agriculture news in Marathi, flood conditon remain same and in Kolhapur steady falling, Maharashtra | Agrowon

गडचिरोलीत पूरस्थिती कायम; कोल्हापुरात संथ गतीने घट

टीम अॅग्रोवन
गुरुवार, 12 सप्टेंबर 2019

नागपूर/कोल्हापूर ः मध्य प्रदेशात पावसाचा जोर कायम असल्यामुळे पूर्व विदर्भातील गडचिरोली, भंडारा जिल्ह्यांत पूर परिस्थिती तिसऱ्या दिवशीदेखील कायम होती. गोंदिया जिल्ह्यात मंगळवारी पूर ओसरला. मात्र १२०० हेक्‍टरवरील पिकांचे नुकसान झाल्याचा अंदाज वर्तविला जात आहे. तर, कोल्हापूर जिल्ह्यात गेल्या दोन दिवसांपासून पाऊस थांबल्याने नद्यांचे पाणी संथ गतीने ओसरण्यास सुरवात झाली आहे. पाणी ओसरण्याची गती संथ असली तरी, पुढील कालावधीत पाणी जलद ओसरेल, असा अंदाज जलसंपदा विभागाने व्यक्त केला.

नागपूर/कोल्हापूर ः मध्य प्रदेशात पावसाचा जोर कायम असल्यामुळे पूर्व विदर्भातील गडचिरोली, भंडारा जिल्ह्यांत पूर परिस्थिती तिसऱ्या दिवशीदेखील कायम होती. गोंदिया जिल्ह्यात मंगळवारी पूर ओसरला. मात्र १२०० हेक्‍टरवरील पिकांचे नुकसान झाल्याचा अंदाज वर्तविला जात आहे. तर, कोल्हापूर जिल्ह्यात गेल्या दोन दिवसांपासून पाऊस थांबल्याने नद्यांचे पाणी संथ गतीने ओसरण्यास सुरवात झाली आहे. पाणी ओसरण्याची गती संथ असली तरी, पुढील कालावधीत पाणी जलद ओसरेल, असा अंदाज जलसंपदा विभागाने व्यक्त केला.

भंडारा जिल्ह्यात नद्यांच्या पाण्याची पातळी कमी झाल्याने जिल्ह्यात सर्वदूर रस्ते वाहतुकीसाठी खुले करण्यात आले आहेत. परंतु मध्य प्रदेशात पावसाची संततधार सुरू असल्याने जिल्हाधिकारी डॉ. नरेश गिते यांनी सर्वच विभागांना सतर्क राहण्याचे आदेश दिले आहे. जिल्ह्यात पूर परिस्थितीच्या पार्श्‍वभूमीवर हाय अलर्ट जारी करण्यात आला असून बोट व इतर आधुनिक साहित्य सज्ज ठेवण्याचे निर्देश देण्यात आले आहेत.

गडचिरोली जिल्ह्याच्या भामरागड तालुक्‍याचा संपर्क तिसऱ्या दिवशीदेखील जिल्हा मुख्यालयापासून तुटलेला होता. जिल्ह्यातील नद्या तिसऱ्या दिवशीदेखील ओव्हरफ्लो वाहत होत्या. त्यामुळे गेल्या तीन दिवसांपासून सर्वच रस्ते वाहतुकीसाठी बंद आहेत. त्याचा फटका येथील सामान्य नागरिकांना बसत आहे. 

बुधवारी (ता. ११) सकाळी आठ वाजता संपलेल्या चोवीस तासांत कोल्हापूर जिल्ह्यातील गगनबावड्यात सर्वाधिक ५१ मि. मी. पाऊस झाला. कोयनेतून २०५३२ क्युसेकने विसर्ग सुरू आहे. तर अलमट्टीमधून ७१७४१ पाण्याचा विसर्ग सुरू आहे. दुपारी दोन वाजता राजाराम बंधारा येथील पंचगंगेची पातळी ४० फुटावरून ३८.११ फूट इंचापर्यंत खाली आली. जिल्ह्यातील बंधारेही हळूहळू मोकळे होत असून दुपारपर्यंत ३४ बंधारे पाण्याखाली होते. राधानगरी धरणाचे सर्व दरवाजे बंद झाल्याने भोगावती नदीत होणारा विसर्ग थांबला आहे. 

बुधवारी दिवसभरही या भागात फारसा पाऊस नसल्याने नद्यांच्या पाण्याची वाढ थांबली असल्याचे राधानगरी धरणाच्या सूत्रांनी सांगितले. कोयना धरणाचा विसर्ग वीस हजारावर आणण्यात आला आहे. पाऊस पूर्ण थांबला असला तरी पावसाव्यतिरिक्त इतर स्रोतातून काही प्रमाणात पाणी धरणात येत असल्याने लेव्हल ठेवण्यासाठी पुढील दोन दिवस तरी कोयनेतून विसर्ग संपूर्ण बंद करण्यात येणार नसल्याचे पाटबंधारे विभागाच्या सूत्रांनी सांगितले. 

