मराठवाड्यातील पाच जिल्ह्यांत १५ चारा छावण्यांची भर

संग्रहित छायाचित्र
संग्रहित छायाचित्र

औरंगाबाद : मराठवाड्यातील घटलेली चारा छावण्यांची संख्या आता वाढायला सुरवात झाली आहे. औरंगाबाद, जालना, परभणी, बीड, उस्मानाबाद जिल्ह्यांत ५ जुलैपर्यंत ३९ असलेल्या चारा छावण्या आता ५४ झाल्या आहेत. बारा दिवसांत १५ छावण्यांची भर पडली आहे. छावणीतील २४ हजारांवरील जनावरे ३७ हजारांवर पोचली आहेत. शिवाय चाऱ्याच्या टंचाईमुळे ऊस हा जनावरांचा मुख्य चारा बनला आहे. तोही जादा दराने खरेदी करण्याची वेळ शेतकऱ्यांवर आली आहे.

पावसाळा सुरू होऊन जवळपास सव्वा महिना लोटला. तरीही मराठवाड्यात सर्वात्रिक व समाधानकारक पावसाचा पत्ता नाही. अनेक ठिकाणी अजून खरिपाची पेरणीच झाली नाही. मराठवाड्यात दुष्काळामुळे सुरू करण्यात आलेल्या चारा छावण्यांची संख्या मोठ्या प्रमाणात घटली होती.   

मराठवाड्यात ११५३ चारा छावण्याना मंजुरात देण्यात आली होती. यामध्ये औरंगाबाद जिल्ह्यातील ६५, जालना जिल्ह्यातील ४८, परभणी जिल्ह्यातील १, बीडमधील ९३३ व उस्मानाबाद जिल्ह्यातील १०६ चारा छावण्यांचा समावेश होता. औरंगाबाद, जालना, परभणी, उस्मानाबाद व बीड या पाच जिल्ह्यांत २४ जूनअखेर तब्बल ६६८ चारा छावण्या सुरू होत्या. त्यामध्ये ४४०७८८ जनावरे होती. २९ जून अखेर या जिल्ह्यात १३० चारा छावण्या सुरू होत्या.  त्यामध्ये ६९ हजार ८४० जनावरे होती. ५ जुलैअखेर पाचही जिल्ह्यातील  चारा छावण्यांची संख्या घटून ३९ वर आली. त्यात केवळ २४ हजार ९६ जनावरे राहिली. त्यानंतर आता या छावण्यांत पुन्हा १५ छावण्यांची भर पडली आहे.

औरंगाबाद व परभणी जिल्ह्यातील प्रत्येकी एका छावणीसह बीड जिल्ह्यातील ११ व उस्मानाबाद जिल्ह्यातील सर्वाधिक ४१ चारा छावण्यांचा यात समावेश आहे. औरंगाबाद  जिल्ह्यातील चारा छावण्यांत २४२१, परभणीतील छावण्यांत २२३, बीडमधील छावण्यांत ८३३७ व उस्मानाबाद जिल्ह्यातील छावण्यांत २६८३८ जनावरांचा समावेश असल्याची माहिती सूत्रांनी दिली. 

चारा छावण्या आणि जनावरांची संख्या

तालुका छावण्या जनावरे
औरंगाबाद २४२१
परभणी २२३
बीड  ६४६
आष्टी २२७९
वडवणी  ८५५
गेवराई ४५५७
भूम २२ १३२५९
परंडा १७ ११८०४
वाशी १७७५

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com