Agriculture news in marathi Flooded by political leaders Part tours should be avoided | Page 2 ||| Agrowon

राजकीय नेत्यांनी पूरग्रस्त भागांचे दौरे टाळावेत : पवार

टीम अॅग्रोवन
बुधवार, 28 जुलै 2021

राजकीय नेत्यांनी पूरग्रस्त भागाचे दौरे टाळावेत, असे आवाहन राष्ट्रवादी काँग्रेसचे अध्यक्ष शरद पवार यांनी केले आहे. पवार यांनी मुंबईतील राष्ट्रवादी भवनात मंगळवारी (ता. २६) पत्रकारांशी संवाद साधला.  

मुंबई : राजकीय नेत्यांनी पूरग्रस्त भागाचे दौरे टाळावेत, असे आवाहन राष्ट्रवादी काँग्रेसचे अध्यक्ष शरद पवार यांनी केले आहे. पवार यांनी मुंबईतील राष्ट्रवादी भवनात मंगळवारी (ता. २६) पत्रकारांशी संवाद साधला. गृहमंत्री दिलीप वळसे-पाटील, आरोग्य मंत्री राजेश टोपे उपस्थित होते. 

पवार म्हणाले, ‘‘पावसामुळे सहा जिल्ह्यांत प्रचंड नुकसान झाले आहे. येथील पूरस्थिती ओसरली आहे. राजकीय नेते दौऱ्यावर जात आहेत. पूरग्रस्त भागात दौऱ्यावर जाणे नेत्यांनी टाळावे. मुख्यमंत्री आणि उपमुख्यंत्र्यांनी परिस्थिती समजून घेण्यासाठी दौरे केलेच पाहिजेत, मुख्यमंत्री, उपमुख्यमंत्री, मंत्री यांचे दौरे लोकांना धीर देण्यासाठी महत्त्वाचे ठरतात.  शासकीय यंत्रणा, कार्यकर्ते पूरग्रस्तांसाठी मदतकार्य करत आहेत. माझे आवाहन आहे, मोठ्या नेत्यांनी दौरे करू नयेत. प्रशासकीय यंत्रणा आपल्या भोवती ठेवणे योग्य नाही. ज्यांचा त्या भागाशी संबंध नाही, त्यांनी दौरे टाळावेत. राज्यपाल पूरग्रस्त भागाच्या दौऱ्यावर आहेत. ते केंद्राकडून जास्त मिळवून देतील, अशी आशा आहे.’’ 

‘राष्ट्रवादी वेल्फेअर ट्रस्ट’कडून मदत
सहा जिल्ह्यांत जवळपास १६ हजार कुटुंबांना फटका बसला आहे. राष्ट्रवादी वेल्फेअर ट्रस्टमार्फत या १६ हजार कुटुंबांना मदत केली जणार आहे. १६ हजार कुटुंबासाठी १६ हजार किट्सचे वाटप करण्यात येणार आहे. यामध्ये भांडी, मास्क, पांघरुन आणि इतर जीवनावशक वस्तूंचा समावेश असेल. राष्ट्रवादी काँग्रेसकडून पूरग्रस्त भागात वैद्यकीय पथके पाठवली जाणार आहेत, अशी माहिती शरद पवार यांनी दिली. 

माळीणच्या धर्तीवर पुनर्वसन
अतिवृष्टीमुळे राज्यात मोठे नुकसान झाले आहे. सात जिल्हे वगळता अन्य जिल्ह्यांतही शेतीचे नुकसान झाले आहे. अतिवृष्टीमुळे नुकसान झालेल्या जिल्ह्यांना मदतीची गरज आहे. सहा जिल्ह्यांतील पूरस्थितीचा अहवाल आल्यानंतर राज्य सरकार अंतिम मदत जाहीर करेल, अशा संकटांचा सामना करण्याचा महाराष्ट्राला अनुभव आहे. माळीण गावाचे राज्य सरकारने पुनर्वसन केले आहे, त्याच पद्धतीने आताही पूरग्रस्त भागातील नागरिकांचे पुनर्वसन केले जाईल, असेही पवार म्हणाले.


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...