत. यासाठी कृषी सहायक, तलाठी आणि ग्रामसेवक यांची त्रिस्तरीय समिती गठित करण्यात आली आहे. या समितीकडून पंचनामे सुरू असून, उर्वरित पंचनामे दोन दिवसांत पूर्ण होतील. जमिनीत पाणीसाठा मोठ्या प्रमाणावर टिकून असल्याने काही जमिनी उपळल्याने रब्बी हंगाम सुमारे महिनाभर लांबण्याची शक्‍यता आहे. त्यात पावसाने उघडीप दिल्याने काही ठिकाणी शेतकऱ्यांनी रब्बीची मशागत सुरू केल्याचे दिसून येत आहे. चार दिवसांपासून पावसाने उघडीप दिली आहे. त्यामुळे आता रब्बीची पेरणी करायची आहे, पण वापसा नसल्याने अनेक ठिकाणी पेरणी करता येत नसल्याची स्थिती आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com