agriculture news in marathi, fertilizer stock planning for kharip season, jalgaon, maharashtra | Page 2 ||| Agrowon

जळगाव जिल्ह्यात उपलब्ध होणार साडेतीन लाख टन खते

टीम अॅग्रोवन
बुधवार, 15 मे 2019

जिल्ह्यात बियाणे व खते मुबलक प्रमाणात उपलब्ध होतील. खते शिल्लक आहेत. यामुळे टंचाई भासणार नाही. कापूस बियाणे जूनमध्ये उपलब्ध होईल. 
- मधुकर चौधरी, कृषी विकास अधिकारी, जिल्हा परिषद, जळगाव.

जळगाव  ः आगामी खरिपासाठी जिल्हास्तरावरील कृषीयंत्रणांनी नियोजन पूर्ण केले असून, कापूस व रासायनिक खतांच्या पुरवठ्यासंबंधीचे लक्ष्यांक वरिष्ठ कार्यालयाने मंजूर केले आहे. जळगाव जिल्ह्याला तीन लाख ४० हजार टन खते मिळणार आहेत; तर धुळे-नंदुरबार मिळून सुमारे अडीच लाख मेट्रिक टन खते सप्टेंबर अखेरपर्यंत उपलब्ध होतील. 

जून महिन्याच्या मध्यापासून खतपुरवठा सुरू होईल. जळगावात खरिपासाठीचा खतपुरवठा संबंधित कंपन्यांनी सुरू केला आहे; परंतु सुमारे ४० हजार टन खतसाठा शिल्लक असल्याने हा पुरवठा धीम्या गतीने सुरू आहे. सुमारे नऊ हजार टन युरिया शिल्लक असल्याने त्याचा तुटवडा भासणार नाही, असा दावा जळगाव येथील कृषी विभागाने केला आहे. धुळे-नंदुरबारमध्येही सुमारे ११ हजार मेट्रिक टन खते शिल्लक आहेत. खरिपासाठी जळगाव जिल्ह्यात युरियाचा ९० हजार टनांपर्यंत पुरवठा होणार आहे. धुळे-नंदुरबारातही सुमारे ५० हजार टन युरिया उपलब्ध होईल. 

खानदेशात सुमारे १५ लाख हेक्‍टरवर खरिपाची पेरणी होईल. यात सर्वाधिक आठ ते साडेआठ लाख हेक्‍टरवर कापसाची लागवड होईल. यात सुमारे सव्वा ते दीड लाख हेक्‍टरवर पूर्वहंगामी कापूस लागवड होईल, असा अंदाज आहे. कापसापाठोपाठ तृणधान्ये व गळीत धान्याची पेरणी होईल. जळगाव जिल्ह्यासाठी २५ लाख कापूस बियाण्यांच्या पाकिटांची मागणी करण्यात आली.

धुळे जिल्ह्यासाठी सुमारे नऊ लाख; तर नंदुरबारसाठी सुमारे सहा लाख कापूस बियाणे पाकिटांची मागणी केली असून, त्याचा पुरवठा जूनमध्ये होईल. जूनमध्ये कापूस बियाण्यांची विक्री होईल, असे नियोजन कृषी विभागाने केले आहे. तृणधान्य, गळीत धान्याच्या बियाण्यांचा मुबलक पुरवठा होईल. त्यासाठी केंद्रीय बियाणे महामंडळ, महाबीज यांच्याकडून अधिकाधिक बियाण्यांचा पुरवठा होईल, असा दावा कृषी विभागाने केला आहे.  

शासकीय यंत्रणांनी नियोजन केलेले असतानाच शेतकरीही पूर्वमशागतीच्या कामात व्यग्र आहेत. कापूस व इतर पिकांखाली रिकाम्या झालेल्या क्षेत्रात सध्या नांगरणी, रोटाव्हेटर करण्याचे काम सुरू आहे. अनेक ठिकाणी शेतकऱ्यांनी कापूस लागवडीसाठी शेतात ठिबकच्या नळ्या अंथरून ठेवल्या असून, बियाणे उपलब्ध होताच लागवड जूनमध्ये सुरू होईल, असे चित्र आहे.

मी कापूस लागवडीची तयारी केली आहे; परंतु बियाणे जूनमध्ये येणार असल्याने लागवड उशिराने करावी लागेल, अशी माहिती चोपडा (जि. जळगाव) येथील शेतकरी बापू पाटील यांनी दिली.


इतर ताज्या घडामोडी
खानदेशात अनेक भागांत पावसाची हजेरीजळगाव ः खानदेशात बुधवारी (ता. १६) अनेक भागांत...
दूध दरवाढीसाठी पुणे जिल्ह्यात निदर्शनेपुणे : लॉकडाउनच्या काळात मागणी घटल्याचे कारण देत...
खतांची जादा दराने विक्री करणाऱ्यांवर...वाशीम : जिल्ह्यातील चार महसूल मंडळांचा अपवाद...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
खतांची कार्यक्षमता वाढविण्यासाठी...माती परीक्षणाच्या आधारावर पिकांना द्यावयाची...
सोयाबीन पिकावरील खोडमाशीचे एकात्मिक...खोडमाशीच्या अळ्या प्रथम पाने पोखरून पानांच्या...
तंत्र तीळ लागवडीचेतीळ पीक आपत्कालीन पीक, आंतरपीक व मिश्र पीक म्हणून...
खानदेशात कांदा दरात सुधारणाजळगाव ः खानदेशात लाल कांद्याच्या दरात गेल्या चार-...
नऊ कृषी सहायकांकडे १०४ गावांची जबाबदारीबुलडाणा ः राज्याचे कृषी सचिव एकनाथ डवले यांच्या...
पावसाअभावी विदर्भात तीन टक्के...नागपूर : पेरणी योग्य पाऊस न झाल्यामुळे विदर्भात...
आरक्षणाबाबत लोकप्रतिनिधींनी आपली...कोल्हापूर : मराठा आरक्षणासाठी आजपासून (ता. १६)...
‘मिहान’मध्ये गुंतवणूक वाढविण्याची ...नागपूर : विदर्भाचे भविष्य बदलविणारा मिहान प्रकल्प...
मेळघाटातील गावाला होणार सौरऊर्जेचा...अमरावती : धारणी तालुक्यातील चोपण या दुर्गम गावात...
सोलापुरात खरीप हंगामात शेतकऱ्यांसाठी...सोलापूर : जिह्यातील शेतकऱ्यांनी आधुनिक...
मुसळधार पावसाने सिंधुदुर्ग जिल्ह्याला...सिंधुदुर्गनगरी : सिंधुदुर्ग जिल्ह्यात सलग तिसऱ्या...
केंद्राने साखर निर्यातीसाठी अनुदान...शिराळा, जि. सांगली : केंद्र शासनाने साखर निर्यात...
धरणांच्या पाणलोट क्षेत्रात पावसाची उसंतपुणे : पुणे जिल्ह्यातील धरणाच्या पाणलोट क्षेत्रात...
जलसंपदा विभागाची कार्यालये, आस्थापना...सोलापूर ः केवळ कार्यालयाकडे कामे नाहीत, अपुरा...
बाधित शेतकऱ्यांना हक्काचा मोबदला द्यावानाशिक : पुणे-नाशिक रेल्वे मार्गाचे भूसंपादन व...
पीककर्जापासून गरजू वंचित राहू नये ः...नाशिक : नाशिक हा शेतीप्रधान जिल्हा असल्याने...