agriculture news in marathi Fenugreek in the state is 250 to 3000 rupees per hundred | Agrowon

राज्यात मेथी २५० ते ३००० रुपये शेकडा

टीम अॅग्रोवन
शुक्रवार, 22 जानेवारी 2021

सोलापूर ः सोलापूर कृषी उत्पन्न बाजार समितीच्या आवारात गतसप्ताहात मेथीची आवक अगदीच कमी झाली. पण मागणी असल्याने दर टिकून राहिले. 

सोलापुरात प्रतिशेकडा ३०० ते ७०० रुपये

सोलापूर ः सोलापूर कृषी उत्पन्न बाजार समितीच्या आवारात गतसप्ताहात मेथीची आवक अगदीच कमी झाली.  पण मागणी असल्याने दर टिकून राहिले. मेथीला शंभर पेंढ्यांना किमान ३०० रुपये, सर्वसाधारण ५०० रुपये आणि सर्वाधिक ७०० रुपये दर मिळाला, असे बाजार समितीच्या सूत्रांनी सांगितले. 

बाजार समितीच्या आवारात गतसप्ताहात मेथीची रोज २ हजार ते ४ हजार पेंढ्यांपर्यंत जेमतेमच आवक राहिली. स्थानिक भागातूनच सर्वाधिक आवक राहिली. मेथीला शंभर पेंढ्यांसाठी या आधीच्या सप्ताहातही भाज्यांची आवक साधारण प्रतिदिन चार ते पाच हजार पेंढ्यांपर्यंत राहिली. तर दर प्रति शंभर पेंढ्यांना किमान २५० रुपये, सर्वसाधारण ४५० रुपये आणि सर्वाधिक ६०० रुपये मिळाला. 

जानेवारी महिन्यातील पहिल्या सप्ताहातही आवकेचे प्रमाण असेच प्रतिदिन ५-६ हजार पेंढ्यापर्यंत राहिले. तर, मेथीचा दर शंभर पेंढ्यांना किमान ३०० रुपये, सर्वसाधारण ५५० रुपये आणि सर्वाधिक ७०० रुपये असा मिळाला.  

परभणीत क्विंटलला २५० ते ५०० रुपये

परभणी ः येथील पाथरी रस्त्यावरील फळे, भाजीपाला मार्केटमध्ये गुरुवारी (ता.२१) मेथीच्या १५ हजार जुड्यांची आवक होती. मेथीला प्रतिशेकडा कमाल २५० ते किमान ५०० रुपये, तर सर्वसाधारण ३७५ रुपये दर मिळाले, अशी माहिती मार्केटमधील सूत्रांनी दिली.

सध्या येथील मार्केटमध्ये स्थानिक परिसरातील लोहगाव, सिंगणापूर, इटलापूर, उजळंबा, बोरवंड आदी गावातून मेथीची आवक होत आहे. गेल्या महिनाभरातील प्रत्येक गुरुवारी मेथीच्या १५ ते ३० हजार जुड्यांची आवक होऊन प्रतिशेकडा सर्वसाधारण ३०० ते ३७५ रुपये दर मिळाले.

गुरुवारी (ता.२१) मेथीच्या १५ हजार जुड्यांची आवक होती. त्यावेळी घाऊक विक्रीचे दर प्रतिशेकडा २५० ते ५०० रुपये होते. तर, किरकोळ विक्री प्रतिजुडी ५ ते १० रुपये दराने सुरु होती, असे व्यापारी प्रकाश बोराडे यांनी सांगितले.

अकोल्यात क्विंटलला ६०० ते १५०० रुपये

अकोला ः थंडीच्या मोसमात उपलब्ध होणाऱ्या मेथीचा हंगाम येथील बाजारात सध्या अंतिम टप्‍यात आला आहे. गुरुवारी (ता. २१) मेथीला किमान ६०० ते कमाल १५०० रुपयांचा दर मिळाला. मेथीची ८० क्विंटलपेक्षा अधिक आवक झाली होती, अशी माहिती सूत्रांनी दिली.

