नगर : लॉकडाऊनच्या काळात शेतीची कामे अडकू नयेत यासाठी खते, बियाण्यांची दुकाने चालू ठेवण्याचे सरकारचे आदेश आहेत. मात्र, गर्दी होत असल्याच्या कारणाने नगर जिल्ह्यामध्ये ही दुकाने बंदच आहेत. कृषी विभाग आणि जिल्हाधिकारी यांच्यात याबाबत चर्चा झाली असून दोन दिवसांत ती दुकाने सुरू करण्याबाबत निर्णय होणार आहे.
कोरोनाचा संसर्ग रोखण्याच्या पार्श्वभूमीवर लॉकडाऊन झालेले असले तरी ग्रामीण भागात शेतीची कामे रखडू नयेत यासाठी खते, बियाणे कीटकनाशके व अन्य निविष्ठा विक्रीची दुकाने सुरू ठेवण्याबाबत सरकारने आदेश दिलेले आहेत, मात्र ही दुकाने उघडी ठेवल्यास गर्दी होण्याच्या भीतीने नगर जिल्ह्यात बहुतांश दुकाने बंदच आहेत.
दुकान उघडले की गर्दी होते. त्यामुळे पोलिस दुकान बंद करण्यास सांगतात. यामुळे मात्र शेतीची कामे अडली आहेत. खरीप हंगाम तोंडावर आल्याच्या पार्श्वभूमीवर खते, बियाणे जीवनावश्यक वस्तूच मोडते. कृषी आयुक्तांचे आदेश असतानाही दुकाने बंद असल्याच्या पार्श्वभूमीवर काही शेतकऱ्यांनी जिल्हा अधीक्षक कृषी अधिकाऱ्यांकडे चर्चा केली. त्यांनी जिल्हाधिकारी राहुल व्दिवेदी यांच्याशी चर्चा केली आहे. खते, बियाण्यांची दुकाने चालू ठेवण्याबाबत दोन दिवसात निर्णय होणार असल्याचे जिल्हा अधीक्षक कृषी अधिकारी शिवाजीराव जगताप यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.