agriculture news in marathi, flood condition lowers in kolhapur district | Agrowon

कोल्हापूरमध्ये पुरात घट, धरणातून विसर्ग सुरूच; बचावकार्य थांबविले

टीम अॅग्रोवन
गुरुवार, 15 ऑगस्ट 2019

कोल्हापूर  : जिल्ह्यातील पुराची परिस्थिती ओसरेल, तसा स्वच्छता मोहिमेने वेग घेतला आहे. शिरोळ, हातकणंगले तालुक्‍यांतील अजूनही बऱ्याच गावांचा रस्ता संपर्क पूर्ववत झाला नाही. परिणामी विविध शाळांमध्ये या भागातील पूरग्रस्त अद्यापही थांबूनच आहेत. कोल्हापूर शहरातील पुराच्या पाण्याने वेढलेला भाग बहुतांशी ठिकाणी मुक्त झाला. यामुळे शहरात सफाई मोहिमेने वेग घेतला आहे.

कोल्हापूर  : जिल्ह्यातील पुराची परिस्थिती ओसरेल, तसा स्वच्छता मोहिमेने वेग घेतला आहे. शिरोळ, हातकणंगले तालुक्‍यांतील अजूनही बऱ्याच गावांचा रस्ता संपर्क पूर्ववत झाला नाही. परिणामी विविध शाळांमध्ये या भागातील पूरग्रस्त अद्यापही थांबूनच आहेत. कोल्हापूर शहरातील पुराच्या पाण्याने वेढलेला भाग बहुतांशी ठिकाणी मुक्त झाला. यामुळे शहरात सफाई मोहिमेने वेग घेतला आहे.

जिल्ह्यात मात्र अद्याप संमिश्र स्थिती असून, पूरग्रस्तांच्या समस्या तातडीने कमी होण्याची शक्‍यता नसल्याचे चित्र आहे. ज्या गावाचे मार्ग अद्याप बंद आहेत, त्या गावात स्थानिक होड्यांमार्फत गावातील लोकांना अन्न पुरविण्याचे काम सुरू होते. जिल्ह्यातील धरणांचा विसर्ग अजूनही कमी झाला नाही. परंतु पाऊस नसल्याने पुराचे पाणी ओसरत असल्याचे चित्र आहे. पाणी ओसरत असल्याने बचावकार्य थांबविण्यात आले आहे. तसेच हवाई मदतही थांबविण्यात आली आहे. मदतीसाठी आलेले जवान मुख्यालयाच्या ठिकाणी परतत आहेत.

बुधवारी दुपारी बारा वाजेपर्यंतच्या आकडेवारीनुसार राधानगरी धारणातून १४०० क्‍युसेक पाण्याचा विसर्ग सुरू आहे. कोयना धरणामधून २७,०१७ क्‍युसेक पाण्याचा विसर्ग करण्यात आला आहे, अशी माहिती पूर नियंत्रण कक्षाचे समन्वय अधिकारी एस. एम. शिंदे यांनी दिली.

पंचगंगा नदीची राजाराम बंधाऱ्याजवळील पाणीपातळी बुधवारी (ता. १४) दुपारी बारा वाजता ४३ फूट होती. एकूण ५३ बंधारे पाण्याखाली गेले आहेत. जिल्ह्यात पूर परिस्थितीनंतर राज्यभरातून मदतीचा ओघ सुरूच असून, तालुक्‍याच्या मुख्यालयामध्ये मदत संकलित करून घेतली जात आहे. अन्न व जीवनावश्‍यक वस्तू थेट पूरग्रस्तांनी आश्रय घेतलेल्या ठिकाणी देण्यात येत आहेत. अनेक गावांनी वस्तू एकत्रित ठेवून पूरग्रस्त घराकडे जाताना त्यांना मदत देण्याचे नियोजन केले आहे. पूर ओसरेल तसे घरांच्या पडझडींचे प्रमाण वाढत आहे.

