चाचणी लेखापरीक्षकाच्या कारवाईवर बोट

चाचणी लेखापरीक्षकाच्या कारवाईवर बोट
चाचणी लेखापरीक्षकाच्या कारवाईवर बोट

सोलापूर : सोलापूर जिल्हा मध्यवर्ती सहकारी बॅंकेतील अनियमिततेबाबत आणि बेकायदा कर्जवाटप केल्याप्रकरणी ठपका ठेवलेल्या तत्त्कालीन संचालकांनीच आता बॅंकेच्या चाचणी लेखापरीक्षणाच्या कारवाईवर बोट ठेवले आहे. त्याबाबत त्यांनी न्यायालयाकडे दाद मागितली आहे. त्यामुळे आता चाचणी लेखापरीक्षणाचा विषय उच्च न्यायालयात गेला आहे. न्यायालयाने दिलेल्या स्थगितीमुळे माजी संचालक व अधिकाऱ्यांना तूर्तास दिलासा मिळाला. मात्र, चाचणी लेखापरीक्षकांना न्यायालयात आता त्यांची बाजू मांडावी लागणार आहे. 

सोलापूर जिल्हा बॅंकेच्या कारभाराचे सहकार कायदा कलम ८३ व ८८ अन्वये चौकशी झाली. तरीही चाचणी लेखापरीक्षण कशासाठी, चाचणी लेखापरीक्षण करण्यासाठी आवश्‍यक असलेली पात्रता या अधिकाऱ्यांकडे नाही. त्यातून तेच ते मुद्दे उपस्थित केले जात आहेत.

लेखापरीक्षकांच्या दोषांची व त्रुटींवर चाचणी लेखापरीक्षकांनी काम करणे अपेक्षित आहे, असे मुद्दे याचिकाकर्त्या संचालकांच्या वकिलांनी न्यायालयात उपस्थित केले आहेत. या मुद्यांवर चाचणी लेखापरीक्षकांना त्यांची बाजू सरकारी वकिलामार्फत न्यायालयात मांडावी लागेल.  

या याचिकेवरील पुढील सुनावणीची तारीख अद्याप जाहीर करण्यात आली नाही. माजी संचालक व अधिकाऱ्यांनी न्यायालयात धाव घेतल्याने लोकसभा निवडणुकीत माजी पदाधिकाऱ्यांना तूर्तास दिलासा मिळाला आहे. बॅंकेच्या तत्कालीन संचालकांवर कारवाईसाठी सहकार विभाग पुढाकर घेत आहे. तोच विविध तांत्रिक मुद्‌द्यांच्या आधारे संबंधित संचालक मात्र न्यायालयात याचिका दाखल करून सुनावण्या पुढे ढकलण्याचे काम करत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com