agriculture news in marathi, flood situation in yavatmal district, maharashtra | Agrowon

जोरदार पावसामुळे दाणादाण; यवतमाळ जिल्ह्यात पूरस्थिती
टीम अॅग्रोवन
शनिवार, 18 ऑगस्ट 2018

यवतमाळ  ः जिल्ह्यात गेले दोन दिवस झालेल्या पावसाने पुरती दाणादाण उडाली आहे. आर्णी, दिग्रस तालुक्‍यांतून वाहणाऱ्या अरुणावती नदीचे पाणी अनेक गावांत शिरले आहे. त्यामुळे नदीकाठावरील गावांमधील तब्बल एक हजारांवर लोकांना प्रशासनाच्यावतीने सुरक्षितस्थळी हलविण्यात आले. पावसामुळे पिकांचे देखील मोठे नुकसान झाले असून, जिल्हाधिकाऱ्यांनी पंचनाम्याचे आदेश दिले आहेत.  

यवतमाळ  ः जिल्ह्यात गेले दोन दिवस झालेल्या पावसाने पुरती दाणादाण उडाली आहे. आर्णी, दिग्रस तालुक्‍यांतून वाहणाऱ्या अरुणावती नदीचे पाणी अनेक गावांत शिरले आहे. त्यामुळे नदीकाठावरील गावांमधील तब्बल एक हजारांवर लोकांना प्रशासनाच्यावतीने सुरक्षितस्थळी हलविण्यात आले. पावसामुळे पिकांचे देखील मोठे नुकसान झाले असून, जिल्हाधिकाऱ्यांनी पंचनाम्याचे आदेश दिले आहेत.  

यवतमाळ जिल्ह्यातील सर्वच तालुक्‍यांत अतिवृष्टी झाल्याने पूर परिस्थिती निर्माण झाली आहे. आर्णी शहरातून नांदेडकडे जाणाऱ्या दर्ग्याजवळचा मुख्य पूल पाण्याखाली गेल्यामुळे वाहतूक आठ तास ठप्प झाली होती. परिणामी, बस स्थानकावर अडकून पडलेल्या ३०० प्रवाशांच्या राहण्याची व जेवण्याची सोय तहसील कार्यालयात करण्यात आली. तहसील कार्यालयात पुरुष तर पंचायत समितीच्या सभागृहात महिलांची व्यवस्था करण्यात आली होती. रात्री तीन वाजता पाणी ओसरल्यावर वाहतूक सुरू झाली. शहरातील अनेक घरांची संततधार पावसामुळे पडझड झाली आहे. त्याच्या सर्व्हेक्षणाचे आदेश तत्काळ देण्यात आले आणि महसूलच्या दहा पथकांच्या माध्यमातून या कामाला सुरवात झाल्याची माहिती आहे.

दिग्रस तालुक्‍यात १३४.२५ मिमी पावसाची नोंद झाली. बेलोरा या गावाला पुराचा विळखा बसला होता. या गावातील ग्रामस्थांना सुरक्षितस्थळी हलविण्यासाठी मोटारबोटची व्यवस्था करण्यात आली. परंतु, पाणी ओसरल्याने त्याची गरज पडली नाही. नांदगव्हाण गावात मात्र परिस्थिती गंभीर झाल्याने या गावातील ग्रामस्थांना वाशीम जिल्ह्याच्या मानोरा तालुक्‍यात आश्रय देण्यात आला. दिग्रस शहरात २१० मिमी पावसाची नोंद झाल्याने मोरणा व धावंडा या दोन नद्यांना पूर आला. १७ ऑगस्टला बाजीराव डेरे (रा. धानोरा) हे नाल्याच्या पुरात वाहून गेले. शुक्रवारी सकाळी त्यांचा मृतदेह धानोरालगतच काट्यांना अडकलेला मिळून आला.

दिग्रस तालुक्‍यातील २२ जनावरांचा पूरस्थितीमुळे मृत्यू झाला. दारव्हा तालुक्‍यातील तेलगव्हाण येथे पाझर तलाव फुटल्याने शेतीचे मोठे नुकसान झाले. दिग्रस तालुक्‍यात विठाळी, वरंदळी, कांळदी, बेलोरा, हरसूल, कलगाव, रोहणा देवी, चीजकुटा या भागात पुराच्या पाण्यामुळे घरांचे आणि शेतीचे नुकसान झाले.

