सासवड येथे २८ जानेवारीपासून अंजीर परिषदेचे आयोजन

अंजीर
अंजीर

पुणे ः अंजीर फळासाठी प्रक्रिया उद्याेगांबराेबरच निर्यातीसाठी संधी उपलब्ध व्हावी, यासाठी संशाेधन आणि विकासासाठी अंजीर परिषदेचे आयाेजन करण्यात आले आहे. अखिल महाराष्ट्र अंजीर उत्पादक आणि संशाेधन संघाच्या वतीने या परिषदेचे पहिल्यांदाच आयाेजन करण्यात येत असून, २८ जानेवारी राेजी सासवड येथील काळेवाडी येथे परिषद हाेणार असून, उद्‍घाटन माजी केंद्रीय कृषिमंत्री शरद पवार यांच्या हस्ते हाेणार असल्याचे संघाचे सचिव सुरेश सस्ते यांनी सांगितले.  श्री. सस्ते म्हणाले, की राज्यात सुमारे ७ हजार हेक्टर अंजिराचे क्षेत्र असून, त्यापैकी १ हजार ५०० हेक्टर क्षेत्र पुणे जिल्ह्यात आहे. पुणे जिल्ह्यातील एकूण क्षेत्रापैकी ९० टक्के क्षेत्र पुरंदर तालुकक्यात असून, पुरंदरच्या अंजिराचे विशेष महत्त्व आहे. या अंजिराला नुकतेच भाैगाेलिक मानांकन मिळाले असून, केवळ मानांकनामुळे प्रश्‍न सुटलेले नाहीत. अंजिरावर प्रक्रिया उद्याेगाबराेबरच निर्यातक्षम आणि टिकवण क्षमता असलेल्या अंजिराचे वाण विकसित हाेण्याची गरज आहे. यासाठी अंजीर उत्पादक संघाच्या वतीने अंजीर उत्पादक शेतकऱ्यांना एकत्र आणत प्रशिक्षण देण्यात येणार आहे. यासाठी परिषद आयाेजनाचा प्रयत्न आहे. परिषदेमध्ये अंजीर उत्पादन व उत्पादकांच्या समस्येवर विविध तज्ज्ञ, संशाेधक, धाेरणकर्ते मार्गदर्शन करणार आहेत. यासाठी महात्मा फुले कृषी विद्यापीठ, राज्य फलाेत्पादन व आैषधी मंडळाच्या वतीने परिषदेचे आयाेजन करण्यात आले असून, परिषदेला कृषिमंत्री पांडूरंग फुंडकर आणि जलसंपदा राज्यमंत्री विजय शिवतरे उपस्थित राहणार असल्याचे संघाचे उपाध्यक्ष रामचंद्र खेडेकर यांनी सांगितले. अधिक माहितीसाठी संपर्क  सुरेश सस्ते (सचिव), ९८८१४१३०८९  रामचंद्र खेडेकर,९४२१०१७६५७

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com