दिवाळीपासून बाजारात दाखल होणाऱ्या मेथीचा हंगाम सध्या शेवटच्या टप्प्यात सुरु आहे. अकोल्यात पश्‍चिम विदर्भातील जिल्ह्यातून दररोज मेथीची मोठी होत असते. सध्या दर कमी झाले आहेत. साधारण दर्जाची मेथी ६०० ते ९०० दरम्यान विक्री होत आहे. तर, चांगल्या दर्जाच्या मेथीला १००० ते १५०० पर्यंत दर मिळत आहे. 

गुरुवारी ६०० ते १५०० दरम्यान मेथी विक्री झाली. सध्या आवक मोठी असून तुलनेने दर्जा तितका चांगला नाही. 
शिवाय मागणीही पुरेशी नाही. यामुळे दर जेमतेम 
मिळत आहेत, असेही सूत्रांनी सांगितले.

नाशिकमध्ये प्रतिशेकडा १००० ते ३००० रुपये

नाशिक : येथील कृषी उत्पन्न बाजार समितीत बुधवारी (ता.२०) मेथीची आवक ५५०० जुड्या झाली. प्रति १०० जुड्यांना १००० ते ३०००, तर सर्वसाधारण दर २००० रुपये होते. आवक सर्वसाधारण असून गेल्या तीन दिवसांत दर स्थिर झाले आहेत, अशी माहिती बाजार समितीच्या सूत्रांनी दिली.

मेथीची आवक घटली आहे. उठाव वाढल्याने दरात सुधारणा होत आहे. मंगळवारी (ता. १९) मेथीची आवक ६५०० जुड्या झाली. त्यास ५५० ते ३०००, तर सर्वसाधारण दर २००० रुपये राहिला. सोमवारी (ता. १८) मेथीची आवक ४२०० जुड्या झाली. त्यास ९०० ते ३०२० असा दर मिळाला. सर्वसाधारण दर २२०० रुपये राहिला.
रविवारी (ता.१७) मेथीची आवक ३३२० जुड्या झाली. त्यास १००० ते २००० असा दर मिळाला. सर्वसाधारण दर १५०० होता.

शनिवारी (ता.१६) मेथीची आवक ३८६० जुड्या झाली. त्यास ५०० ते १४०० रुपये दर मिळाला. सर्वसाधारण दर १००० राहिला. शुक्रवारी (ता.१५) मेथीची आवक ३४४० जुड्या झाली. त्यास ६०० ते २१०० असा दर मिळाला. सर्वसाधारण दर १३०० रुपये राहिला. गुरुवारी (ता.१४) आवक ३१५० झाली. त्यास ५०० ते २००० असा दर मिळाला. सर्वसाधारण दर १२०० रुपये राहिला.

गत महिन्याच्या तुलनेत आवक घटली आहे. मागणी असून उठाव वाढल्याने दरात सुधारणा होत आहे. मात्र गेल्या दोन दिवसांत ही आवक कमी झाली.

नांदेडमध्ये प्रतिशेकडा ३५० ते ४०० रुपये

नांदेड : नांदेड बाजारात सध्या मेथीची आवक वाढल्यामुळे दरात स्थिरता आली आहे. इतवारा तसेच तरोडा भागात सध्या रोज २५ हजार ते ३० हजार जुड्या आवक होत आहे. यास प्रतिशेकडा ३५० ते ४०० रुपये शेकडा दर मिळत असल्याची माहिती व्यापाऱ्यांनी दिली.

नांदेडमध्ये सध्या बाजारात मेथीची आवक वाढली आहे. नांदेड शहरातील इतवारा तसेच तरोडा नाका भागात भरणाऱ्या ठोक बाजारात सध्या स्थानिक शेतकऱ्यांसह सोलापूर व कोल्हापूर जिल्ह्यातून आवक होत आहे, असे महंमद जावेद म्हणाले.

जळगावात क्विंटलला १०००  ते १२०० रुपये 

जळगाव : कृषी उत्पन्न बाजार समितीत गुरुवारी (ता. २१)  मेथीची ११ क्विंटल आवक झाली. दर प्रतिक्विंटल १००० ते १२०० व सर्वसाधारण १००० असे होते. आवक जळगाव जिल्ह्यातील जामनेर, जळगाव, धरणगाव आदी भागातून होत आहे. दर स्थिर आहेत.