यामुळे आसरा कुठे घ्यायचा या विवंचनेत पूरग्रस्त आहेत. अनेक जण घरांची पडझड होत असल्याने पाहुण्यांच्या घरी काही दिवसांकरिता जात असल्याचे चित्र गावागावांत आहे. शासनाच्या वतीने प्रतिकुटुंब ५००० रुपयांच्या तातडीच्या मदत देण्यास मंगळवारपासून प्रारंभ करण्यात आला. गावागावामध्ये अनेक स्वयंसेवी संस्था, ग्रामपंचायती यांच्यामार्फत जंतुनाशक औषधांची फवारणी करून पाणी आलेली ठिकाणे स्वच्छ करण्याचे प्रयत्न सुरू आहेत. काही मंडळांनीही पुढाकार घेऊन स्वच्छता मोहीम राबविण्याचे काम सुरू केले आहे. शेतातून पाणी गेले असले तरी, अद्याप शेतात जाणे शक्‍य नसल्याने शेतीच्या दुरुस्तीची कामे सुरू होण्यास अद्याप दहा ते बारा दिवसांचा कालावधी लागण्याची शक्‍यता आहे. बस वाहतूकही अंदाज घेऊनच सुरू करण्यात येत आहे.

यंदाच्या स्वातंत्र्यदिनी शाळांत पूरग्रस्तांचीच उपस्थिती
जिल्ह्यातील अनेक शाळा पूरग्रस्तांनी भरून गेल्या आहेत. यामुळे शाळांनाही गेले आठवडाभर सुटी देण्यात आली. उद्या (गुरुवार, ता. १५) साजरा होणारा स्वातंत्र्य दिन आता पूरग्रस्तांसोबत शाळांना साजरा करावा लागणार आहे. सुट्या असल्याने स्वातंत्र्य दिनादिवशी होणारे सांस्कृतिक कार्यक्रम अनेक शाळांनी रद्द केले असून, साध्या पद्धतीने ध्वजवंदन कार्यक्रम होणार आहेत.

 


इतर अॅग्रो विशेष
पोपटराव पवार, राहिबाई पोपेरे यांना...नवी दिल्ली : केंद्र सरकारकडून शनिवारी (ता. २५)...
कोयना धरणाच्या पोटात होणार आणखी एक धरणकोयनानगर, जि. सातारा ः येथील कोयना धरणाची...
मराठवाड्यातील चार जिल्ह्यांत केवळ १४...औरंगाबाद : संकटांशी दोन हात करून आपली शेती जिवंत...
खानदेशात रब्बीत अत्यल्प पीक कर्जवाटपजळगाव ः खानदेशात रब्बी हंगामातील पेरण्या जवळपास...
वटवाघळांचा मोर्चा आता द्राक्ष बागांकडेपुणे: वटवाघळांची वस्तीस्थाने आणि अधिवास...
गटाने तयार केला `कोकणरत्न' ब्रॅंडकुर्धे (जि. रत्नागिरी) गावातील श्री नवलाई देवी...
रासायनिक अवशेषमुक्त शेती हेच भवितव्य:...नाशिक : रासायनिक खते व कीटकनाशकांच्या...
विदर्भ, कोकणात उद्यापासून पावसाचा अंदाजपुणे : राज्याच्या किमान तापमानात चढ-उतार सुरूच...
कौशल्य, कृषी, उद्योग विभाग देतील...परभणी: पंतप्रधान कौशल्य विकास योजना आणि...
शेतकरीविरोधी कायद्यांबाबत सहा महिन्यांत...पुणे : शेतकरी आत्महत्यांना पूरक ठरणारे कायदे रद्द...
राज्यातील बाजार समित्या निवडणुका पुढे...पुणे: ज्या बाजार समित्यांच्या निवडणुका...
अण्णासाहेब पाटील महामंडळाने १०००...नगर : अण्णासाहेब पाटील आर्थिक मागास विकास...
शेती, जलसंधारण अन् शिक्षणाचा घेतला वसामांडाखळी (जि. परभणी) येथील मातोश्री जिजाऊ ग्राम...
रेशीम संजीवनीरेशीम उद्योगाचा विस्तार व विकास करण्याच्या...
ऑनलाइन बॅंकिंग करताय, सावधान!आधुनिक युगात विज्ञानामुळे नवनवीन शोधांमुळे मानव...
‘पोकरा’मध्ये अखेर जबाबदाऱ्यांचे विभाजनअकोला ः पोकरा प्रकल्पाच्या अंमलबजावणीत कृषी...
कृत्रिम रेतन नियंत्रण कायदा कधी? पुणे: पशुधनाच्या आरोग्याला घातक असलेली सध्याची...
किमान तापमानात होतेय घटपुणे : गेल्या काही दिवसांपासून गायब झालेली थंडी...
सात-बारा कोरा करण्याची सुबुद्धी सरकारला...पंढरपूर, जि. सोलापूर: विधानसभा...
सरकारी पीकविमा कंपनी हवी : शेतकरी...नागपूर ः खासगी कंपन्या तयार नसतील तर केंद्राने...