agriculture news in marathi, Focus on the strengthening of agricultural education: Singh | Agrowon

कृषी शिक्षणाच्या बळकटीकरणावर भर : कृषिमंत्री सिंह

वृत्तसेवा
मंगळवार, 5 डिसेंबर 2017

नवी दिल्ली : तंत्रज्ञानाच्या माध्यमातून जगभरात मोठा बदल होत आहे. कृषी क्षेत्रातही बदलाचे वारे वाहत असून, कालानुरूप कृषी शिक्षणाला बळकट करण्यावर भर दिला जात आहे, असे प्रतिपादन केंद्रीय कृषिमंत्री राधामोहनसिंह यांनी रविवारी (ता. 3) केले.

नवी दिल्ली : तंत्रज्ञानाच्या माध्यमातून जगभरात मोठा बदल होत आहे. कृषी क्षेत्रातही बदलाचे वारे वाहत असून, कालानुरूप कृषी शिक्षणाला बळकट करण्यावर भर दिला जात आहे, असे प्रतिपादन केंद्रीय कृषिमंत्री राधामोहनसिंह यांनी रविवारी (ता. 3) केले.

बिहारमधील डॉ. राजेंद्र प्रसाद केंद्रीय कृषी विद्यापीठात रविवारी आयोजित एका कार्यक्रमात कृषिमंत्री बोलत होते. कृषी शिक्षणाविषयी कृषिमंत्री म्हणाले, की माहिती तंत्रज्ञानाच्या अफाट वेगाने सर्व क्षेत्रांमध्ये आमूलाग्र बदल होत आहेत. शेतीही यापासून दूर राहू शकत नाही. अत्याधुनिक अवजारे, नवनवीन पद्धती आणि संगणकाद्वारे शेतीमध्येही बदलाचे वारे वाहत आहेत. याचा लाभ कृषी क्षेत्राला मिळावा म्हणून कृषी शिक्षणाचे या दृष्टीने बळकटीकरण केले पाहिजे. सरकारने ही बाब लक्षात घेऊन पाचव्या अधिष्ठाता समितीच्या अहवालातील शिफारशीनुसार कृषी शिक्षणाला व्यावसायिक दर्जा दिला आहे. तसेच नवीन, आधुनिक शेती पद्धती आणि तंत्रज्ञानाचा कृषी शिक्षणात वापर व्हावा, असाही प्रयत्न केला जात आहे.

अधिष्ठाता समितीच्या शिफारशीनुसार कृषी महाविद्यालयांमध्ये नवीन अभ्यासक्रम राबविण्याचे निर्देश देण्यात आले आहेत. कृषी पदवीधारकांचा आत्मविश्‍वास वाढविणे आणि त्यांना शेती क्षेत्रात शेतकरीहितासाठी चांगले कार्य करण्याची संधी मिळवून देण्यात येत असल्याचे सिंह यांनी स्पष्ट केले.

शाळेतील मुले आणि युवकांना कृषी शिक्षणाकडे आकर्षित करणे हे सरकारचे प्रमुख उद्दिष्ट आहे. त्यासाठी 2013-14 च्या तुलनेत अर्थसंकल्पात कृषी शिक्षणासाठी 47.4 टक्‍क्‍यांनी निधी वाढविला आहे.
-राधामोहनसिंह, केंद्रीय कृषिमंत्री

कृषी पदवीधरांना भविष्यात मोठी संधी
कृषीतील उच्च गुणवत्ता शिक्षणासाठी नेमलेल्या पाचव्या अधिष्ठाता समितीने नुकताच अहवाल सादर केला आहे. सरकारने तो मंजूरही केला आहे. यामुळे कृषी आणि समकक्ष पदवीला व्यावसायिक (प्रोफेशनल) दर्जा मिळाला आहे. कृषी पदवीधारकांना भविष्यात याचा निश्‍चितच लाभ मिळणार आहे. कृषी पदवी ही आता अभियंता (इंजिनिअर) पदवीला असलेल्या दर्जाच्या बरोबर आहे. परिणामी देशासह परदेशात कृषी पदवीधरांना मोठी संधी मिळणार आहे, असे कृषिमंत्री सिंह यांनी सांगितले.


इतर अॅग्रो विशेष
सोयाबीन दर विक्रमी पातळी गाठण्याचे संकेतनवी दिल्ली : देशातील महत्त्वाच्या सोयाबीन...
`उज्ज्वला` योजनेत मोठा भ्रष्टाचारनवी दिल्ली (वृत्तसंस्था) : पंतप्रधान नरेंद्र मोदी...
गारठा पुन्हा वाढणारपुणे  ः राज्यात अंशतः ढगाळ हवामान असून...
पूरबाधित ऊस तोडीस कारखान्यांकडून टाळाटाळपुणे  ः राज्यातील गाळप हंगाम सुरू होऊन...
नाशिक जिल्ह्यात द्राक्षमणी पोखरणाऱ्या...नाशिक  : जिल्ह्यात द्राक्ष पीक फुलोरा व मणी...
मराठवाड्यातील ५५ प्रकल्प कोरडेचऔरंगाबाद : ऑक्‍टोबरमधील पावसाने दुष्काळाने...
पंजाबचे पशुपालक वापरतात सुधारित तंत्रलुधियाना (पंजाब) येथे प्रोग्रेसिव्ह डेअरी...
शेती, दुग्धव्यवसायाने बनविले...कोल्हापूर जिल्ह्यातील शेळेवाडी (ता. राधानगरी)...
म्हणे शेतात, पीक असल्याने वीज जोडणीस...अमरावती  ः शेतात पीक असल्यामुळे शेतकरी वीज...
देशी गोसंगोपन, गांडूळखतासह दूध...सातारा जिल्ह्यातील कोपर्डे हवेली (ता. कऱ्हाड)...
दर्गनहळ्ळी येथे वाढलाय पक्ष्यांचा...सोलापूर : पूर्वी सूर्यकिरणांसोबतच पक्ष्यांचा...
अवकाळी पावसामुळे बाधितांसाठी साडेचार...मुंबई : ऑक्टोबर, नोव्हेंबर महिन्यांतील अवकाळी...
डाळिंब बियाच्या तेलापासून ‘सॉफ्टजेल...सोलापूर ः येथील राष्ट्रीय डाळिंब संशोधन केंद्राने...
मध्य महाराष्ट्र, मराठवाडा, विदर्भात...पुणे  ः मध्य महाराष्ट्र, मराठवाडा व...
आव्हाने खूप सारी, तरीही मधमाशीपालनात...नाशिक येथे पूर्वा केमटेक या कंपनीतर्फे नुकताच...
आकस्मिकता निधीच्या मर्यादेत तात्पुरत्या...मुंबई : महाराष्ट्र आकस्मिकता निधीच्या...
खासगी प्रवासी बसमधून शेतमाल वाहतुकीला...सोलापूर : राज्याच्या ग्रामीण भागातून मुंबई,...
राज्यात बोरं ८०० ते ४००० रुपये...सोलापूर : सोलापूर कृषी उत्पन्न बाजार समितीच्या...
विदर्भात वादळी पावसाची शक्यता पुणे ः विदर्भाच्या काही भागांत हवामान ढगाळ आहे....
मूळ समस्यांशी थेट भिडावे लागेल ऑगस्टपर्यंत पावसाची वाट पाहणारा शेतकरीवर्ग...