पुण्यात प्रतिशेकडा ४०० ते ८०० रुपये

पुणे ः गुलटेकडी येथील कृषी उत्पन्न बाजार समितीमध्ये गुरुवारी (ता.२१) मेथीच्या सुमारे ८० हजार जुड्या आवक झाली होती. यावेळी शेकड्याला ४०० ते ८०० रुपये दर होता. सध्या पुणे बाजार समितीमधील आवक ही पुण्यासह विभागातील विविध जिल्ह्यांमधून होत आहे.

दरम्यान, पुण्यानंतर भाजीपाल्यासाठी प्रसिद्ध असलेल्या जुन्नर बाजार समितीच्या नारायणगाव उपबाजारात बुधवारी (ता.२०) मेथीच्या सुमारे ७५ हजार जुड्यांची आवक झाली होती. यावेळी शेकड्याला ७०१ ते १ हजार ८०० रुपये दर होता.


इतर ताज्या घडामोडी
पुणे जिल्ह्यात उन्हामुळे धरणांतील...पुणे ः उन्हाचा चटका वाढल्याने धरणांतील पाण्याचा...
म्हसवड येथे शेतकरी आंदोलन सुरूचम्हसवड, जि. सातारा : शेतजमीन कब्जे वहिवाटीत...
मराठवाड्यात उपयुक्त पाणी ६५.८० टक्केचऔरंगाबाद : मराठवाड्यातील ८७६ प्रकल्पांतील उपयुक्त...
`हिंगोलीत केंद्रीय मसाले मंडळाचे...हिंगोली : हळदीच्या उत्पादकता वाढीसाठी शेतकऱ्यांना...
अवकाळीच्या नुकसानीचे नांदेडमध्ये १८...नांदेड : जिल्ह्यात नुकत्याच झालेल्या अवेळी...
शेतमाल चोरणारी टोळी जेरबंद अमरावती : कोरोनामुळे ग्रामीण भागात निर्माण...
साडेसात हजार खात्यांचे आधार प्रमाणीकरण...नांदेड : ‘‘महात्मा जोतीराव फुले शेतकरी कर्जमुक्ती...
‘ई-फेरफार प्रणालीत नाशिक विभागाची बाजी’नाशिक : ‘‘महसूल विभागाच्या ई-फेरफार प्रणालीत...
भंडाऱ्यात पणन अधिकाऱ्यांच्या समक्षच...भंडारा : जिल्ह्यात धान लागवड क्षेत्र आणि सरासरी...
अकोला जिल्हा बँकेच्या अध्यक्षपदी डॉ....अकोला : अकोला जिल्हा मध्यवर्ती सहकारी बँकेच्या...
महागाई विरोधात स्वाभिमानीचे लवकरच...कोल्हापूर : पेट्रोल, डिझेल, गॅस दरवाढीने...
काजू खरेदी करताना आडकाठी केल्यास पोलिस...सिंधुदुर्गनगरी : सावंतवाडी-दोडामार्ग फळ बागायतदार...
‘म्हैसाळ’चे पाणी बंदिस्त पाइपद्वारे...सांगली ः जलसंपदा विभागाद्वारे म्हैसाळ योजनेच्या...
कायदा मोडणाऱ्या अधिकाऱ्यांवर गुन्हा...उत्तूर, जि. कोल्हापूर : आधी पुनर्वसन मग धरण हा...
‘शेतकरी सन्मान’च्या कामांना आता...औरंगाबाद : येत्या ८ मार्चपासून पंतप्रधान शेतकरी...
मार्च महिन्याची सुरुवातच अकोलेकरांसाठी...अकोला : मार्च महिन्याला सुरुवात होताच यंदाचा...
पंतप्रधानांची शेतकऱ्यांसाठी ‘बुक...नाशिक : देशात मागील काही महिन्यांपासून कृषी...
योजनेत गोंधळ झाल्यास ‘महसूल’ जबाबदार...पुणे : ‘‘कृषी खात्यात आम्ही राबतो व श्रेय महसूल...
ताकारी उपसा सिंचन योजनेचे फक्त आठच पंप...सांगली : ताकारी उपसा जलसिंचन योजना सुरू होऊन १२...
वाशीममध्ये उन्हाळी पिकांच्या लागवडीकडे...वाशीमः या वर्षी पाण्याची उपलब्धता असल्याने...