‘इसापूर’चे पहिले आवर्तन शुक्रवारपासून

नांदेड: ऊर्ध्व पैनगंगा प्रकल्प इसापूरमधून रब्बीसाठी प्रथम पाणीपाळी २७ नोव्हेंबर रोजी सोडण्याचे नियोजन करण्यात आले आहे.
The first rotation of 'Isapur' from Friday
The first rotation of 'Isapur' from Friday

नांदेड : ऊर्ध्व पैनगंगा प्रकल्प इसापूरमधून रब्बीसाठी प्रथम पाणीपाळी २७ नोव्हेंबर रोजी सोडण्याचे नियोजन करण्यात आले आहे. रब्बी हंगामातील उर्वरित दोन पाणीपाळ्या व उन्हाळी हंगामातील चार पाणीपाळ्याचे नियोजन आचारसंहिता संपल्यानंतर कालवा सल्लागार समितीच्या बैठकीत ठरणार आहे’’, अशी माहिती नांदेड पाटबंधारे विभागाकडून देण्यात आली.

ऊर्ध्व पैनगंगा प्रकल्प इसापूरमधून रब्बी व उन्हाळी हंगाम २०२० -२१ मधील उपलब्ध साठ्यानुसार पाणीपाळ्याच्या नियोजनाबाबत जिल्हाधिकारी डॉ. विपिन यांच्या अध्यक्षतेखाली १९ नोव्हेंबर रोजी कालवा सल्लागार समितीच्या सर्व शासकीय सदस्यांची बैठक दृकश्राव्य माध्यमाद्वारे (VC) झाली. 

या बैठकीमध्ये सिंचनासाठी रब्बी हंगाम सन २०२० - २१ मधील प्रथम पाणीपाळी २७ नोव्हेंबर रोजी सोडण्याचे नियोजन करण्यात आले. रब्बी हंगामातील उर्वरित दोन पाणीपाळ्या व उन्हाळी हंगामातील चार पाणीपाळ्या सोडण्याबाबतचा अंतिम निर्णय कालवा सल्लागार समितीच्या बैठकीमध्ये घेण्यात येईल, असे ऊर्ध्व पैनगंगा प्रकल्प विभागाचे (क्रमांक एक) उपकार्यकारी अभियंता, ए. एच. गोकुळे यांनी कळविले.

पाण्याचे नियोजन ठरल्याने शेतकरी रब्बी हंगामाच्या नियोजनाला लागले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com