कोयनेच्या विसर्गात कपात केल्याने त्याचा सकारात्मक परिणाम कृष्णेची पाणी पातळी कमी होण्यावर होत आहे. संथगतीने कृष्णेची पातळी कमी होत आहे. यामुळे कोल्हापूर व सांगली जिल्ह्याच्या कृष्णा काठावरील गावांना दिलासा मिळाला आहे. महाराष्ट्रातून जाणारे पाणी कमी झाल्याने आलमट्टी धरणानेही विसर्गात घट केली. धरणक्षेत्राबराबर कोल्हापूर जिल्ह्यात बहुतांशी ठिकाणी ढगाळ हवामान व सुर्यप्रकाश असे वातावरण राहिले. यामुळे पुराचे पाणी पुढील दोन दिवसात जलद गतीने कमी होइल असा अंदाज प्रशासनाने व्यक्त केला आहे. 

गोंदिया जिल्ह्यात १२०० हे. नुकसान
गोंदिया आणि तिरोडा तालुक्‍यात नद्यांना पूर आल्याने त्यालगत असलेल्या शेतांमध्ये पाणी शिरले. पुरामुळे दोन्ही तालुक्‍यांत सुमारे ११ गावांमधील १२०० हेक्‍टर पिकांचे नुकसान झाल्याचा प्राथमिक अंदाज वर्तविण्यात येत आहे. गोंदिया जिल्ह्यात सध्या पूर ओसरला असून सर्वच रस्ते वाहतुकीसाठी खुले करण्यात आले आहेत.

राज्यातील प्रमुख धरणांतून होणारा विसर्ग 

गोसी खुर्द  १० हजार ०७४
कोयना   २० हजार ५३२
मुळशी  ५ हजार १३० 
उजनी  १० हजार 
वीर   १३ हजार ९६१ 
भाटघर   ४ हजार १००
वारणा  ४ हजार ५५१
दारणा   १० हजार ३८४

 


इतर बातम्या
गोरेगाव आणि देगावांतील शेतकऱ्यांच्या...अकोला  ः जिल्ह्यातील गोरेगाव व देगाव या दोन...
जळगाव जिल्ह्यात अर्ली केळी लागवड सुरूजळगाव  ः जिल्ह्यात यावल, रावेर, मुक्ताईनगर,...
...अखेर रुईखेड येथे हवामान केंद्र स्थापनअकोला  ः महावेध व हवामान आधारित फळपीक विमा...
चांदवड येथे शेतकरी संघटनेची कांदा परिषद...नाशिक  : केंद्रीय अन्न व नागरी पुरवठा मंत्री...
गोंदिया : नुकसानग्रस्तांचे डोळे लागले...सडक अर्जुनी, गोंदिया  ः खरीप हंगामात अवकाळी...
जळगाव : किसान सन्मानच्या लाभाची...जळगाव ः शासनाकडून राबविण्यात येणाऱ्या...
परभणी जिल्ह्यात नादुरुस्त बंधाऱ्यांमुळे...परभणी : जिल्हा परिषदेच्या लघू पाटबंधारे...
कर्जमुक्ती योजनेंतर्गत ७४६ शेतकऱ्यांचे...नाशिक : महात्मा ज्योतिराव फुले शेतकरी कर्जमुक्ती...
‘सेवा हमी'साठी मोबाईल ॲप्लिकेशन विकसितसोलापूर : ‘‘सेवा हमी हक्क कायद्याची अंलबजावणी...
किसान सभेचे बिऱ्हाड आंदोलन मागेनाशिक  : दिंडोरी तालुक्यामध्ये गेल्या अनेक...
लातूर, उस्मानाबाद जिल्ह्यात हेक्‍टरी १०...उस्मानाबाद : दोन्ही जिल्ह्यातील कापूस व तुरीची...
पाणी सोडण्याविरुद्ध रेणा प्रकल्पस्थळी...रेणापूर, जि. लातूर : भंडारवाडी (ता. रेणापूर)...
वणवा नुकसानग्रस्तांना सिंधुदुर्ग ‘झेडपी...सिंधुदुर्ग : ‘‘वणव्यामुळे नुकसान झालेल्या...
सांगलीत ‘रोहयो’तून डाळिंब लागवडीला ‘...आटपाडी, जि. सांगली : पावणे दोन वर्षांत येथील...
पुणे जिल्ह्यात हरभऱ्याला रोग-किडीचा फटकापुणे ः रब्बी हंगामात वाफसा न झाल्याने अनेक...
नगर जिल्ह्यातील अतिवृष्टीग्रस्तांना मदत...नगर ः अतिवृष्टीमुळे झालेल्या पिकांच्या नुकसानीची...
निर्यातबंदी उठविल्याचे कांदा बाजारात...नाशिक : केंद्रीय अन्न व नागरी पुरवठा मंत्री...
साडेआठशे कोटींची एफआरपी थकलीपुणे: राज्यातील साखर कारखान्यांनी ऊस उत्पादक...
पीकविम्याची रक्कम लवकरच ः कृषिमंत्री...मुंबई ः राज्यातील शेतकऱ्यांना १५ ते २० दिवसांच्या...
सातारा जिल्ह्यात अडीच महिन्यांत केवळ ४४...सातारा ः दुष्काळावर मात करण्यासाठी शासनाने सुरू...