Agriculture news in marathi Financial dilemma of farmers due to non-payment of paddy | Page 2 ||| Agrowon

धान चुकाऱ्याअभावी शेतकऱ्यांची आर्थिक कोंडी

सोमवार, 26 एप्रिल 2021

गेल्यावर्षी आधारभूत दराने धान विक्री करणाऱ्या शेतकऱ्यांना अद्यापही चुकारे मिळाले नाही. हे थकीत १४२ कोटी आणि बोनसचे २०० कोटी, अशी रक्कम शेतकऱ्यांच्या खात्यात जमा करण्यात यावी, अशी मागणी आमदार विनोद अग्रवाल यांनी केली आहे.

गोंदिया : गेल्यावर्षी आधारभूत दराने धान विक्री करणाऱ्या शेतकऱ्यांना अद्यापही चुकारे मिळाले नाही. हे थकीत १४२ कोटी आणि बोनसचे २०० कोटी, अशी रक्कम त्वरित शेतकऱ्यांच्या खात्यात जमा करण्यात यावी, अशी मागणी आमदार विनोद अग्रवाल यांनी केली आहे.

कोरोनामुळे सर्वदूर सामान्यांची आर्थिक कोंडी झाली आहे. अनेकांचा रोजगार गेल्याने त्यांच्यासमोर उदरनिर्वाहाचा मोठा प्रश्न निर्माण झाला आहे. शेतकऱ्यांची स्थिती देखील यापेक्षा वेगळी नाही. हंगामातील शेतमाल विक्री नंतर त्यांच्याकडे पैसा येतो. त्याच पैशाचा उपयोग करून देणगीदारांची देणी चुकवली जातात. वर्षभरातील कौटुंबिक गरजांसाठी लागणाऱ्या पैशाचे नियोजन देखील याच माध्यमातून होते.

परंतु गेल्या हंगामातील धानाची विक्री केलेल्या शेतकऱ्यांना अद्यापही चुकारे देण्यात आले नाही. तब्बल १४२ कोटी रुपये शेतमाल विक्रीचे तर २०० कोटी रुपये बोनसचे आहेत. ही रक्कम न मिळाल्याने शेतकऱ्यांची आर्थिक कोंडी झाली आहे. त्यामुळे शासनाने बोनस आणि चुकारे रक्कम त्वरित शेतकऱ्यांच्या बँक खात्यावर जमा करावी, अशी मागणी आमदार विनोद अग्रवाल यांनी केली आहे. 

जिल्ह्यात येत्या काही दिवसांत रब्बी धान पिकाचे कापणीला सुरुवात होईल. त्यानंतर शेतकरी धान खरेदी केंद्रावर विकण्यासाठी गर्दी करतील. मात्र यंदा खरिपातील धानाचे मिलिंगच झाले नाही.  परिणामी गोदाम फूल आहेत यामुळे शेतकरी शासकीय धान खरेदी बाबत साशंक आहेत. शेतकऱ्यांच्या मनातील अस्वस्थता दूर करीत शासनाने मिलिंगचा निर्णय घ्यावा. त्यानंतर एक मेपासून नव्याने धान खरेदी सुरू करावी, अशी मागणी देखील विनोद अग्रवाल यांनी उपमुख्यमंत्री अजित पवार व अन्न, नागरी पुरवठा मंत्री छगन भुजबळ यांच्याकडे केली आहे.

खरीप हंगामात शेतकऱ्यांना शासकीय धान्य विक्री करताना खूप मनस्ताप सहन करावा लागला होता. गोंदिया शहरालगत असलेल्या गावातील शेतकऱ्यांचा सातबारा ऑनलाइन नसल्याने धान विक्रीत त्यांना अनेक अडचणी आल्या. या वर्षी देखील तशी परिस्थिती निर्माण होऊ नये याकरिता प्रशासनाने आधीच नियोजन करावे, अशी सूचना देखील आमदार अग्रवाल यांनी केली आहे.

टॅग्स

इतर ताज्या घडामोडी
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...
राष्ट्रीयीकृत बँकांच्या मदतीने...नाशिक : नाशिक जिल्हा बॅंकेच्या माध्यमातून कर्ज...
‘किसानपुत्र आंदोलन’कडून काळ्या...औरंगाबाद : किसानपुत्र आंदोलनाच्या वतीने शुक्रवारी...
द्राक्ष सल्ला : प्रतिकूल ढगाळ हवामानात...यावर्षी मे महिन्याच्या शेवटच्या आठवड्यापासून ढगाळ...
थायलंडचे शेतमजूर अन् मध्यम मार्गावरील...शेती म्हटली की सर्वत्र कमी जास्त प्रमाणात त्याच...
विदर्भात अडीच कोटींचा ‘एचटीबीटी’ साठा...नागपूर : गेल्या हंगामात अनधिकृत कापूस बियाण्याचे...
वैयक्तिक वनदाव्यांचा जलदगतीने निपटारा...नाशिक : जिल्ह्यातील वैयक्तिक वनदाव्यांचा वनसमिती...
कोल्हापुरातील शिवारे जलमयकोल्हापूर : जिल्ह्याला बुधवारी (ता. १६)...
खानदेशात अनेक भागांत पावसाची हजेरीजळगाव ः खानदेशात बुधवारी (ता. १६) अनेक भागांत...
दूध दरवाढीसाठी पुणे जिल्ह्यात निदर्शनेपुणे : लॉकडाउनच्या काळात मागणी घटल्याचे कारण देत...
खतांची जादा दराने विक्री करणाऱ्यांवर...वाशीम : जिल्ह्यातील चार महसूल मंडळांचा अपवाद...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
खतांची कार्यक्षमता वाढविण्यासाठी...माती परीक्षणाच्या आधारावर पिकांना द्यावयाची...
सोयाबीन पिकावरील खोडमाशीचे एकात्मिक...खोडमाशीच्या अळ्या प्रथम पाने पोखरून पानांच्या...
तंत्र तीळ लागवडीचेतीळ पीक आपत्कालीन पीक, आंतरपीक व मिश्र पीक म्हणून...
खानदेशात कांदा दरात सुधारणाजळगाव ः खानदेशात लाल कांद्याच्या दरात गेल्या चार-...
नऊ कृषी सहायकांकडे १०४ गावांची जबाबदारीबुलडाणा ः राज्याचे कृषी सचिव एकनाथ डवले यांच्या...