agriculture news in marathi, The fodder camps only are on paper in the Mangalvedha | Agrowon

मंगळवेढ्यातील चारा छावण्या कागदोपत्रीच

टीम अॅग्रोवन
शनिवार, 22 डिसेंबर 2018

तालुक्‍यातील पशुधन संकटात आहे. कागदोपत्री नियोजन न करता तत्काळ छावण्या सुरू कराव्यात. विलंब झाल्यास राष्ट्रवादीच्या वतीने आंदोलन करण्यात येईल.
- सुनील डोके, तालुकाध्यक्ष, राष्ट्रवादी

१० गावांत चारा डेपो सुरू करण्याबाबतचा प्रस्ताव जिल्हाधिकाऱ्यांकडे सादर केला आहे.  छावणी किंवा डेपो याबाबत जे आदेश होतील, त्याप्रमाणे कार्यवाही केली जाईल.
- अप्पासाहेब समिंदर, तहसीलदार

तालुक्‍यातील १४ पशुवैद्यकीय दवाखान्यांतून चाऱ्यासाठी एक हजार ४९० शेतकऱ्यांना १४९ हेक्‍टरवर पेरणीसाठी ज्वारीचे बियाणे, ६४२ शेतकऱ्यांना ६४.२ एकरांवर पेरणीसाठी मकेचे बियाणे, तर ४२४ शेतकऱ्यांना ४२ हेक्‍टर क्षेत्रात लागवड करण्यासाठी बाजरीचे बियाणे दिले आहे. फेब्रुवारी व मार्चमध्ये साधारण नऊ हजार ८०० मेट्रिक टन चारा उपलब्ध होईल. 
- दादासाहेब मेटकरी, पशुधन अधिकारी

मंगळवेढा, जि. सोलापूर : दुष्काळ जाहीर होऊन दीड महिना झाला. महसूलमंत्र्यांनी छावण्या सुरू करण्याचे आदेश देऊनही महसूल खात्याने कागदोपत्रीच उपाययोजना राबवल्याचे दिसत असल्याने तालुक्‍यातील पशुधन चाऱ्याअभावी संकटात आले आहे.

तालुक्‍यामध्ये सध्या २१ हजार ७२१ लहान व ७३ हजार १६० मोठी असे ९४ हजार ८८१ पशुधन आहे. हिरवा चारा लहान जनावराला साडेसात किलो, तर मोठ्या जनावरांना १५ किलोप्रमाणे १२६०.३०७५ मे. टन चारा लागणार आहे. सुका चारा लहान जनावराला तीन, तर मोठ्या जनावराला सहा किलोप्रमाणे ५०४.१२३ मे. टन इतका प्रतिदिन लागणार आहे. सध्या १४३६५ मे. टन ओला, तर सुका २७०४ किलो इतका चारा उपलब्ध आहे. हा चारा किमान एक महिनाभर पुरू शकेल अशी परिस्थिती आहे. 

पशुसंवर्धन विभागाने वाटप केलेल्या बियाणांचा चारा १५ दिवस पुरेल इतका मार्चमध्ये उपलब्ध होईल. जानेवारी व फेब्रुवारीत काय करायचे, हा प्रश्‍न पशुपालकांसमोर आहे. चारा छावणीऐवजी दावणीला द्यावी, अशी मागणी करत ४५ गावांत आंदोलन झाले.

केंद्रीय पथकाचा एकाच गावात दौरा झाला. महसूलमंत्र्यांनी चारा छावण्या सुरू करण्याचे आदेश जिल्हाधिकाऱ्यांना दिले. या महसूल प्रशासनाने अद्याप तालुक्‍यांमध्ये छावण्या सुरू केल्या नाहीत. उलट काही गावांत तलाठ्यांमार्फत शेतकऱ्याकडून अर्ज भरून घेतले, यामध्ये ते शेतकऱ्यांकडून आधार कार्ड व बॅंक पुस्तक घेऊन शासन व प्रशासनाबद्दलचा रोष शांत करण्याचा प्रयत्न करत आहेत. यामुळे छावण्या महसूल प्रशासन सुरू करणार की काय, अशी विचारणा होत आहे. पशुपालकांचे समाधान होईल, असे उत्तर महसूल खात्याकडून दिले जात नाही.


इतर ताज्या घडामोडी
रासायनिक खतांचा योग्य वापर महत्त्वाचापिकांना खताची मात्रा ठरविण्यापूर्वी जमिनीचे...
मका, सीताफळ, केळी, भाजीपाला पीक सल्ला (...प्रादेशिक हवामान केंद्र, मुंबई येथून प्राप्‍त...
दूध प्रश्नी मुख्यमंत्र्यांनी हस्तक्षेप...नगर ः दुधाला प्रतिलिटर किमान 30 रुपये दर मिळावा...
सुपारी, आंबा, नारऴ, काजू फळबाग सल्ला (...ढगाळ व दमट वातावरणामुळे, आंब्याच्या नवीन येणाऱ्या...
राज्यात लिंबं २०० ते १६०० रूपये क्विंटलऔरंगाबादमध्ये क्विंटलला ५०० ते ७०० रुपये दर...
खानदेशात भिज पावासाने पिकांना लाभजळगाव  ः खानदेशात मागील दोन दिवस भिज पाऊस...
सोलापूर जिल्ह्यात मूगाची पाने पिवळी पडू...सोलापूर  ः जिल्ह्यात पावसाने वेळेवर हजेरी...
प्राथमिक शिक्षकांच्या प्रशासकीय बदल्या...कुसुंबा, जि. धुळे ः सर्वांत मोठा नोकर वर्ग म्हणून...
बार्शीतील रेशनच्या धान्य...सोलापूर  ः बार्शी तालुक्यातील रेशनचे धान्य...
शेत जमिनीच्या मोजणीसाठी चार हजार...सोलापूर ः पती-पत्नीच्या नावावर असलेल्या...
‘आयआयएचआर’चे बियाणे आता ऑनलाइन नाशिक : भारतीय कृषी संशोधन परिषदेच्या बंगळुरू...
मराठवाड्यात पीक कर्जाचे ४०.८३ टक्केच...औरंगाबाद : मराठवाड्यात शेतकऱ्यांना खरीप पीक...
पुणे जिल्ह्यातील सहा धरणांत ८०...पुणे ः धरणाच्या पाणलोट क्षेत्रात पावसाचा जोर कायम...
सातारा जिल्हा बँकेतर्फे १३४ टक्के...सातारा : जिल्हा वार्षिक पत आराखाड्यात २०२०-२१...
जनावरांमध्ये `लंपी स्किन`चा संसर्ग नांदेड  ः अर्धापूर परिसरात गाय, बैल आदी...
नांदेड जिल्ह्यातील एक लाख ९२ हजार...नांदेड  ः यंदा जिल्ह्यातील २ लाख ६८ हजार...
ओसंडून वाहतोय आडोळ प्रकल्पशिरपूरजैन, जि. वाशीम ः दमदार पावसामुळे येथील आडोळ...
काटेपूर्णा प्रकल्प तुडुंब, पाणी साठ्यात...अकोला ः यंदाच्या मोसमात आत्तापर्यंत वेगवेगळ्या...
अकोला जिल्ह्यात युरिया खताचा वापर वाढलाअकोला ः जिल्ह्यामध्ये मागील वर्षाच्या तुलनेत...
राधानगरी धरणाचे दोन दरवाजे खुलेचकोल्हापूर : जिल्ह्याच्या पश्‍चिमेकडील...