agriculture news in marathi, final report of crops damage, aurangabad, maharashtra | Agrowon

मराठवाड्यात ४१ लाख ४९ हजार हेक्टरवरील पिके बाधित

टीम अॅग्रोवन
रविवार, 17 नोव्हेंबर 2019

औरंगाबाद  : अतिवृष्टीमुळे मराठवाड्यातील ४१ लाख ४९ हजार १७५.३० हेक्‍टरवरील विविध पिके बाधित झाली आहेत. यामध्ये सर्वाधिक नुकसान सोयाबीनचे झाले असून तब्बल १९ लाख ६६ हजार ७३ हेक्‍टरवरील सोयाबीनला फटका बसला आहे. त्याखालोखाल जिरायती व बागायती मिळून १४ लाख ६३ हजार ६५८ हेक्टरवरील कपाशीचे नुकसान झाले आहे.

औरंगाबाद  : अतिवृष्टीमुळे मराठवाड्यातील ४१ लाख ४९ हजार १७५.३० हेक्‍टरवरील विविध पिके बाधित झाली आहेत. यामध्ये सर्वाधिक नुकसान सोयाबीनचे झाले असून तब्बल १९ लाख ६६ हजार ७३ हेक्‍टरवरील सोयाबीनला फटका बसला आहे. त्याखालोखाल जिरायती व बागायती मिळून १४ लाख ६३ हजार ६५८ हेक्टरवरील कपाशीचे नुकसान झाले आहे.

मराठवाड्यातील अनेक भागांत यंदा ऑक्टोबरमध्ये अतिवृष्टी झाली. सप्टेंबर अखेरपर्यंत अनियमित व असमान पडणारा पाऊस ऑक्टोबरमध्ये मात्र सर्वदूर व जोरदार पडला होता. या पावसामुळे मराठवाड्यातील खरीप पिकांचे मोठे नुकसान झाले होते. शासकीय नियमांनुसार ३३ टक्क्यांपेक्षा जास्त नुकसान झालेल्या पिकांच्या पंचनाम्यांचे काम प्रशासकीय स्तरावरून हाती घेण्यात आले. पंचनाम्यांची प्रक्रिया आटोपली असून मराठवाड्यातील पीकनिहाय नुकसानीचा अहवाल प्रशासनाकडून शासनाकडे पाठविण्यात आला आहे.

त्यानुसार मराठवाड्यात सर्वाधिक १९ लाख ६६ हजार ७३ हेक्टरवरील सोयाबीनचे नुकसान झाले. त्यापाठोपाठ १४ लाख ३४ हजार ६०९ हेक्टरवरील जिरायती कपाशीचे व २९ हजार ४९ हेक्टरवरील बागायती कपाशीचे पिकाचे नुकसान झाले. एकूण पेरणी केलेल्या मका पिकापैकी २ लाख ५६ हजार ६८ हेक्टरवरील पिकाला फटका बसला. तसेच १ लाख ४ हजार ८९३ हेक्टरवरील बाजरीचे, ८१ हजार १९५ हेक्टरवरील ज्वारीचे, ९६ हजार ८ हेक्‍टरवरील तुरीचे, १४११ हेक्‍टरवरील मुगाचे तर जवळपास १ लाख ६ हजार ९६५ हेक्टरवरील इतर जिरायती पिकांचे नुकसान झाले. ७ हजार ४९७ हेक्टरवरील भाजीपाला पिकांना फटका बसला. २४४२ हेक्टरवरील मिरचीचे, ५९२ हेक्‍टरवरील भुईमुगाचे, २४ हजार ९८४ हेक्टरवरील कांदा पिकाचे, ४८२ हेक्टरवरील केळी पिकाचे तर ४३६३ हेक्‍टरवरील इतर बागायती पिकांचे नुकसान झाले. 

फळ पिकांमध्ये ४७३.८० हेक्‍टरवरील केळीचे, ७४०३.३३ हेक्‍टरवरील द्राक्षांचे, ९९९.३४ हेक्टरवरील पपईचे, ७ हजार १५२. ८५ हेक्‍टरवरील डाळिंबाचे, १४ हजार ५१५.५ हेक्‍टरवरील मोसंबीचे,१८४.२० हेक्‍टरवरील आंब्याचे, २७५.८० हेक्‍टरवरील चिकूचे, ८७ हेक्‍टरवरील संत्राचे तर १४६१.०१ हेक्‍टरवरील इतर फळपिकांचे ३३ टक्क्यांपेक्षा जास्त नुकसान झाल्याची माहिती प्रशासनाच्या सूत्रांनी दिली.
 