जिल्ह्यात पूरस्थिती गंभीर झाल्याने जिल्हाधिकारी डॉ. राजेश देशमुख यांनी रात्री आपत्ती निवारण कक्षाला भेट दिली. या वेळी अरुणावती धरणाची पाणीपातळी झपाट्याने वाढत असल्याचे सांगण्यात आले. केवळ ३६ टक्‍के भरलेल्या या धरणाची पातळी थेट ७६ टक्‍केवर पोचली. ऑगस्ट महिन्यात या धरणात पाणीसाठ्याची मर्यादा ८४.९१ टक्‍के आहे. त्यामुळे अरुणावती धरणाचे दरवाजे केव्हाही उघडावे लागण्याची शक्‍यता पाटबंधारे विभागाकडून वर्तविली गेली आहे.

इतर ताज्या घडामोडी
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...
राज्यातील ३४ जिल्हा परिषद अध्यक्षपदाची...मुंबई ः राज्यातील ३४ जिल्हा परिषद अध्यक्षपदाची...
भारत 'या' देशाला देणार कापूस...नागपूर ः मुस्लिम बहूल असलेल्या अझरबैजान देशातील...
कांदा घेऊन जाणाऱ्या ट्रक ड्रायव्हरची...नाशिक : परराज्यांत होणाऱ्या कांद्याच्या...
हमीभाव खरेदी केंद्रावर आली वजनकाटे...अकोला ः शासनाने या हंगामात सुरु केलेल्या आधारभूत...
मराठवाड्यात रब्बी पेरणीला मिळेना गती लातूर : मराठवाड्यातील रब्बी पेरणीची गती...
परभणी जिल्ह्यात कापूस वेचणीसाठी...परभणी : जिल्ह्यात यंदाच्या हंगामात सद्य:स्थितीत...
अरुणा प्रकल्पग्रस्तांनी मांडले...सिंधुदुर्ग : आयुक्त कार्यालयावर ‘दे धडक बेधडक’...
पाण्याच्या निचऱ्यासाठी गादीवाफ्यावर धान...भंडारा ः‘पावसाच्या पाण्याचा योग्य निचरा...
अस्मानीमुळे नुकसान सोसवेना, चालविली...नाशिक : अगदी प्रतिकूल परिस्थितीत भांडवल जमा करून...
अचूक सांख्यिकीमुळे शेती उत्पन्न वाढविणे...नवी दिल्ली: बदलत्या हवामानाच्या आव्हानावर...
पुणे जिल्हा परिषदेत येणार ‘महिला राज’पुणे  : जिल्हा परिषदेच्या नवीन अध्यक्ष...
पुणे बाजार समितीत रताळ्यांची २० टन आवक...पुणे  ःकार्तिकी एकादशीनिमित्ताने पुणे बाजार...
कशामुळे घटले साताऱ्यातील स्ट्राॅबेरीचे...सातारा  ः जिल्ह्यात अतिपावसाचा फटका...
साताऱ्यात पुढील वर्षी सहकारी संस्थांची...सातारा  : आगामी वर्ष हे सहकारातील विविध...
नगर जिल्हा परिषदेतही वाहताहेत...नगर ः राज्यात एकीकडे भाजपला सत्तेपासून दूर...
थकीत पीकविम्यासाठी किसान सभेचा पुण्यात...पुणे  ः बीडमधील शेतकऱ्यांना थकीत पीकविम्याची...
किसान सभेचे सोमवारपासून राज्यभर आंदोलन...पुणे  ः अतिवृष्टीने पिकांचे नुकसान झाले. या...
महाराष्ट्रातील राजकीय घडामोडींचे केंद्र...मुंबई  : भाजपला सत्तेपासून दूर ठेवण्यावर...
भारतीय मक्याचे पुढे काय होते ? जाणून...मका हे एक महत्त्वाचे तृणधान्य आहे. जगातील चार...