agriculture news in Marathi flood condition decreasing in Ratnagiri Maharashtra | Page 3 ||| Agrowon

रत्नागिरीत पूर ओसरला, सावरण्याची धडपड सुरू 

टीम अॅग्रोवन
सोमवार, 26 जुलै 2021

 जिल्ह्यात पावसाचा जोर ओसरला असून पूर, दरड कोसळल्यामुळे विस्कळीत झालेले जनजीवन पूर्वपदावर येऊ लागले आहे. 

रत्नागिरी : जिल्ह्यात पावसाचा जोर ओसरला असून पूर, दरड कोसळल्यामुळे विस्कळीत झालेले जनजीवन पूर्वपदावर येऊ लागले आहे. खेड तालुक्यातील पोसरेत अजूनही पंधरा जण गाडले गेल्याची शक्यता आहे. एनडीआरएफच्या पथकाकडून शोध मोहीम सुरू आहे. तसेच चिपळूण शहरातील घरांसह दुकानांमध्ये साचलेला चिखल साफ करण्यासाठी यंत्रणा कामाला लागली आहे. 

खेड, चिपळूण, संगमेश्‍वर, रत्नागिरी, राजापुरातील पूरस्थिती नियंत्रणात आली आहे. खेड तालुक्यातील पोसरे येथे सात घरांवर दरड कोसळून १७ जण गाडले गेले होते. त्यातील दोन जणांचे मृतदेह एनडीआरएफच्या पथकाला सापडले आहेत. अन्य पंधरा जणांचा शोध घेण्याचे काम युद्धपातळीवर सुरू आहे. नदी किनारी भागातील शेकडो एकर भातशेतीचे नुकसान झाले आहे. रत्नागिरी, कोल्हापूर मार्गावरील आंबा घाटात दरड कोसळली असून रस्ता खचला आहे. पावसाच्या पाण्याबरोबर माती व दगड रस्त्यावर आल्यामुळे दोन वाहतूक खंडित झाली आहे. सार्वजनिक बांधकाम विभागाकडून वाहतूक सुरळीत करण्याचे काम युद्धपातळीवर प्रयत्न सुरू आहेत. वाहतूक बंद राहिल्यामुळे भाजीपाल्यास इंधनाचा तुडवडा रत्नागिरीत जाणवत होता. 

मुंबई - गोवा महामार्गावरील वासिष्ठी, एनरॉन पुलासह पशुराम घाटही खचला आहे. त्यामुळे वाहतुकीला ब्रेक लागला आहे. पशुराम घाटात पर्यायी मार्ग तयार करून एकेरी वाहतूक सुरू केली आहे. मात्र अवजड वाहतूक बंद ठेवण्यात आली आहे. रत्नागिरी-कोल्हापूर महामार्गावरील वाहतूक अजूनही बंदच आहे. आंबा घाटातील दरड काढण्यासाठी अजून एक दिवस लागेल असे प्रशासनाकडून सांगण्यात आले. त्यामुळे कोल्हापूरसह पश्‍चिम महाराष्ट्रातून येणाऱ्या भाजीपाला, दूध यासह पेट्रोल-डिझेलचा तुटवडा रत्नागिरीत जाणवत आहे. संगमेश्‍वर तालुक्यातील ओझरे येथे दरड कोसळून एका शेतकऱ्यांचा गोठा उद्‌ध्वस्त झाला. त्यातील चार जनावरे मृत पावली आहेत. यामध्ये दोन लाखांचे नुकसान झाले आहे. 

पिकांना फटका 
राजापूर तालुक्यातून अर्जुना-कोदवली नद्यांसह शुक नदीला आलेल्या पुराने भातशेतीचे नुकसान झाले. भातशेती कुजून गेली असून, पुराने आलेल्या गाळाच्या थरासह शेतात रोपांचे केवळ बुंधे दिसत आहेत. काही भागांमध्ये काही दिवसांपूर्वी लावणी केलेली रोपे पुराच्या पाण्यासोबत वाहून गेली आहेत. तालुक्यातील चौदा गावांतील २२६ शेतकरी बाधित झाले असून, सुमारे ४८.२७ हेक्टर क्षेत्रातील भातशेतीसह नारळ बागायतींचे नुकसान झाल्याचा अंदाज आहे. रत्नागिरी तालुक्यातील ४० हेक्टर भातशेतीचे नुकसान झाले आहे. 
 


इतर बातम्या
नांदेड जिल्ह्यात नुकसानग्रस्त...नांदेड : जिल्ह्यात जुले, ऑगस्ट व सप्टेंबरमध्ये...
जळगावातील धरणांत ८० टक्के उपयुक्त...जळगाव ः जिल्ह्यात पावसाने आतापर्यंत लावलेल्या...
ऊसबिलाचे तुकडे पाडू  दिले जाणार नाहीत...सातारा : ऊसबिलाचे तुकडे पाडू दिले जाणार नाहीत,...
'लासलगाव'च्या कांद्याला टपाल पाकिटावर...नाशिक : कांदा पिकासाठी लासलगाव परिसराची राष्ट्रीय...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
मराठवाड्यात शेतीपिकांची पुन्हा दैनाऔरंगाबाद : मराठवाड्यात पुन्हा एकदा मंगळवारपासून (...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
कापूस खरेदी नोव्हेंबरच्या पहिल्या...मुंबई : राज्यातील हंगाम २०२१-२२मधील शासकीय कापूस...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
मराठवाड्यात पाऊस उठला पिकांच्या मुळावरऔरंगाबाद : आधी पावसाचा लहरीपणा आणि आता अतिपावसाने...
विदर्भात सोयाबीनला फुटले कोंब नागपूर : संततधार तसेच काही भागांत झालेल्या...
‘पीएम किसान’, ‘ई-पीक’चा तिढा सुटलापुणे ः महसूल व कृषी खात्यात तयार झालेल्या...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...