 

सोयाबीनचे ३३ टक्क्यांपेक्षा जास्त नुकसानग्रस्त क्षेत्र (हेक्टर)
औरंगाबाद   १०,३६४
जालना १,३८,१५३
परभणी २,५४,०४४
हिंगोली   २,२३,२०३
नांदेड ३,७५,३७३
बीड २,४६,८५४
लातूर  ४,०७,१४६
उस्मानाबाद  ३,१०,९३३

 

जिरायती कपाशीचे ३३ टक्क्यांपेक्षा जास्त नुकसानग्रस्त क्षेत्र (हेक्टर)
औरंगाबाद  ३,५०,१३९
जालना  २,६६,४७३
परभणी १,८५,५७८
हिंगोली ३९,४२३
नांदेड  २,०४,१६५
बीड ३,६६,७२८
लातूर १२,६७८
उस्मानाबाद ९४२२

 

बागायती कपाशीचे ३३ टक्क्यांपेक्षा जास्त नुकसानग्रस्त क्षेत्र (हेक्टर)
जालना   २८,९९८
लातूर  ५१.२०

 

भाजीपाला पिकांचे ३३ टक्क्यांपेक्षा जास्त नुकसानग्रस्त क्षेत्र(हेक्टर)
औरंगाबाद  २०७३
जालना  १०२९
परभणी १४९५
हिंगोली    ३५
नांदेड ५९
लातूर १९४१
उस्मानाबाद ८६४

 

जिल्हानिहाय नुकसानग्रस्त शेतकरी
औरंगाबाद    ६,३८,३०४
जालना   ५,८२,२६८
परभणी ४,६३,३७१
हिंगोली   ३,०१,९६०
नांदेड ७,१८,४३६
बीड ८,२४,७५९
लातूर  ४,८६,००४
उस्मानाबाद  ४,१८,४४७ 

 


इतर बातम्या
भविष्यात देशी कपाशीला गतवैभव प्राप्त...परभणी: देशी कपाशीचे वाण रसशोषण करणाऱ्या किडीसाठी...
शेती उत्पादन वाढीसाठी मधमाश्‍यांचा मोठा...नाशिक: मधमाश्‍यांचे संगोपन करून त्यांच्या...
कृत्रिम रेतनावर नियंत्रण योग्यचपुणे : कृत्रिम रेतन करताना शास्त्रोक्त...
नुकसानग्रस्त शेतकऱ्यांसाठी २२७ कोटी...मुंबई: राज्यात जुलै ते ऑक्टोबर दरम्यान...
बेदाणा दरात वाढीचे संकेतसांगली ः दिवाळीनंतर बेदाण्याचे सौदे सुरु झाले...
पीकविमा कंपन्यांच्या नफेखोरीला चाप लावा...पुणे: कृषी विभागाच्या कामकाजाची माहिती...
द्राक्षाचे ४० वाण आयात करणार : डॉ. ए....पुणेः शेतकऱ्यांचे उत्पन्न दुप्पट करण्याच्या...
सुटीच्या दिवशीही बाजार समित्या सुरू ठेवापुणे: अवकाळी पावसाने लांबलेल्या शेतमालाच्या...
विदर्भापाठोपाठ खानदेशात थंडी वाढतेयपुणे ः राज्यातील अनेक भागांत हवामान कोरडे...
पणन महासंघाकडून ९ कोटी रुपयांचे चुकारेअमरावती ः राज्यात महाराष्ट्र राज्य सहकारी कापूस...
कडधान्यवर्गीय बियाणे उत्पादकांना अनुदान...अकोला  ः कडधान्यवर्गीय पिकांच्या पायाभूत...
नुकसानग्रस्तांना ५,३०० कोटींचा दुसरा...मुंबई : देवेंद्र फडणवीस यांनी दुसऱ्यांदा...
अमरावती ‘एसआयटी’कडूनही अजित पवार निर्दोषमुंबई : नागपूर विभागातील सिंचन घोटाळ्यापाठोपाठ...
साहेब, शेतीसाठी दिवसा वीज द्या हो...अकोला  ः रब्बी हंगामात सिंचनाचे काम सुरू...
नांदेड जिल्ह्यात कृषी योजनेंतर्गत १...नांदेड : जिल्हा परिषदेच्या कृषी...
पुणे विभागात गळीत हंगामात १८ साखर...पुणे : गळीत हंगाम सुरू होऊन जवळपास दीड महिना होत...
खानदेशात ज्वारीची आवक नगण्य, दरही...जळगाव  ः खानदेशातील प्रमुख बाजार...
नगर जिल्ह्यात पाण्याअभावी २४० पाणी...नगर : आक्टोबर महिन्यात जिल्हाभर जोरदार पाऊस...
जळगाव जिल्ह्यात सिंचनासाठी धरणांतून पाच...जळगाव  ः पावसाळ्यात सरासरीच्या तीस टक्के...
नगर जिल्ह्यात सरासरीच्या ३१ टक्के...नगर : जिल्ह्यामध्ये यंदा चांगला पाऊस झाल्याने...