agriculture news in marathi, fodder shortage in district, pune, maharashtra | Agrowon

पुणे जिल्ह्यात चाराटंचाईचा प्रश्‍न गंभीर
टीम अॅग्रोवन
सोमवार, 22 एप्रिल 2019

सासवडजवळील नावळी (ता. पुरंदर) येथील बलराम चारा छावणीत सध्या १०० हून अधिक जनावरे आहेत, तर सुमारे ३५० जनावरांची नोंदणी झाली आहे. छावणीत पुढील तीन ते चार दिवस पुरेल एवढाच चारा शिल्लक आहे. पुढील चाऱ्याचे नियोजन तातडीने करावे लागणार आहे, अन्यथा छावणी बंद करण्याशिवाय पर्याय नाही. 
- सागर जगताप, बलराम चारा छावणी, नावळी, ता. पुरंदर.

पुणे  : जिल्ह्यात पाणीटंचाईबरोबरच चाराटंचाईचा प्रश्‍न गंभीर होत चालला आहे. यामुळे जनावरांसाठी चारा कोठून आणायचा असा प्रश्‍न पशुपालकांसमोर उभा राहिला आहे. जिल्ह्यात सासवड, सुपा आणि शिरूर येथे तीन खासगी चारा छावण्या सुरू झाल्या आहेत. मात्र त्यांच्याकडेही चाऱ्याची कमतरता असल्याने या छावण्याही बंद पडण्याची भीती आहे. दुसरीकडे राज्य सरकार, प्रशासन निवडणुकीच्या रणधुमाळीत व्यस्त असून, दुष्काळाची झळ त्यांच्यापर्यंत पोचूनही त्यांना गांभीर्य नसल्याने त्याचाही फटका पशुपालकांना बसत आहे.

जिल्ह्यात मार्च अखेरपर्यंत पुरेल एवढाच चारा उपलब्ध असल्याचे जिल्हा प्रशासनाकडून दोन महिन्यांपूर्वी सांगण्यात आले. आता एप्रिल महिनाही संपत आला असताना प्रशासन आणि राज्य सरकार निवडणुकीमध्ये व्यस्त असल्यामुळे चाराटंचाईकडे दुर्लक्ष होत आहे. २०१२ च्या पशुगणेनुसार जिल्ह्यात साडेदहा लाख दुभत्या जनावरांची संख्या आहे. त्यामध्ये संकरीत जनावरे ४ लाख ५६ हजार, देशी जनावरे ३ लाख ७ हजार आणि म्हैस २ लाख ९७ हजार असे एकूण साडेदहा, तर मेंढी, शेळी यांची संख्या जवळपास सहा लाख इतकी आहे.

सध्या पाणीटंचाई भीषण बनली असून, तब्बल १२० टॅंकरने जिल्ह्यातील पावणेतीन लाख नागरिकांची तहान भागवली जात आहे. पावसाअभावी शेतीतून उत्पन्न मिळाले नाही, हाताला काम नाही, अशा परिस्थितीत जनावरांना पाणी आणि चारा द्यायचा कोठून, त्यांना जगावयचे कसे असा मोठा प्रश्‍न शेतकऱ्यांसमोर उभा राहिला आहे. चारा छावण्या सुरू करण्याबाबत जिल्ह्यातून अनेक प्रस्ताव प्रशासनाकडे आले आहेत. सद्यःस्थिती पाहता चारा छावण्या सुरू होणे अपेक्षित होते. जिल्ह्यातून आलेल्या प्रस्तावांना तात्काळ मंजुरी देऊन चारा छावण्या सुरू कराव्यात, अशी मागणी होत आहे. 
 

इतर ताज्या घडामोडी
नगर जिल्ह्यातील ४३ हेक्टर जमीन गेली...नगर  ः जिल्ह्यात पंधरा दिवसांपूर्वी गोदावरी...
पूरबाधित क्षेत्रातील उसाचे व्यवस्थापन पुराच्या पाण्याचा कालावधी, पाण्याचा गढूळपणा आणि...
संत्रा फळपिकावरील तपकिरी कुज व्यवस्थापन लिंबू वर्गीय फळझाडास वर्षातून तीनदा बहार येतो....
नत्राच्या दुहेरी समस्यांवर मात...जागतिक पातळीवर नत्राचे प्रदूषण आणि शेतीसाठी...
डाळिंबाच्या मार्केटिंग, प्रक्रिया...सोलापूर  : ‘‘जिल्ह्यात उत्पादन होणारे डाळिंब...
जळगाव जिल्हा सहकारी दूध संघाला तीन...जळगाव  ः जळगाव जिल्हा सहकारी दूध उत्पादक...
औरंगाबाद जिल्ह्यात पावसाअभावी टोमॅटोचे...औरंगाबाद :  जिल्ह्यातील टोमॅटोचे आगार...
अकोला जिल्ह्यातील पाच पशुवैद्यक दवाखाने...अकोला  ः जिल्हा परिषदेअंतर्गत चालविल्या...
सिंधुदुर्ग जिल्ह्यातील २३ धरणे भरलीसिंधुदुर्ग : मुसळधार पावसामुळे जिल्ह्यातील २३...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील अनेक...
दसरा, दिवाळीसाठी चांदवड तालुक्यात...नाशिक  : चांदवड तालुक्यातील शेतकरी दसरा,...
नगर जिल्ह्यातील वाहून गेलेल्या...नगर : पुराच्या पाण्याने वाहून गेलेल्या जमिनीचे...
सिंधुदुर्ग जिल्ह्यात अतिवृष्टीमुळे...सिंधुदुर्ग   ः अतिवृष्टीचा भाजीपाला...
महापुराच्या स्थितीतही ‘त्यांनी’ तीन...नवेखेड, जि. सांगली  : मसुचिवाडी (ता....
वसंतराव नाईक यांनी आधुनिक तंत्रज्ञान...पुसद, जि. यवतमाळ   ः देशातील...
सरकारला खरीप, रब्बीतील फरक कळत नाही :...पैठण, जि. औरंगाबाद  : राज्यातील शेतकऱ्यांची...
पूरग्रस्त भागातील घरांच्या दुरुस्तीसाठी...मुंबई  : पूरग्रस्त ग्रामीण भागातील वाहून...
पीक नुकसानभरपाई नको; संपूर्ण कर्जमाफीच...कऱ्हाड, जि. सातारा   ः महापुराने हुती...
नगर जिल्ह्यात ४०५ टॅंकरद्वारे पाणीपुरवठानगर  ः जिल्ह्यात बहुतांश ठिकाणी पावसाने...
उत्तर भारतात अतिदक्षतेचा इशारा; नद्या...नवी दिल्ली : दक्षिण भारतानंतर आता उत्तर भारतही...