agriculture news in Marathi, five lac people affected by flood, Maharashtra | Agrowon

पुरामुळे पाच लाख बाधित; मदतीचा ओघ सुरूच

टीम अॅग्रोवन
बुधवार, 14 ऑगस्ट 2019

पुणे : पूरग्रस्तांसाठी राज्य शासनाने सांगली व कोल्हापूरला उघडलेल्या संक्रमण शिबिरांकडे मदतीचा ओघ सुरू झाला असून, कोल्हापुरात २१० शिबिरांमध्ये ७३ हजार ४८९ लोकांची सोय करण्यात आली आहे. गेल्या दहा दिवसांत आतापर्यंत पुरामुळे पाच लाख लोकांना घरे सोडावी लागली आहेत. कोल्हापूर जिल्ह्यात तीन लाख ३६ हजार, तर सांगलीतील एक लाख ७४ हजार नागरिकांना घरे सोडावी लागली.

पुणे : पूरग्रस्तांसाठी राज्य शासनाने सांगली व कोल्हापूरला उघडलेल्या संक्रमण शिबिरांकडे मदतीचा ओघ सुरू झाला असून, कोल्हापुरात २१० शिबिरांमध्ये ७३ हजार ४८९ लोकांची सोय करण्यात आली आहे. गेल्या दहा दिवसांत आतापर्यंत पुरामुळे पाच लाख लोकांना घरे सोडावी लागली आहेत. कोल्हापूर जिल्ह्यात तीन लाख ३६ हजार, तर सांगलीतील एक लाख ७४ हजार नागरिकांना घरे सोडावी लागली.

कोल्हापूर जिल्ह्यात तीन लाख ३६ हजार, तर सांगलीतील एक लाख ७४ हजार नागरिकांना घरे सोडावी लागली. हा आकडा केवळ सरकारने सुरक्षित हलविलेल्या नागरिकांचा असून, या व्यतिरिक्त आपापल्या स्तरावर घरे सोडून नातेवाईक किंवा इतरत्र निवारा घेतलेल्या नागरिकांची संख्या किमान दहा लाखांच्या पुढे असावी, असा अंदाज व्यक्त केला जात आहे. 

अालमट्टी धरणातून मंगळवारी सकाळी सहा लाख ११ हजार क्युसेक पाणी सोडले जात होते. धरणात पाण्याचा येवा (इनफ्लो) मात्र पाच लाख ७० हजार होता. ११० टीएमसी इतकी पूर्ण संचय पातळी असलेल्या अालमट्टीत सध्या ९२ टीएमसी पाणी आहे. कोयनेतून पाण्याचा विसर्ग सकाळी कमी होत ३५ हजार क्युसेकने सुरू होता. सांगलीत कृष्णेची पाण्याची पातळी दुपारनंतर ओसरून ५४२ मीटरपर्यंत आली. तेथे धोक्याची पातळी ५४३ मीटर असून, कृष्णा प्रथमच शांत होत असल्याचे पाहून प्रशासनाने सुटकेचा निःश्‍वास टाकला. पूरग्रस्तांना मदत वाटण्यासाठी प्रशासकीय यंत्रणेने वेग घेतला आहे.

मात्र समान पद्धतीने वाटप होण्यासाठी कोणत्याही संस्थांना परस्पर मदत वाटप करू, असे आवाहन महसूल विभागाने केले आहे. विभागीय आयुक्त डॉ. दीपक म्हैसेकर यांच्या म्हणण्यानुसार, गरजूंना समान पद्धतीने वाटप करणे, तसेच कोणताही पूरग्रस्त मदतीपासून वंचित राहणार नाही याची काळजी घेणे असे मुख्य मुद्दे मदत वाटपात आहेत. त्यामुळे दानशूर व्यक्ती व स्वयंसेवी संस्थेने परस्पर मदत साहित्य वाटप न करता आमच्या यंत्रणेमार्फत देणे अत्यावश्यक आहे. त्यामुळे योग्य ठिकाणी तातडीने मदत पोचू शकले.  पूरग्रस्तांची मदत संकलित करण्यासाठी पुण्याच्या विभागीय आयुक्त कार्यालयात स्वतंत्र कक्ष उघडण्यात आला आहे.

त्यासाठी उपजिल्हाधिकारी श्रीमती अस्मिता मोरे (संपर्क ८४१२०७७८९९ आणि तहसीलदार विकास भालेराव (८००७५३३१४४) यांना जबाबदारी देण्यात आली आहे. याशिवाय सांगलीसाठी जिल्हा पुरवठा अधिकारी वसुंधरा बारवे (९३०७८३९९१०) कोल्हापूरला राणी ताटे (९६२३३८९६७३) व उपमुख्य कार्यकारी अधिकारी रविकांत अडसूळ (९९२३००९४४४), तर सातारा भागासाठीस्नेहा किसवे ( ९६०४१४६१८६) यांची नियुक्ती करण्यात आली आहे.

