agriculture news in marathi fodder availability in Khandesh will be more than need | Agrowon

खानदेशात कडब्याची आवक वाढणार

टीम अॅग्रोवन
रविवार, 24 जानेवारी 2021

खानदेशात यंदा रब्बी हंगामाची पेरणी अपेक्षेपेक्षा अधिक झाली आहे. त्यात दादर ज्वारी, संकरित ज्वारी, मका, बाजरी या पिकांची पेरणीदेखील बऱ्यापैकी झाली आहे.

जळगाव ः खानदेशात यंदा रब्बी हंगामाची पेरणी अपेक्षेपेक्षा अधिक झाली आहे. त्यात दादर ज्वारी, संकरित ज्वारी, मका, बाजरी या पिकांची पेरणीदेखील बऱ्यापैकी झाली आहे. पिकांची स्थिती चांगली आहे. दादर ज्वारी पीक पक्व होत आहे. पुढील महिन्यात कापणी अनेक भागांत सुरू होईल. 

कापणीनंतर खानदेशात दादर ज्वारीच्या कडब्याची उपलब्धता होणार आहे. दादर ज्वारी महत्त्वाचे चारा पीक म्हणूनही ओळखले जाते. दादर ज्वारीचा कडबा सकस असतो. दुधाळ पशुधनासाठी शेतकरी दादरची कुट्टी साठवून ठेवतात. कडब्याचे दर इतर चाऱ्याच्या तुलनेत दुप्पट असतात. गेल्या वर्षी कडबा प्रतिशेकडा चार हजार रुपये होता. यंदाही दर साडेतीन हजार रुपये ते चार हजार रुपये प्रतिशेकडा, असे राहतील, असा अंदाज आहे. 

दादरची पेरणी धुळ्यातील शिरपूर, शिंदखेडा, जळगावमधील चोपडा, यावल, पाचोरा, जळगाव आदी भागात अधिक झाली आहे. ही पेरणी मिळून सुमारे ३० हजार हेक्टरवर खानदेशात झाली आहे. अनेक शेतकऱ्यांनी दादर ज्वारीची कडबा व धान्यासाठी पेरणी केली होती. कडबा अनेकदा दुरापास्त होतो. तो खरेदी करणे शक्य होत नाही, यामुळे पेरणी करण्यात आली. 

फेब्रुवारीत कापणी, मळणी 
दादर ज्वारीच्या धान्यासही चांगला उठाव असतो. कोरडवाहू दादर ज्वारी पक्व होत आहे. तिची कापणी, मळणी फेब्रुवारीच्या सुरवातीलाच सुरू होईल. अर्थातच कडब्याची आवक फेब्रुवारीच्या मध्यात असणार आहे. सध्या चारा मुबलक आहे. जळगाव जिल्ह्यात लहान, मोठे ११ लाख पशुधन आहे. सध्या तुरीचा भुसा, मक्याचा कडबा उपलब्ध आहे. पुढे चाऱ्याची उपलब्धता आणखी वाढेल, असे पशुसंवर्धन विभागाचे म्हणणे आहे.


इतर ताज्या घडामोडी
शासकीय हरभरा खरेदीच्या ऑनलाइन नोंदणीला...जळगाव : खानदेशातील प्रमुख बाजार समित्यांमध्ये...
बंद आठवडी बाजाराचा कांदा उत्पादकांना...जळगाव ः जळगाव जिल्ह्यात आठवडी बाजार ६ मार्चपर्यंत...
महिलांना रोजगार मिळवून देण्यासाठी ‘...रत्नागिरी ः पर्यटन व्यवसायातून महिलांना रोजगार...
कापडण्यात कांद्याला फटकाकापडणे, जि. धुळे : पावसाळ्यात सलग तीन महिने पाऊस...
परभणी जिल्ह्यात अवकाळीने हरभरा, ज्वारी...परभणी ः जिल्ह्यात या महिन्यात झालेला अवकाळी पाऊस...
मारुती माळ येथे टस्कराचे दर्शनकोल्हापूर ः बाळेघोल (ता. कागल) येथील जंगलातून...
मराठवाड्यात अवकाळीने ३३ टक्के पिकांचे...औरंगाबाद : अठरा व १९ फेब्रुवारी रोजी झालेल्या...
नांदेड जिल्ह्यात नुकसानग्रस्तांसाठी...नांदेड : जिल्ह्यात फेब्रुवारी ते मे २०२० या...
निम्न पेढी प्रकल्पाचे काम वेळेत पूर्ण...अमरावती : निम्न पेढी प्रकल्प हा अमरावती व अकोला...
...तर खंडणीचे गुन्हे दाखल करा ः गरडपुणे ः ‘‘पुणे कृषी उत्पन्न बाजार समितीमध्ये हमाली...
सहकारी संस्थांच्या निवडणुकांना पुन्हा...कोल्हापूर ः राज्याच्या राजकीय पटलाचे लक्ष लागून...
बाजार समित्यांनी पेट्रोल, सीएनजी पंप...परभणी ः उत्पन्नात वाढ होण्याच्या दृष्टीने जिल्हा...
जैन यांच्या मोजेक पोर्ट्रेटची ‘गिनेस...जळगाव :  जैन उद्योग समूहाचे संस्थापक अध्यक्ष...
सातारा जिल्ह्यात ५५ टक्के क्षेत्रावर...सातारा ः जिल्ह्यात २५ फेब्रुवारीअखेर तीन हजार १५४...
शेतकरी उत्पादक कंपन्यांसाठी योजनामहाराष्ट्र सहकार विकास महामंडळ आणि नाबार्डद्वारे...
कृषी सल्ला (परभणी विभाग)पाण्याची उपलब्धता असल्यास उन्हाळी भाजीपाला...
राज्यात टोमॅटो १५० ते १००० रुपयेऔरंगाबादमध्ये क्विंटलला ३०० ते ६०० रुपये दर...
वनशेतीमध्ये चारा पिकांची लागवड फायदेशीर...वनशेतीमध्ये वनीय कुरण, कृषी वनीयकुरण, उद्यान...
शेतीच्या उन्नतीसाठी ज्ञानच महत्त्वाचे...पुणे : कृषीप्रधान देश असलेल्या भारतात शेतीला...
अवकाळीच्या तडाख्यात शेवग्याचे पुन्हा...नाशिक : गत जानेवारी महिन्यात झालेल्या अवकाळी...