Agriculture news in marathi The floods in Sangli started receding | Page 2 ||| Agrowon

सांगलीतील पूर ओसरू लागला  

टीम अॅग्रोवन
मंगळवार, 27 जुलै 2021

कृष्णा नदीला आलेल्या महापुराचा सांगली शहराला मोठा फटका बसला होता. सोमवारी (ता. २६) विळखा सैल होऊ लागला आहे. पुराचे पाणी उतरू लागले आहे. 

सांगली : कृष्णा नदीला आलेल्या महापुराचा सांगली शहराला मोठा फटका बसला होता. सोमवारी (ता. २६) विळखा सैल होऊ लागला आहे. पुराचे पाणी उतरू लागले आहे. सांगलीत सकाळी नऊ वाजेपर्यंत दीड फूट पाणी उतरले आहे त्यामुळे काही परिसर आता रिकामा झाला आहे. भिलवडी येथे एक फूट पाणी पातळी उतरली आहे, त्यामुळे नागरिकांना दिलासा मिळाला आहे. 

सांगली जिल्ह्यातील कृष्णा नदीकाठचा परिसर गेल्या तीन दिवसांपासून महापुराचा बुडाला होता. आयर्विन पुलाजवळ पाणीपातळी ५५ फुटांचा जवळ पोहोचली होती, मात्र कोयना आणि वारणा धरणातून होणारा पाण्याचा विसर्ग कमी केल्याने पुराचे पाणी वाढले नाही. रविवारी (ता. २५) सकाळी अकरावाजेपासून पाणीपातळी स्थिर राहिली. त्यानंतर सायंकाळी पाचपासून हळूहळू पाणी उतरण्यास सुरुवात झाली.

जिल्ह्यातील बहे पूल रविवारी सकाळीच रिकामा झाला. त्यानंतर ताकारी पुलाजवळ हळूहळू पाणी उतरत होते. मात्र सांगली आणि भिलवडीत पाणी पातळी सुमारे पाच तास स्थिर होती. सांगलीत सोमवारी सकाळी नऊ वाजता ५३.२ इंच इतकी पाणी पातळी होती. सुमारे दीड फूट पाणी पातळी असल्यामुळे गणपती पेठ, सराफ कट्टा परिसर मोकळा झाला. मात्र त्याला एसटी स्टँड परिसर, मारुती चौक, मारुती रोड, हिराबाग कॉर्नर, स्टेशन रोड तसेच उपनगरांमध्ये अद्यापही पाणी असल्याने नागरिकांना पूर उतरण्याची अजून काहीकाळ प्रतीक्षा करावी लागणार आहे. 

दोन लाख जणांसह, ३२ हजारांहून अधिक जनावरांचे स्थलांतर 
जिल्ह्यात अतिवृष्टीमुळे पूरपट्यातील नागरिकांचे सुरक्षित ठिकाणी स्थलांतर करण्यात येत आहे. आतापर्यंत ४१ हजार ८४ कुटुंबातील १ लाख ९६ हजार ९५७ व्यक्तींचे स्थलांतर करण्यात आले आहे. तसेच लहान व मोठी, अशा एकूण ३२ हजार ३ जनावरांचेही स्थलांतर करण्यात आले आहे. अशी माहिती जिल्हाधिकारी डॉ. अभिजित चौधरी यांनी दिली. 
स्थलांतरित व्यक्तींमध्ये मिरज तालुक्यातील महानगरपालिका क्षेत्र (शहरी) १३ हजार ४४९ कुटुंबांमधील ६५ हजार १३५ व्यक्ती, मिरज ग्रामीण क्षेत्रातील १ हजार ५५ कुटुंबातील ४ हजार ४५१ व्यक्ती, अपर सांगली ग्रामीणमधील ६ हजार ६७ कुटुंबातील २४ हजार ८०६ व्यक्तींचे स्थलांतर करण्यात आले आहे.

वाळवा तालुक्यातील वाळवा क्षेत्रातील ७ हजार ९१८ कुटुंबातील ३९ हजार ५९० व्यक्तींचे तर अपर आष्टा क्षेत्रातील ३ हजार ७२४ कुटुंबातील १९ हजार ६० व्यक्तींचे स्थलांतरण करण्यात आले आहे. शिराळा तालुक्यातील १ हजार २८६ कुटुंबातील ६ हजार ५६५ व्यक्तींचे, पलूस तालुक्यातील ७ हजार ५८५ कुटुंबातील ३७ हजार ३५० व्यक्तींचे स्थलांतरण करण्यात आले आहे. 

लोकांसह जनावरांचेही स्थलांतर करण्यात आले. मिरज तालुक्यातील महानगरपालिका क्षेत्र (शहरी) २९६, मिरज ग्रामीण क्षेत्रातील ४ हजार ९५२, अपर सांगली ग्रामीण क्षेत्रातील ४ हजार १२९, वाळवा क्षेत्रातील ८ हजार १४५, अपर आष्टा क्षेत्रातील १ हजार ६७७, शिराळा तालुक्यातील ३ हजार ८१४, पलूस तालुक्यातील ८ हजार ९९० जनावरांचे स्थलांतर करण्यात आले आहे. 
 


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...