पंचनाम्यासाठी जाणकारांची मदत घ्या ः परदेशी
पूरबाधित घरांच्या परीक्षणासाठी आणि पंचनाम्यासाठी बांधकाम अभियांत्रिकी क्षेत्रातील जाणकार व्यक्तींची मदत घ्यावी. पूरबाधित मदतीपासून वंचित राहू नये, याची दक्षता घ्यावी. त्यासाठी मालमत्ता नोंदवही किंवा ८ अ उताऱ्यावरील नोंदीसमवेत खातरजमा करून घ्यावी. तसेच, पंतप्रधान नरेंद्र मोदी यांच्या सर्वांना घरे या धोरणानुसार अनधिकृत घरांच्या पूरबाधितांनाही समाविष्ट करून घ्यावे. हे काम जास्तीत जास्त ३ आठवड्यांत पूर्ण करावे. पूरबाधित लोकांना ज्यांची घरे वारंवार पूरबाधित होतात, त्यांना अन्यत्र ठिकाणी निवारा उपलब्ध करून देणे, पक्क्या घरांच्या पुनर्बांधणीसाठी निधी देणे आणि ज्यांची घरे कच्ची आहेत, त्यांना नवीन घरांसाठी निधी देण्याचा प्रस्ताव आहे, अशी माहिती आयुक्त प्रवीण परदेशी यांनी दिली.


इतर अॅग्रो विशेष
सर्वाधिक दर मोजक्याच कांद्यालानगर ः वाढलेल्या कांदादराचा गेल्या महिनाभरापासून...
पशुखाद्य दर गगणाला भिडलेसांगली ः दुष्काळ व अतिवृष्टीचा फटका पशुखाद्य...
शेवंतीचे तीन वाण लवकरच पुणेः शेतकऱ्यांना शेवंतीच्या पांरपरिक वाणांना...
उत्तर प्रदेशात ‘एसएपी’त बदल नाहीनवी दिल्ली: उत्तर प्रदेश सरकारने सलग दुसऱ्या...
उसाचे ३८ गुंठ्यांत तब्बल १४७ टन उत्पादनकोल्हापूर जिल्ह्यातील कवठेगुलंद (ता. शिरोळ) येथील...
कमी कालावधीचा दोडका देतोय चांगला नफागेल्या दोन, तीन महिन्यांत झालेल्या पावसामुळे पुणे...
तापमानात चढ-उतारपुणे ः अरबी समुद्राच्या आग्नेय भागात असलेले कमी...
जीवघेणा बाजारदेशात बोगस, भेसळयुक्त, अनधिकृत कीडनाशकांचा वापर...
मत्स्यदुष्काळ का जाहीर होत नाही?शासनाचे मत्स्यदुष्काळाबाबतचे धोरण अत्यंत चुकीचे...
धुळे ९.४ अंश; थंडीत हळूहळू वाढपुणे ः आकाश निरभ्र झाल्याने थंडीत हळूहळू वाढ होऊ...
साईप्रवरा शेतकरी कंपनीची उलाढाल पोचली...नगर जिल्ह्यातील चिंचोली (ता. राहुरी) परिसरातील...
उन्हाळी नाचणी लागवडीचा यशस्वी प्रयोगकोल्हापूर : राज्यात उन्हाळी नाचणीचे यशस्वी...
बाजारात रानमेवा खातोय भावअकोला ः गुलाबी थंडीची चाहूल लागताच बाजारात विविध...
बोगस कीडनाशकांची विक्री ४००० कोटींवर ! पुणे : देशातील शेतकऱ्यांचे उत्पन्न दीडपट...
शेतकऱ्यांचा त्रास कमी करण्यासाठी ‘...सोलापूर : ठाकरे सरकारकडून किचकट ऑनलाइन...
राज्यातील साखर उत्पादन घटणारपुणे: राज्यातील साखर उत्पादन आधीच्या अंदाजाच्या...
भविष्यात देशी कपाशीला गतवैभव प्राप्त...परभणी: देशी कपाशीचे वाण रसशोषण करणाऱ्या किडीसाठी...
नुकसानग्रस्त शेतकऱ्यांसाठी २२७ कोटी...मुंबई: राज्यात जुलै ते ऑक्टोबर दरम्यान...
बेदाणा दरात वाढीचे संकेतसांगली ः दिवाळीनंतर बेदाण्याचे सौदे सुरु झाले...
पीकविमा कंपन्यांच्या नफेखोरीला चाप लावा...पुणे: कृषी विभागाच्या कामकाजाची माहिती...